اختي روحي لك من وين خذتي فستان العرس ..ههههههه ماا صدقت حد عطاااني ويه .. بس قلت يمكن بعد تسااعديييني ..

السلام عليكم ورحمة اله وبركاته


عدنــــــــــــــــــــــــــــــــــــــــا


انشاء الله اخت روحي ما طلبتي بطول وبملل فيكم خخخخخخ>>>> ماتصدق

ببدأ من اول التجهيزات للعرس بعد الحاظر طبعا اول شيء لازم تشوفين القاعه وتسوين لها دراسه انا سرت القاعه وكنت حابه وايد فكرت زفة شهرزاد بس كانت معرووفه حبيت اغير شوي طلبت ايسون لي القاعه بلونين العنابي والذهبي كل شيء الكوشه والمناديل والمفارش والكراسي بس الورود كلها لون ابييض
وكان على الممر الي بمشي عليه بواباب ورود خليتهم يركبون لي فيها شيفونات مثل الستاير المفتوحه ذهبيه وعنابيه على كل بوابه وهم سته طبعا الكوشه بتكون على الشكل القديم يعني مثل ايام شهريار الكرسي والمخدات والمفارش يعني كل اكسسوار الكوشه وعلى كل بوابه لاازم يحط اي اكسسوار مثل المخدات اول الفخار وعلى كل طاوله حطينا الهدايا بدال ما ايوزعون عقب وماشاء الله اليهال عاد تعرفون شغلتهم الهدايا كانت مثل كيس البيزات الجديم الي يكون بربطه سويته عنابي والربطه ذهبيه وداخله كاكاو على شكل دراهم ذهبيه خلصنا من القاعه...

الحين الزفه زفتي طبعا لازم تكون نفس الاستايل الي مسوته بالقاعه سرت موقع لزفات عيبتني مقدمه لوحده تحكي قصه عاد تعرفوناها الي تطلع ويا شهريار وتقول بلغني ايها الملك ما ادري شو الخ الخ...
حبيت المقدمه بس ما عيبتني البقيه خذت المقدمه ونزلتها على سي دي بعدها كنت افكر اكملها بموسيقى الف ليله وليله وانزل بس ما حسيت فيها شي يجذب وايد دورت اغنيه ما حصلت كل الاغاني معروفه وماحسيت انها راكبه عقبها فكرت بشي يكون خاص فيني اني اخلي واحد يقول فيني شعر لان المقدمه الي خذيتها كانت البنت توصف العروس بس ما كملت وقالت مثل ما قال الشاعر اول شيء فكرت قلت بخلي زوجي يقول الشعر بس فكرت وقلت بعدني بدور موسيقى وركب صوت زوجي دام ا ني يايبه فرقت شباب بخلي المطرب يقول الشعر ومنها الموسيقى موجوده عنده دورت لي شعروكلمات حلوه ودخلت فيها اسمي بحيث تكون خاصه لي
واخر الشعر بيقوول المطرب صلو على النبي وطفو الانوار وبعدها حصلت اغنيه وايد حلوه لفرقه يقولون فبدايت الاغنيه طفوا الانوار زينت الدنيا احضرت الي هي انا خخخخخخخخخخخ وبها اكون ركبت الزفه وسويت الي خاطري فيه اني انزل باغنيه.....

بعداغنية الزفه كيف بطلع اول شيء طبعا خليت على كل بوابه ثنتين من الي يشتغلون بالصاله كل وحده ماسكه رمح( حرب مب عرس) ومسكرين الرمحين وبعدين يبت ثنتين من اليهال ما بغيت اكثر لبستهم نفس اللبس بس وحده بلون ذهبي والثانيه عنابي ويبت لهم جناح الفراشه وعطيتهم سلل ورد اول شيء بنشغل السي دي الي فيه البنت الي تتكلم وبيطلعون البنتين وينزلون لين اخر السلالم ويقفون بعد ما تخلص البنت بيبدأ الشاعر وبيقوول الشعر ويمدحني خخخخخخخخ (مداح نفسه يباله رفسه) واخر شيء بيقوول طفوو الانوار تنطفي الانوار وتبدأ الاغنيه وطلعت انا بعد ما نزلت من السلالم وصلت الممر كل ثنتين من الي يشتغلون في القاعه تفتحون الرمح كانهم حراس لين ما اوصل الكوشه.......

الحين عاد بخبركم عني كيف جهزت نفسي طبعا لاازم اكون شهرزاد فستاني يبته من السعوديه وكان فيه لونين الابيض والذهبي وكانت الجيبونه وايد كبيره يعني مثل الباربي واحلى شيء يوم تكون كبيره تبين تشكيلت الفستان وتحسين انج عروس صدق خلصنا من الفستان دورت صالون اشتريت مجلات شفت بنات ما حصلت وحده اتسويلي المكياج الي خاطري فيه لاني من النوع الي دوم احط مكياج فابغيت وحده تغير شكلي شفت مكياج منيره في المجلات وايد عيبني بس يوم شفت بنات متعدلين وياها بصراحه ما عيبني وايد صح مكياجها وايد محدد ومرتب بالصور بس على الطبيعه احس انه مب لين هناك وهذا ذوقي يعني الناس اذواق وعقبها دورت لين قبل عرسي باسبوعين والله وكنت معتفسه واحاتي وايد الصالون قلت بسوي عند نواره او وقالولي لاا تسوين ويا مورا مب شيء الحين قلت خلاص اتصلت لنواره وعطيتها اسمي وعقب بطرش لها العربون نفس اليوم كنت سايره عرس وسبحان الله شفت المكياج الي خاطري فيه كانو خوات المعرس الي مسوينه يعني مب عروس
قلت يوم البنات جذي كيف العروس
وسرت وحجزت وياها اهي وحده اسمها عذوب فالشارجه ماعندها صالون بس مكياجها وتسريحاتها وايد حلوه سوت لي مكياج مثل الوان الطاووس ذهبي باخضر بازرق وايد حلوووو لهاصور مكياج بمجلة فاشن اظن او لمسات ما ادري المهم راوتني المكياج الي مسوته بالمجله عيبني وايد وسويته وصدق ما عرفت عمري وايد وايد حلوو

خلصنا المكياج وصلنا حق الاكسسوار ما بغيت البس ذهب بغيت اسوي لي اكسسوار لانه يطلع احلى سرت ويا اختي بوظبي قلت بلف بوظبي شوي وانا راده بمر الشارجه بشووف تيجان شو عنده لفيت بوظبي بالخالديه شفت محل نسيت اسمه ما يحظرني بصراحه الحين بس بتاكد منه اعتقد فيه حرف الكاف الدال ما اذكر بتاكد وبحطه انشاء دوم ادخل المحل من دون ما احفظ اسمه على طول داخل اطالع شوعندهم >>>> ما شايفه خير خخخخخخخخ المهم شفت عندها بصراحه اكسسوارات وايد حلوه يسوون وبعد يبيعون جاهز اي شيء تبينه تسويه لج عقب كنت ابغي تسوي لي اكسسوارمثل الي بشعر العروس الي باغنية من قال لنبيل شعيل طلعت ما تشووف تلفزيوون وما عرفته وصفته لها وطلعت لي نفس الي ابغيه واحلى شو لمعته وايد حلوه بس كان حجمه اكبر خليتها تسويلي دور واحد الي عنها 3 دوار اظن وسويت العقد نفس الشي والاسواره بس نزلت من الاكسسوار الي فالشعر سلاسل من الصوبين مثل شهرزاد وبصراحه يوم شافوني كل شيء عيبهم والباقه سويت فيها اكسسوار نفس الي في الشعر والعقد نازل من الباقه اتقولون شايله ثريا خخخخخخخخخخ والحمد لله عدت الليله على خير وبخصوص بطايق العرس سويتها مثل الرساله القديمه الي كانو يطرشونا للوالي الملفوفه ومربوطه واخر الربطه فرووخه طربوش

اما الفكره الثانيه ما بقولها بس بعطيكم فكره عنها واذا بغيتوا قولو لاا تستحون<<<< تعبت من الكتابه تبا تشرد خخخخخخ :D

الفكره الثانيه زفه بس على طريقة الكريسمس كنت بسويها لاختي بس ما مداني وما سويناها اي استفسار اتصل الان هههههههههه تعبت :09:

ماشاء الله عليج مقدر اجامل ....كشل العرس كان رووووووووووعه ..من الوصف ..
افكاااارج واايد حلوه.....ومبدعه

روحي لك.....بغيت اقولج عن دولا....هي تمكيج حلو بس ما تغير اختي سوت عندها في الملجه...هي حلوه بس ما حلتها اكثر....ما بقولج لا تروحين بالعكس انا وايد ارتاح لها ...انا واايد اتعامل معاها...بس انتي عروووس لازم اتكونين احلى وحده في العرس...اشلون مش عايبنج البروفه وبتسوين عندها(سوري ع التدخل )بس ابيج تطلعين حلوه...

بخبرج عن خواتي وبنات عمي على طول تعاملهم مع وحده اسمها جيتا في صالون عروس الخليج ..والله سعرها رخيص مع كامل خدمات العروس بس اتفنتك في المكياج...سوي بروفا اذا مش مرتاحه...

وفي وحده اسمها هيفاء صفر من الشارجه ..انا ولا مره جربت عندها ...بنت عمب العروس جربت ..انا ما عيبني وااايد بس المعازيم واايد عيبهم ...سعرها غالي العروس 5000 درهم بدون الشعر...(اذا تبين رقمها انا في الخدمه حبيبتي)

وفي وحده اسمها نسرين لبنانيه بس في دبي ...بتييج بوظبي ...مكياااجها خفيف بس اتحلى وتغير ...انا وااايد يعيبني ...على فكره تراها اتمكيج المطربات والممثلات ....ما ادري اذا شفتي اصله في فيديو كليب لابسه بنفسجي هي اللي مكيجتها ...اصاله تعاملها كل مع نسرين ...ما اعرف سعر العروووس ..بس سعر البنت العاديه 1500 بدون الشعر ..والشعر 500 ...

وشي صالون جويل بس ما انصحج حق العرس ..عقب العرس .....فنانه مش حق العرايس...

وبخصوص الفساتين ما على خيرها في غيرها
....انشاء الله تلقين الاحلى
.
.
.
.
.
.
.اي استفسار
انا في الخدمه

أختي مقدر أجامل اذا ممكن اطرشيلي رقم اللي سوتلج المكيااج اذا انتي تشوووفيينه واااايد حلو ...

حبيبتي ياغلاهم تراني مب ناسيه الأرقام بس اتريا بنت عمي اطرشهن لي ما ردت علي للحين بالنسبه للفستان للحين ماخذت .. بس بعطيج لستة بالأمكان والأسعار التقريبية من واقع لفتي مؤخراً.. :D

إذا بتأجرين هذي ببدأ من أحلى الأماكن إلي شفتها لين أوصل للأقل جمالاً:-

هـــــــــــزار ..شارع الجميرا وعندهم تشكيله جديده الأسعار 15000 + ضمان نسيت كم !! والحجز يكون من اللحين .. تقريباً عندهم 5 إلى 6 فساتين جديدة.. ومايحتاي أقولج الهزار معروف شغله حلو.. والفساتين بعد معروضة للبيع! (طبعاً الفساتين كلها يديده أنتي أول لبسه إذا عرسج قريب)

الــــروائــــــع ورا الملا بلازا والبستان.. في شقة لأخت إماراتية كلها فساتين أعراس من تصاميم أروشي وهزار و لابريما ومجموعات ثانيه .. جداً حلوه وأسعارها 7000 و8000 وفي أكثر بألف وفي أقل بألف.. حسب الفستان تعاملهم حلو والأحلى انها بنت الدار تتفهم احتياجتج (الفساتين مستعملة يعني ملبوسات مرة .. وفساتين لابريما يبينن يداااااااد ما كأن حد لبسهن قبل) وفي تشكيلات ثانيه بعد تبين يديدة بالمرره..

لادونـــــــا في دبي مب بعيد عن الملا.. بس نسيت الموقع بالضبط بإمكانج تاخذينه من البدالة .. الفساتين انعرضن في ملحق زهرة الخليج "العروس" وأسعارهم 10000 عشرة آلاف درهم طبعاً يديد أنتي أول لبسه.. في بعد عندهم أشياء ثانية أقل بين الثمانية والسبعه.. بس ملبوس قبلج... أنطباعاتي كانت مش ولابد لما شفت الفساتين في المحل ولكن لما رحت المعرض وشفتهم على الإضاءة كانوا أحلى ..

أروشـــــــــــي لهم محل تأجير في مركز الهناء بالسطوة .. وأسم المحل اللي يأجر "شــــادي" تصاميم أروشي معروفه وتحكي عن نفسها.. لكن مادري ما جذبوني.. يمكن لأن اللي لقيتهم بمقاسي ماعجبوني لذاك الزود؟ .. في أشياء حليوه وأسعارهم التقريبية 9 و8 آلاف إذا ما خاب ضني ؟!! مب متأكده..

عــقــل فقـــــــــيه شارع آل مكتوم!! الفساتين حلوه بس فيها شي غلط شو هو مادري!! .. يمكن على اللبس أحلى!! أحس الكريستالات مركبات تركيب مادري ما دققت للأمانه بس مغبرات مادري شو مشكلة المحل ما ينظفون أو وشو؟ .. وماسألت عن الأسعار للأمانه بعد..


الــــــــزفههو خياط يأجر فساتين أعراس .. في شارع الرقة، بصراحه انا عجبني فستان واحد فقط بس كان جداً جداً كيوووووووووووت .. السعر 7 إلى 8 آلاف.. طبعاً الفستان جديد ويحتاج لشوية تغييراااات

لمسات الشرق بعد في شارع الرقة بنفس السيد مال الزفة.. وعندهم فستان يديد هو اللي عليه القيمة .. وهو جديد والسعر 12000 درهم...


بالنسبة لللمكياج أختي uaegirl يزاها الله خير ما قصرت ..