مقدر أجامل ربي ما يخلينا منج .. بصراحه ما قصرتي بس ترانااااا ما بنقول تعبنا البنت خلاص!! لاعيوني نبا تفااصيييييل أكثر وين سويتي الأكياس مال الحلاوا والهدايا وكم كلفج تقريباً ووين تنصحينا نسويهن .. وبعد فكرة شهرزاااااد روعه لو كانت مكرره بس تظل حلوه لأنها ستايل كلاسيكي ويناسبنا احنا الشرقيين.. ويالله ننتظر الفكرة الثانيه..

مع التفاصيل لا تنسييييييين

أختي uaegirl

مادري شقولج بالنسبه للمكياج!! أحس راسي عورني مافيني أدور وأجرب ووراي امتحانات بعد اسبوعين، جيتا معرووفه وأختي تمكيجت عندها في عرسها سعرها لايعلى عليه بصراحه 750 اعتقد + حمام بخار ومنيكير وبديكير.. وحمام زيت اعتقد وشغلها مش متكرر يعني تسوي حق كل عروس غير هالشي اعرفه من قبل بس مادري شو اللي خلاني اروح لدولا!!

بس تعرفين مع اني دافعه عربون لدولا اقدر اغير اللحين واروح عروس الخليج لو لقيت حجز لأنه حتى لو بخسر العربون هناك بيكون اقل في حال سويت عند جيتا .. بس مادري شو تنصحيني انتي؟؟؟

مشكوووووووووووووووورة حبيبتي روحي لك .. الصرااااحة ماا قصرتي واشكرج على هالمسااعدة اللي ما راااح انساها ... تسلمين حبيبتي والله يوفقج في امتحاناتج ان شاء الله ..

الله يوفقكن ان شاء الله
وعقبال البنوتااااااااات اللي ما يهن النصيب

ياغلاهم

فديتج انا اهم شي انج تلقين اللي تبينه وتحسين انج راضيه، وأنا بصراحه لفيت لين دار راسي كل اللي حولي يقولون انتي وايد مصختيها وأنتي عاطيه الموضوع أكبر من حجمه وانتي انسانه متردده.. بس بصدق يوم تكون الوحدة عروس تكون غير وتحس بالمسؤوليه وتخاف انه ما يطلع حلو فأنا حاسه بهالشي عشان جيه بصدق قررت أي شي اشوفه على طول ايي هني واكلم البنات عنه يمكن يستفيدون وبالمثل اتمنى من كل البنات .. ما يقصرون ويقولولنا شو يعرفون .. لأنه صعب انه الواحد يدل كل شي.. والله لا يخليينااااااا من بعض والبنات هني بصدق بصدق انا احبهم في الله لوسع خواطرهم وطيبتهم وهمتهم معانا واستعدادهم انهم يكتبون لنا عن كل شي حلو يعرفونه .. وبعد آرائهم الصريحه في الأشياء وايد تساعدنا .. يا كم بنت هني ساعدتني من غير ما تدري..