عرايس الإمارات 2005

السلام عليكم

بنات أنا عرسي شهر 6 يعني في الصيف، وأنشغلت وايد في ترتيب البيت
طبعاً جهزت وايد أشياء بس اللي طلع عيوني شيئين مهمين "العقد الرئيسي" و "الفستان"

ليش أنا خصيت في العنوان عرايس 2005؟ لأني بصراحة درت بوظبي على أساس أدور
فستان أجار .. بنات الموديلات كلها جديمه ومافيها ذاك الإبداع .. اللحين أفكر اني افصل
وخايفه يروح علي الوقت لين ما يقرب وقت العرس وما يرضون يفصلولي..

الأكيد انه في بنات وايد مثلي .. فخلونا نساعد بعض وندل بعض وين ممكن نلقى الأشياء
والصفقات الحلوه ..

وإذا وحده تعرف مكان سنع وأسعاره معقوله في تفصيل أو تأجير الفساتين لا تبخل علينا
ونفس الشي بالنسبة لعقود الألماس ..

أنا باجر بروح دبي بشوف المحلات اللي في الرقة .. وبمر على هزار مع أني أدري
انه اسعاره بتطلع عيوني بس اللي مايشتري يتفرج.. وإنشاءالله بعد الجولة بعطيكم
رايي ..