عدنان) : شفيك يالينا معصبه؟
(لينا) : مدري ياخوك احس اني بنخطف زي كل مره
(عدنان) : يهبووون سميرة وعلام وكل جنود القلعه
(لينا) : مانيب مرتاحه احس اني قبسه وشكلهم بيخطفوني
(عدنان) : اللي يقرب منك بتوطاه هناا وادووس على خشته
واوطا في حوضه
(لينا) : يابعد قلبي ياعدنان. انا اشهد انك ذيب
(عدنان) : كح كح تسلمين.. المهم وين عبسي؟؟
(لينا) : مدري يمكن يصيد ضفادع عشان الغداء
(عدنان) : وع الله يقرفه ذا الشين... المشكله انه خويي ولازم
اتحمل بلاويه
(لينا) : يمه يمه .. اسمع صوووت طيارة سميرة يااويلي!
(عدنان) : لاتخافين وقفي وراي واللي يقول عن نفسه رجال يقرب
منك
سميره مع الجنود نزلو من الطياره
**سميره تتكلم بالمايك من بعيد**
(سميره) : سلم نفسك ياعدنان ولاترز وجهك
(عدنان) : اقول تلايطي بس ولايكثر وارجعي من محل ماجيتي
(سميره) : انزح وراك.. وخلنا نخطف لينا براحتنا
(عدنان) : يخطفك جني يالساحره.. اللي يرشها بالميه ارشه
بالدم
(سميره) : اقول لاتتميلح وتسوي نفسك مصري اوكي!
(عدنان) : لينا ماتبيكم ولا تبي عيشتكم.. لينا خطيبتي وانا متكفل
بكل مصاريفها
(سميره) : الله واكبر على المصاريف؟ كلها فستان واحد وطق لونه
من كثر الغسيل
(عدنان) طاح وجهه هع هع
(لينا) : انتي عاوزه ايه؟ انا موش هينا انا خرجت بره
(سميره) : اقول انطمي انتي الثانيه لاتسوين نفسك مصريه وتلعبين
علي... ترى حركاتكم هذي معروفه
(عدنان) : ماعاش اللي يقول حق لينا انطمي... شكلي بشوتك باند
من الجزيره
**صارت معركة قوية بين عدنان والجنود**
**في البداية عدنان صفقهم وبعد شوي طاح في الارض وتوطو بطنه**
**الجنود خطفو لينا في الطياره وانطلقو الى القلعة**
عبسي) : عدنان لماذا انت نايم؟ شفيك؟؟
(عدنان) : اي.. اح.. ضلوعي متكسرة والركب تتصافق
(عبسي) : لماذا؟ ماذا حدث؟
(عدنان) : اقول انطم بس... سميرة والجنود كانو هنا وتمردغوني
وخذو لينا للقلعه
(عبسي) : افا ياذا العلم؟ لماذا لم تناديني عشان اسوي فزعه؟
(عدنان) : وانا وش عرفني في اي جحر انت؟ طوول يومك تحووس
ورى هالضبان والضفادع اقرفتنا في عيشتنا ياشيخ
(عبسي) : طيب ماذا سنفعل الحين؟
(عدنان) : ابيك تراقب الميناء اذا شفت سفينة القبطان نامق علمني
عشان نطمر فيها
(عبسي) : حسنا ياسيدي ماسكه معه الفصحى خخخ
**بعد ساعتين مرت السفينه**
(عبسي) : عدناااان وصلت السفينه هياا بنا
(عدنان) : اسمع خلنا نتوزى في المخزن حق السفينة واذا وصلنا للقلعه
ننطلق ورى لينا
**وصلت السفينة الى القلعة**
(عدنان) : انا بروح ادور لينا.. وانت وش بتسوي؟
(عبسي) : انا بفتح اللاب توب واشيك على ايملاتي لين ترجعون
<<<< وش حقه جاي؟؟ لوول
(عدنان) : انتبه لاحد يشوفك وتوهقنا! ترى كلها ساعه نسحب لينا
ونعود ديرتنا
(عبسي) : لاتخاف اذا حد شافني بقولهم انا برب في المنتدى
**عدنان وصل الى غرفة لينا ويكلمها من ورى الشباك
عدنان) : حياتي ليونه وحشتيني <حلوه ليونه لووول
(لينا) : هلا والله... ولكمووو نورت الأمل.
شخبارك؟ شخبار الوالده؟
(عدنان) : يسلموووو.. كلنا بخير ومشتاقين لك
(لينا) : تشتاق لكم العافية
(عدنان) : وانتي شلونتس؟ وش علومتس؟
(لينا) : يووه انا طفشانه مره وكل شوي يطقوني
(عدنان) : ولايهمك اوريهم... على فكره ترى عبسي جاء معي
ويسلم عليك
(لينا) : وينه الشين؟؟ شخباره؟ عساه طيب؟
(عدنان) : ابشرك بخير ونعمة... والرجال يحترينا عند السفينه
(لينا): طيب يالله انقذني بسرعه وراك تحب السواليف؟
(عدنان) : ابعدي شوي تراني بضرب القزازه براسي واكسرها
** تم انقاذ لينا وانطلقو الى السفينه**
عدنان) : عبسي يالله سريناااا
(عبسي) :ولكمووو نورت الأمل هلا وغلا
(لينا) : ياشباب ترى سميره تركض ورانا بالمشعاب.. بسرعه نبغا
نهرب في السفينه
(عبسي) : المصيبة ان القبطان نامق نايم مع وجهه
(عدنان) : دق عليه جوال وخله يصحى ماعاد فيه وقت
**اتصــــــال**
(نامق) : الوو.. مين معي؟
(عبسي) : نامق تكفى ترى تكفى تهز رجال
(نامق) : ابشر بعزك... امر وش بغيت؟
(عبسي) : قم شغل السفينه وخذنا معك نبغا نهرب من سميره
(نامق) :ياويل حظي لاتقول سميره ترى اخق من طاريها
(عبسي) : اقول بلا هذره اخلص علينا نبغا نفرك من هنا
(نامق) : اوكي تعال السفينة وماعليك انا بتصرف
**ركبو السفينة ونامق نزل عشان يتكلم مع سميره**
(سميره) : وينهم؟ وين خبيتهم؟؟ اعترف؟
(نامق) :ياويل حالي.. عليك عيون ماهيب صاحيه
(سميره) : اقول تلايط بس.. وين لينا؟؟
(نامق) : سميره مستعد اعطيك لينا لكن عطيني قلبك تراني خقيت
واللي كان كان
(سميره) : هاها ضحكتني... قلبي وش تبي فيه؟ ض4
(نامق) : اويلااااه على قلبك.. ابيك تكونين حبيبتي وتاخذين رقمي
ونسولف تالي الليل مثل هالمراهقين
(سميره) : ياولد استح على وجهك ترى جوالي سوى < يعني
افهمها واشحن لوووول
(نامق) : كل بطاقات السوى تفداك بس خليني اسكن قلبك لو ليله
وحده كح
(سميره) <<<< تناظر في جزمتها ينقالها مستحيه هع هع
(نامق) : وش فيك تناظرين جزمتك؟ ناويه تضربيني صح؟
(سميره) : لا شدعوه... بس كنت افكر في جوال الدمعه يقولون
فيه بلوتوث وحركات
(نامق) : شركة نوكيا بكبرها ماتغلى عليك ياقلبي
(سميره) : يؤيؤ لهدرجه تحبني؟؟
**عدنان طل براسه من السفينه**
(عدنان) : ماخلصتو انتو؟؟ ياخي رقمها وفكنا... نبي نمشي
(سميره) : تمشي في عينك.. انا بروح معكم لووول
(نامق) : تفضلي ياقلبي ادخلي برجلك اليمين
(لينا) : يمه يمه.. سميره بتروح معنا؟؟ انا خايفه تضربني
(عدنان) : لا تخافين... نامق روضها خلاص
(عبسي) : كفوو نامق.. الحين نقدر نعيش مرتاحيني
دغيمان @dghyman_1
عضوة جديدة
عدنـــــــان وليــــــنــــــــا بسيناريو وحوار جديد أتحدى وحده تقراها وما تضحك
6
769
يلزم عليك تسجيل الدخول أولًا لكتابة تعليق.
تركواااز
•
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
ههههههههههههه
رووووووووووووووووووعه يسلموووووووووو
ههههههههههههه
رووووووووووووووووووعه يسلموووووووووو
فكتوري
•
ههههههههههههههههههههههههه
هههههههههههههههههههههههههههه
هههههههههههههههههههههههههههههههه
هههههههههههههههههههههههههههههههه
هههههههههههههههههههههههههههه
هههههههههههههههههههههههههههههههه
هههههههههههههههههههههههههههههههه
خخخخخخخخخخخخخخخخخخخخخخخخخخخخخخخخخخخخخخ
يسلمووووووووووووووووووووووووووووووووووووووووووووووووووو
يسلمووووووووووووووووووووووووووووووووووووووووووووووووووو
الصفحة الأخيرة
حلوة