باقوم اصلي وخليت الابتوب مفتوح وسي عبدالله قاعد اوصيته
بس مفهي ما ادري يحب الولد :icon33: لاحد يخرب الموضوع
وجات بنيتي اصغر العنقود وما ادري اي زر اتقول انها تبغي اتشوف
ومسحت الموضوع كله :icon33: :icon33: وانا ما سويت سيف
له --- هذي مقدمه للموضوع مثل مقدمات الجاحظ
ندخل في الموضوع
فطاير تاخذ العقل اسم الله علييييكم عجينه اللي علمتهم اياه دائما
يشكرررون عليهاا
انا باصيح بارد اكتب الموضوع مره ثانيه ( تدرون كنت باوديهم جنغل زون )وهونت
من الصدمه
اقول من الحره قاعده اخطرف ماعليييكم مني اطلبوا لي بس
المقاديرررر :icon33:
عزيزاتي مقاسي اهنيه هو علبة الروب مالت داندي الي عندنا تقريبا تساوي
كوب بالقياس او250 مل
7 علب روب طحين انا استخدم ( الفاخر) جميع الاستعمالات ...تقريبا يجي كيس الي 1 كيلو ------ 1بيضه ---- 2م ك خميره فوريه ---- 1 م ك ملح ---- 2 م ك سكر --
1 علبه روب نيدو بودر --- 1/2 علبة الروب زيت ممكن اتزيدين --- 3 علب الروب ماي --- 1/2 علبة الروب روب --
الحين راح نبتدي في العجينه انجيب العجانه ونحط اول شي الطحين مع البيضه ونخلط شوي ونحط نيدو والخميره والملح والسكر ونخلط نقلب خفيف ونحط روب والزيت ونخلط ونحط الماي بس مو دفعه وحده شوي اشوي ونخلط ونخلط وانخلي العجينه تخلط حتى تتماسك معانا حتى اذا مسكتيها ما راح تلصق معاج ... وتتكور اما اذا اتلصقت فاكيد في شي ضيفي لها زيت او طحين حتى تعتدل ماعاج ...
واذا خلصت حطيها في جدر بس اعجنيها شوي بيدج وحطيها في مكان دافي
ترى ما تبطي اول ما تنفخ معاج اخبزيهااا
الحين عقب ما ستوت العجينه قطعيا 3اقسام متساويه كوريها وخليهم في الجدر وخطيه حتى ما تنشف معاج
شغلي الفرن 180 ْ تقربيا وخليه يصخن
اثناء انتظارج للعجينه
سوي خلطة البتزا ...... 3 طماطات شايله القشره عنهم وضاربتهم في الخلاط بس خليهم غليظين ...حمري او احمسي بصله وحده مفرومه صغير حتى تذبل وحطي عليها الطماط المخلوط وقفشة صلصل حتى تصير حمراا رشه ملح فلفل اسود
قفشه اورغانوااا وخلطي بس شليه لا تخلينه واجد ترى خلطتي ذي عالميه عند التجربه بتقولين فعلا ريحتها بتطلع بيتزا قبل لاتستوي
اخذي عجينه وحده من اللي قسمتيهم وفرديها وبالكوب قطعي دوائر وحطيهم في الطبق الفرن انا استخدم اللي بيجي مع الفرن احط عليه القصدير وادهنه بزيت امسح
مو تكثرين واحط دوائر البيتزا وضغط عليها بأيدي عشان بس اكبر مساحتها والحين
احط عليها من صلصه البتزا اللي جهزناها واحط فوق الصلصه مشروم مقطع شرائح
واحط زيتوت اسود الي مقطع شرائح وفلفل اخضر بارد مقطع صغير يعني انثره على
كل قطعه وممكن تحطين الببروني مال البيتزا السلايس الصغير انا قطعه ونثره معاهم
والحين احط الجبن المبشور ودخل الفرن الحار بس اشوي وقصر عليه اول ما اشوف تحمر من تحت ارفع قطعه من البيتزا واشوفها تحمرت العجينه اشل الطبق وشغل من فوق
وارفع الصينه فوق ذابت الجبنه اطلع الطبق واشل البيتزا
واحط مكتنها ....
فطاير الجبنه ناخذ قطعه العجينه الثانيه ونفردها مستطيل ونقطعها 78 عرفتي مثل السنبوسه ايوه ونحشيها بجينه البيضا مالت البقرات 3 او اي جبنه مقاربه لها انا اسويها بجبنة المراعي اللي في علبه خضرااا ( جبنه بيضا ) مكتوب عليهاا
اخذ كميه من الجبنه واحط عليها نعناع مقطعته قطع صغيره وخالطته نعاها
وعبي العجينه من الجزء اللي مساحته اكبر ولفيه بتشوفين اشلون انا لافته من خلال الصوره الجايه ومسحي الوجه ب بيضه حاطه فيها اشوي خل حتى ما تطلع زفره البيض ورشي عليه سمسم
والحين العجينه الثالثه افرديها مستطيل عريض اشوي وقطعيها اصابع متساويه
وقطعي كل قطعه من الوسط وحشيها بالخلطه التاليه زعتر خالطته ب زيت زيتون
واذا تبغين يكون حامض اشوي حطي عليه رشه سماق هذا سر لاتعلمينه حد اذا حبيتي تراه مو شرط ..على طول العجينه اللي مثل الاصابع امسحي الزعتر ولفيه مثل
التاير
وصفيهم في الطبق ودخليهم الفرن وقصري عليه واو ما يبتدي يستوي ويتحمر
شليه عيوني وقدميه شوفي الصوره اذا عينه انا سويتها
والحييين اتمنى ان يعجبببكم هذا تاخذينه وانتي رايحه سهره الخميس الييييوم سهره بيت الوالده
وبو العيال تعطينه شوي حق البر
في العافيه جربوا العجينه بتدعون علييه :30: قصدي بتدعون ليه
سكككككككككككككككوره