عجزت انحف

وش اقول
لا تشكي لي ابكي لك
ما قدرت استمر ع ريجيم طولي 157 و وزني 73
المشكله الدهون متركزة ببطني و ظهري والصدر الله وكيلك كاني دبابه
ودي بريجيم سريع بس مع الشتا مافي امل الجو جو اكل ونقرشة اخر الليل
كل مرا انوي ريجيم اخبص زيادة باكلي

مافيه شي اسم رجيم ينحف 10 ولا20 كيلو فيه شي اسمه ترتيب وتنظيم الاكل
تحبين الاكل مو مشكله تاكلين اخر الليل مو مشكله لكن خليه صحي قد ماتقدرين
اقطعي الرز والخبز والمكرونه البيضاء استبدليها بسمرا وبكميه قليله
الغازيات والحلا والمعجنات اقطيعها وخليها مره بالاسبوع
تحركي سوي رياضه وزنك اللحين 93 الزياده عندك 30-25 كيلو
اذا مابديتي من هذي اللحظه بيزيد وزنك وتصير الزياده 40 ولا50
وش تنتظرين يعني ؟ كلمه تجرحك ولا تحسسك؟ وش ناقصك اصلا عنهم
انا نزلت 6 كيلو بشهريين تقريبا بدون ولاحرمان والله بس تنظيم الاكل وترتبيه فقطط ورياضه !!
ولاتقولين ماحد يساعدك انا اخواني كل يوم يتريقون علي وماهزني!!!
انتبهي وفتحي عينك اذا انتي متزوجه وزوججك عاجبه صدقيني لو زدتي اول من بيقلب عليك هو
واذا بنت تتوقعين احد يرضى بكذا جسم ! جسمك هذا وقرارك انتي
يمديك خلال سته شهور بالراحه توصلي للجسم اللي تبيه
الكلام لك وللي ردت
واذا تبيني اساعدك انا حاضره باي شي واسفه لو كلامي جرحك لعل وعسى تفوقي

يابنت اسامه حمدي وبس والله ان ينحت جسمك نحت مع تمارين جليان.التخفيف للناس القريبه للمثالي انتي وين الله المستعان.الله ينحفنا وياك بصحه وسلامه انا كنت 85بديت بااسامه ونزلت 15كيلو اللحين وزني70ووبدا اللحين تخفيف ع راحتي لان احس زال الخطر طولي 161وصارت قياستي m ومقاس البنطلون 34-32 الحمدلله

حبيبتي اكاليل الياسمين .. والله حاسة بيك وبكل الي تقولية .. انت ناقصتك شوي عزيمة في البداية وبعد كذا كله يهون باذن الله .. لانو لما تبدئي تنحفي بتتجدد العزيمة عندك ... شوفي الحين اشرح لك .. واتكلم لك عن نفسي شخصيا لما نحفت قبل زواجي .. بس ذحين وزني زاد مع الحمل والرضاعة وبدات تخفيف من كم اسبوع ونحفت ٣ كيلو ومستمرة ان شاء الله ..

ضروري تعرفي في البداية انو ما في شيء يجي بالساهل .. والي تنقص بسرعة ترجع بسرعة وزيادة غير كذا جسمها يترهل ..
انا نحفت حوالي ١٥ كيلو في ٦ شهور هذا مع اني احيانا اخبص وازيد كم كيلو .. صح النفسية تتعب لو زدتي بس لازم تتحدي نفسك وتكملي .. ورح توصلي للمطلوب ..

بس اهم شيء توكلي على الله وادعيه بما شئت وان ييسر امورك ويعينك ويقوي عزيمتك ..

حببتي انا ما باقول لك اتبعي حمية واحرمي نفسك وذي الامور لا .. انا بس ابغاك تخففي خاصة النشويات .. يعني لو تاكلي خبز كامل كلي نص او ربع .. الرز خذي نص كوب .. مع ربع دجاجة او شريحة لحم او سمك قد كفك وسلطة باي كمية وخضار مسلوقة .. هذا من نفس غداكم .. الفطور والعشاء نفس الشيء كلي من الموجود بس بتخفيف
لما تجوعي بين الوجبات اشربي حليب او كلي حبة فاكهه او خيار او خس .. وقبل الوجبة اشربي موية كثير عشان تشبعي بسرعة ..

اهم شيء تجنبي ..
الحلويات
الغازيات
المقليات
الاشياء الدسمة
المكسرات ( ممكن تاخذي بس قد قبضة يدك )

كثري موية اشربي اقل شيء ٨ كاسات باليوم .. عبي جك وخليه جنبك وكل شوي اشربي منه شويه .. ما تصدقي قد ايش الموية مهمة وكيف تساعد في حرق الدهون
اشربي كمان شاهي اخضر بعد الوجبات اذا حابة

الرياضة كمان مهمة مع التخفيف .. لانها :.
١- تساعد على انقاص الوزن بسرعة اكبر بدل نص كيلو او كيلو بالاسبوع .. يصيروا كيلوين 😍
٢- تشد الجسم وتقلل او تمنع الترهلات
٣- تنقص الاجزاء الي انت تبغيها تنزل اكثر من جسمك .. مثلا لو بطنك كبير يصير تركزي على تمارين البطن اكثر من غيرها فتحسي انه نقص اكثر من اجزاء جسمك الثانية وكذا ..

حببتي كمان حاولي تخلي لك يوم مفتوح بالاسبوع او وجبة مفتوحة بالاسبوع .. تاكلي الي نفسك فيه بس حاولي ما تكثري ..
ممكن بعد ذا اليوم اذا خبصتي بزيادة تزيدي كيلو وهذا عادي وطبيعي .. فلا تزعلي لانك راح تنقصي اكثر
الحكمة من اليوم المفتوح انك ما تعودي جسمك على اكل معين وقليل .. وفي النهاية يثبت وزنك وجسمك ما يصير يحرق .. لا
انت في اليوم المفتوح فاجأتي جسمك باكل زيادة وغير متوقع فيصير يحرق زيادة وطول الاسبوع يحرق كثير لانه خايف انك تفاجئية بوجبة ثانية .. فهمتي علي اختي
فهذا يساعدك انو ينقص وزنك اكثر

اخر شيء باقول لك عليه الي هو العزيمة .. حاولي تقويها دائما .. اذا حسيتي نفسك ضعفتي امام الاكل تذكري النتيجة الي بتوصلي لها وكيف بيكون شكلك لو نحفتي وكيف بتتحسن نفسيتك وكيف بتكون ردة فعل الناس لما يشوفوك😍 .. غير كذا صحتك تتحسن .. حطي قدامك لبس مقاسه صغير شوي وقولي لازم يجي اليوم الي البسك فيه ..
كل ما تنحفي كيلو او اثنين راح نزيد عزيمتك ان شاء الله ..
ممكن تمر عليك ايام تضعفي فيها وتزيدي .. لا تستسلمي لها ابدا بالعكس قاوميها وكملي مشوارك وراح تنقصي الي زدتيه وزيادة وتتعدل نفسيتك ..
في البداية تقريبا اول اسبوع .. الموضوع بيكون صعب شوي وكل شوي تجوعي بس لما تتجاوزية خلاص بخف الجوع تدريجيا ويصير الموضوع اسهل ان شاء الله

اهم شيء ادعي كثيييييير وربي يوفقك حبيبتي وينحفنا كلنا من غير شر ..

تمآرين جيليآن رووووعه ، آنا ليآ ثمآنيه آيام عليهآ وربي جسمي تغير كثييييير ، الزوايد اللي على جنب بدت تختفي حتى في اللبس صار شكلي آحلى من آول وكتوفي وفخوذي صغرت ووزني نزل كيلو يعني صرت 72 الحمدلله ، ماأمشي على دآيت بس تخفيف وحذفت وجبة العشآ ، كنت فاقده الآمل مررره لآني آرضع ومو قآدره آستخدم شي آو آسوي دآيت وآمشي عليه تمام عمومآ آنا مآاحب التزم بدآيت معين ، في بدآية التمآرين آول يومين كآن صعب عليآ ومآقدرت حتى آمشي وآرتحت يوم وبعدهآ كملت والحمدلله ، ونآويه آن شآء الله اكمل شهر كآممممل عليهآ ،،