mooni7 :

حبيبتي احنا عادات السعودية تحتم علينا تقديم القهوة والشاي للضيف نادرا ماتحصلين احد يحط العصير بالبداية يعني العصير له وقته  يعني اول شيء قهوة مع التمر وحلويات إذا كان متوفر  بعده الشاي مع الفطاير والموالح إذا كان متوفر عندك  إذا كانوا مجموعة مهمتك تصبين القهوة والشاي لهم طبعا تقديم القهوة لكل وحدة بيدها مو تزلينه ع الطاولة او السفرة عندها وكذالك الشاي تمسكين ثلاجة القهوة او الشاي باليسار ويكون الفنجان او البيالة بيمينك وتقدمينها بيمينك ضروري ماتنسينها هالخطوة   إذا كان منوعات حلويات وفطاير تكون بصحون صغيرة  وكل وحدة تقدمين لها صحنها سواء حلى او فطاير  واحس غلط تجهزين وتحطين الحلى والفطاير بالصحون قدامهم يعني كوني مجهزة كل شيء قبل  كل ماعليك توزيعنه ع السفرة عسى اتمنى فهمتيني  فيه طرق تقديم كثيرة يعني الفطاير مو شرط تكون بصحون صغيرة فيه صحون كبيرة وتكون كافية للضيوف  وبعد مايخلصون عادي حبيبتي شيلي المواعين   اول شيء المواعين النظيفة اللي مأستخدمت وبعدين الباقي  وفيه افكار تزيين للسفرة تعطي منظر ابحثي عنها  و?تنسين الريحة الحلوة للبيت والبخور اول مايوصلوا الضيوف  إذا عندك تويتر راح اعطيك حسابات جدا هايلة استفدت منها كثير وتطور فيك طبخ وتقديم وتجارب منزلية  إذا تبينهم قولي لي وراح انزلهم ياقلبي  واي شيء حابة تستفسرين حاضرة  وربي يسعدك بحياتك وتكوني ربة منزل ناجحة  مأبي غير دعواتك لي بالخير وربي يحقق امنيتي ويتممها على خير 

حبيبتي احنا عادات السعودية تحتم علينا تقديم القهوة والشاي للضيف نادرا ماتحصلين احد يحط العصير...