الله يسعد الجميع انا عندي فستان ابيض بس وايد لبت وايد ضعيفة وممكن يتاجر بسعر مناسب ومول ما انلبس؟؟؟
واعرف بنات مواطنات في دبي ياجرون فساتين

السلام عليكم ورحمة الله وبركاته


اسمحولي بنات لاني تاخرت عليكم وايد بس مثل ما وعدتكم بعطيكم فكرة زفة الكرسمس والي تبغي تغير اي شيى او تزيد شيء من عندها ياريت تقوول وتشاركنا عشان البنات يستفيدون

اول شي الصاله او المكان الي بيستوي فيه العرس كنا بنحط على الكوشه اربع اشجار اظن تعرفون الشجر الي يزينونه بالهدايا واللمبات والزينه بالكرسمس بس عاد يكونو كبار والليتات تشتغل بس مب قبل ما تدخل العروس يعني خلوهم زينه لين قبل ما تدخل العرووس بشوي وكرسي العروس يكون على شكل عربه تجرها غزلاان ويغطي الكوشه اللون الابيض اونه ثلج

اتخيلو عاد كيف بيكون منظر الكوشه وايد حلوو..........
والمكان الي بتطلع منه العروس الباب او السلالم على جانبيه شجرتين بعد مزينينهم عقب عاد

الكراسي والطاولات خلوها باللون الاحمر والابيض والهدايا بتكون عباره عن اشكال هدايا صغيره
عقب قبل ما بتنزل العروس بخمس دقايق تنطفي الانوار كلها وتشتغل الانوار الي في الشجر بس اظن بيكون منظر وايد حلو وعقب تشتغل الموسيقي تعرفونها موسيقى الكرسمس الاجراس وما ادري شو بعد المهم على هاي الموسيقى ينزلون اربع بنات صغار لابسين احمر ومحدد بريش ابيض وقبعات او طوق ريش ابيض اظن تعرفون شو قصدي يعني نفس لبس اليهال الاجانب وياهم سلات فيهااهدايا المعازيم يعني بدال هذا بابا نويل مالهم نحن بنخلي البنات الي بيوزعو الهدايا يا اما تحطونها بسلل او كياس بربطه وعلى طول ما يمشون يوزعون الهدايا عقب يوقفون عند الكوشه كل بنت عند شجره بعدها تنزل بنتين بس مب صغار يعني 18 20 زين لو مب معرسات عسب ينزلوون ويحطون عليهم الاضواء عشان الحريم يطالعونهم خخخخخ يعني لو عندج خوات نزليهم وياج زيادت الخير خيرين المهم ينزلون وشايلين الطرحه اذا العروس تبغي الناس يشوفونها بطرحه وبدون طرحه طبعا بنتين لاابسين ابيض وتكون معاهم الطرحه لين ما يوصلون الكوشه تدق الساعه تعرفونه صوت دقات الساعه تطلع العروسه على اي موسيقى هاديه او على حسب ما تبغي اي عروس عقب ما تدلع على الممر وتوصل الكوشه يلبسونها البنتين الطرحه وياريت لو يكون لون فستان العروس ابيض وفيه احمر بيطلع وايد حلو وحركه ان البنات يلبسونها الطرحه هاي شفتها بعرس بس مب بنات الي يلبسونها كانو خوانها الشباب الي لبسوها واذا تبغون اتضيفون اي شيء على كيفكم واتمنى تعجبكم الفكره عجبتنب لانها بسيطه ومافيها مبالغه..........


بنات للي تبغي مكان تسوي اكسسوارات وايد حلوه انصحكم بكلودين بصراحه اكسسواراتها وايد حلوه وعن التصوير سنيوريتا حلوه صورها

وفي صالون يحنون وايد حلو فراس الخيمه اسمه صالون جورجي وصالون رشنا وصالون روما بصراحه حناهم وايد حلوه

:)

روحي وينج مختفية

مقدر اجامل


شوفي انا مثلتج ما اقدر اجامل الا بحد

ههههههه استعير منج شوية



اختي الله يباركلتج الفكرة هاي ما تنفع ليش نتشبه بهم وبعاداتهم ونحن عاداتنا ماشاء الله تبارك الحرمن نفتخر فيها وروعة


شو رايج بمخيلتج الحلوة فكريلهم بشيء بس من التراث انا اكيده بيطلع روعة شكلتج فنانة وخيلتج واسعة وتقدرين تطلعين شيء حلو

في انتظارتج