عدنان ولينا وايام الهباااال

مساكم الله بالخير ياصبايا:)
وش احوالكمن عاسكن بخير :13: بصراحه انا اول اكتب هنا يعنى يستخف دمي اليوم
:o ياحليلي هالحين ابذكركم ايام الورعنه
والطفوله اللي مهيب بريئه

نبدا مع الاغنيه اللي كلكم حافظينها
عدنان ولينا...عدنان ولينا...
جمعتهم اماني...
جمعتهم اماني...
جمعتهم اماني...
اماني حلوة.. حلوة

حلوة وجميلة.. حلوة
حلوة ببرائه.. حلوه...
حلوة وبصداقة...حلوة

عدنان يتحدى الصعاب...
عدنان يتحدى الصعاب...
عدنان يتحدى الصعاب...

عدنان عدنان ...عدنان غالي...
عدنان عدنان ...عدنان غالي...
الحـــــلقــــــه
( مدري كم )



.... عدنان تزوج لينا بعد المسلسل على طول وعاشوا في
الجزيرة المفقودة اللي هي جزيرة جد عدنان بس قبل ما
يتزوج لينا صارت أحداث....


كان الدكتور رامي موصي لينا انها ماتعرس بعدنان
الا لين يلبس ثوب وغتره ويصير رجال ويخلي عنه الهستره والهوشات ولا
يطق احد ويصلي بالمسجد وخاصة الفجر. :arb:
يوم جاء عدنان يخطب لينا من عمته اللي بجزيرة الأمل تذكرونها اللي طاحت على بيتها قذيفة من مركب الرماية
حق القلعة اللي تسوقها سميرة .
المهم يوم جاء يخطبها قالت له لينا: انا ياعدنان احبك بس
جدي رامي موصيني انك لازم تلبس ثوب وتصير رجال( زعل عدنان )<<< قويه والله :42:
قالها عدنان يابنت الحلال انتي تبين تتزوجيني والا تبين
تتزوجي ثوبي أهم شي الجوهر المهم قالها ان الرجال
بأخلاقه مهوب بمظهره ومن هالكلام . المهم لينا ماش مااقتنعت
قالت : بس ياعدنان جدي رامي
موصيني بهالوصايا وأنا آسفة ياعدنان إذا قلت لك انا ارفض
الزواج منك لين تحقق وصية جدي .

المهم عدنان تعرفونه راسه يابس وهو بنفس الوقت يحب لينا
موت مشى وطلع من بيت عمة لينا حتى القهوة ماشربها

طلع وهوزعلان وقام يحط حرته في الناس
بعدين توجه الولد للقارب عشان يروح جزيرة جده

يوم جاء يبى يركب قاربه قابلة
القبطان نامق وعبسي وأميره وقالوا له شفيك ياعدنان ليش
معصب

قال -ابدا مافيه شي بس لينا مهيب راضية تتزوجني وعلمهم
بالقصة, جاء نامق وبدأ يقنع عدنان.
وقاله: ياعدنان ترى الزمن تغير وبنات هاليومين مالهم الا

رأيهم فأنت
البس ثوب وتزوجها

وبعد ماتتزوجها لا تلبسه قال عدنان: ما تخسي الا هي.. انت
تعرف يابو حبش - نامق جاه ولد من سميرة وسماه حبش
إقتداء بواحد بحارتهم اللي ماتوا وتخليدا لذكراه) :42:
المهم قال عدنان يابو حبش انت تعرف اني مأحب الثوب انا راعي كشتات وصيد
وهسترة والثوب
يضايقني . و بنفس الوقت كان عبسي مشغول عنده ضفدع
قاعد يشويه جاء وقال لعدنان :
اسمع يابعد عمري ياعدنان - عاد انتو تعرفو عدنان يعز عبسي-
قاله اسمع انت لازم تتزوج لينا لا بكره تروح عليك البنية ترى
نمرو هالخبيث يخطط عليها - طبعا عبسي منقهر من نمرو
لأنه مهب راضي يزوجه اخته أميره مسكين عبسي تذكر اميره ونسى موضوع عدنان
وراح يسرح في خياله مع اميره ويتذكر الايام الخوالي



بعدين انتبه وقال حق عدنان ها شرايك
على الي قلت لك

وقعد يفكر وحسبها زين



وقال:

ايه والله بكره تروح البنية واتوهق انا واقعد عزابي . جاء
ابوحبش وعبسي وقالواله:
امش يارجال ارجع خلنا نخطبها لك قال عدنان : اوكي يالله .

تحمس عدنان وراح يركض ولحقه عبسي






البنية ماصدقت ..

هذا عدنان اللي فك العالم من علام وشره..
الحب الأول والأخير... سكتت شوي وقامت تتذكر ذيك الايام




المهم البنت وافقت على طول وقرروا الزواج..
وتدرون ان عدنان مفلس ماعنده ماعند جدتي من وين يدفع مصاريف العرس بدا الرجال
يحسب تكاليف العرس



ولاحظ ان الي عنده مايكفون حق زواج ..... بس

جماعته ماقصروا ...
دفعوا له كل واحد اللي يقدر عليه:
نامق تكفل بمصاريف العرس وجاب ناس يصبون القهوه (البحارة والطباخ) يشتغلوا

فيه..

وعبسي تكفل بالذبايح..


وفارس -عم لينا - خبير المتفجرات تكفل بالألعاب النارية
والباقي جابوا الرز ونصبوا الخيام..
وتم الفرح وزفوا عدنان على لينا وكانت الجزيرة كلها فرحانة

وفي وسط الزفة قام البقس والطق بين عبسي و نمرو لأن عبسي سرق كم
ثور من عند نمرو وذبحهم في العرس.. وبعدين بوحبش كلم عبسي علشان يعتذر من نمروو وصالحوا بينهم



وقال نمرو : فدوه لعدنان هالثيران الي عندي ... بس عبسيوه الحرامي لو
يموت مازوجته اختي أميره .

المهم
يام جاو يزفون لينا على عدنان بدا عدنان
يتذكر ايان الحب
وشقد ضحى علشان يوصل حق لينا






تزوجوا أخيرا وعاشوا في ثبات ونبات وخلفوا صبيان وبنات
وبس قولو الله يهنيهم ويسعدهم

وجاهم ولد وسموه عبد الصمد <<< بداالكذب عاد

اول ولد سماه عبسى بس طلع رجال بمعنى الكلمه

مهوب مثل الكمخه عبسى الحرامي :22:

قولها لخوانكم الصغار ان شاء تكون اعجيتكم