عزيزاتي المتزوجات صاحبات الخبره عندي مشكله ابي نصيحتكم ..

السلام عليكم ..

عزيزاتي انا تزوجت من فتره وجيزه يعني صارلي 5 شهور تقريبا مشكلتي اني الى الحين استحي من زوجي لما ابي اطلب منه شي اتردد ايام قبل لايطلع الطلب من حلجي مع انه في الغالب طلب يخص البيت مايخصني يعني مثلا فلوس لشراء نواقص البيت او غيره ، ولما يغيب عني اقول لما يجي بطلب كذا وكذا ولما يجي اسكت ولا اتكلم مع انه حليو وسمح وانا عارفه لو بطلب منه بيعطيني لاكن هالحياء الزايد ذابحني ..

والادهى والامر من هذا كله اني استحي اسولف وياه او حتى المسه او احظنه اشتاق له وايد وانتظره واقول بس يدخل البيت باحضنه الا اني عمري ماسويتها وماني قادره اجرأ نفسي واللي مصعب علي الامر ان اهو نوعا ماثقيل ومو رومانسي بالمره ولايعبرلي عن شعوره او يكلمني كلام حلو او يحسسني بقدري عنده يعني باختصار لايعه جبدي من هالوضع وماني عارفه اشلون اجرا نفسي او اغير طبيعته السكوتيه والجافه هذي .. يعني صاير الوضع بيني وبينه رسمي جدا وممل واتوماتيكي يعني باختصار مافي ميانه بيني وبينه الى الان .. انا الان حامل واقول يمكن اذا ولدت يتغير الوضع علما بانه اب لولد وزوج لمرأه اخرى وطفلي مو طفله الاول ..

فاللي تقدر تساعدني وتنصحني شسوي .. تفيدني والله يجزاها الف خير ..

بانتظار ردكم .. غروب