أخواتي الحبيبات و عالمي المفضل..
اليوم رح أقدم لكم معجناتي ، يا رب تعجبكم مثل ما عجبتكم بيتزتي..
نبدأ باسم الله الرحمن الرحيم..
المقاديــــــــر:
4 أكواب دقيق
ملعقه كبيره خميره مذابه في نصف كوب ماء دافئ مع ملعقه كبيره سكر
نص فنجان زيت نباتي
نص فنجان زيت زيتون
ماء دافئ للعجن (تقريبا كوب و نص)
نص كوب زبادي و نضيف عليه نص كوب حليب سائل نسخنه على النار أو في المكرويف
ننخل الدقيق و نضيف عليه الزبادي و الحليب و الخميره فقط..
لما يصير بهالشكل..نضيف عليه الملح و الزيت و نعجن كويـــــس و طولي بالك في العجين (تقريبا عجنته لمدة ربع ساعه)
لما تحسي ان العجينه تجانست و صارت ملساء ، قسميها 4 كور ، لأن تقسيمها يساعد على تخميرها أكتر، و ادهنيها بزيت و لفي صحن العجين بكيس نايلون و غطيها ببطانيه (لأن الجو بارد)
اتركيها تتخمــــــر براحتها و كل ما تخمرت أكتر يكون أحسن..
هون ما شاء الله تبارك الرحمن تخمرت كويس..
و فقاعات الهوا هذي دليل نجاح العجينه و لأنا عجناها كويس و خمرناها الوقت الكافي..
خلينا نشوف الحشوات ، أنا عملت حشوتين : جبن و رح أعطيكم طريقه حلوه تخلي الجبن ما يتفكك و يفرط مع الخبيز ، و سبانخ و طريقتي فيه مختلفه شوي..
نشوف السبانخ:
في المفرمه قطعي بصله متوسطه + سن توم + فلفل أخضر حار لو تحبي + ربع فلفل رومي (الفليفله)..افرميه فرم خشن و اعصريه من السائل اللي رح ينزل منه..
انا استخدمت السبانخ المفرز سيحته و عصرته كويس من الماء اللي فيه و اضفت عليه خلطة البصل +فلفل اسود +سماق +بهار +كمون +ملح +زيت زيتون تقريبا فنجانين + عصير ليمونه (ممكن تضيفي ملعقه كبيره شطه تعطيها طعم رائع)..
أما الجبن و الطريقه اللي رح اعطيكم اياها..هو إنك تضيفي للجبن الأبيض زلال بيضه ، استخدمت قطعة جبن ابيض +حبه وحده جبن مثلثات +نعناع ناشف +حبة البركه + بياض بيضه..
هون الحشوتين صارو جاهزين عنا..
تابعوني ما انتهيـــــــــــت..
بالنسبه للكروسان ممكن بهاي الطريقه و المفصله بالصوره..
أو بالطريقه هاي..
أما السبانخ ، نقطع العجينه كويرات صغار ..
و الصوره توضح الحشوه بالتفصيل :
الكره
نفردها
نحط فيها الحشوه ، و أنا أحبها تكون رقيقه علشان نحس بطعم الحشوه أكتر من الخبزه نفسها و كل وحده حسب ما ترغب..
و نسكرها بهالطريقه..
الكميه عملت عندي صينيتين كبار..
دهنت العجين بصفار البيضه اللي استخدمتها من قبل ، ضفت عليه خل و حليب سائل ، و رشيت شي بالسماق و شي بحبة البركه و شي بسمسم..
و هاي اقرب..
و هذي الصينيه الثانيه..
طبعا الصينيه لازم تكون مدهونه بزيت ، أو مغلفه بورق الزبده..
بعد ما تجهز عندك ، اتركيها تتخمر تاني و برضه كل ما تخمرت اكتر كل ما كانت أهش و اطيب ، و للي مستعجله على التخمير ، حمي الفرن 10 دقايق على نار عاليه و اطفيه و حطي الصواني فيه رح تتخمر اسرع..
هون ارتاحت و شوفو ما شا الله كيف حجمها..
و هذي كمان ..
نخبزها في فرن محمى و حار جدا لمدة 5 دقايق ثم نوطي الحراره شوي(200 فرن كهربا) و نكمل خبزها ،و هون أول دفعه على شبك التبريد..
و كمان صوره..
تابعوني ما انتهيت..