دنيا العجب

دنيا العجب @dnya_alaagb

محررة برونزية

عزيزتي المعلمة لقد تم تعيينك في منطقة بعيييدة عن منطقتك(المعلمات المغتربات)

الطالبات والمعلمات

بسم الله الرحمن الرحيم

السلام عليكم ورحمة الله وبركاته
اخواتي المعلمات ............
هذه الصفحه ماهي الا مكان للتعارف ولبث هموم الغربه وفراق الاهل
فأنا معلمة تخلف عقلي عينت في منطقه غير منطقتي في السعوديه
وكثيير جدا من المعلمات عينوا في مناطق غير مناطقهم

لذلك فتحت هذا الموضوع لنتشارك في كل الامور الي تساعدنا على تعدي هذه المرحلة بخير وسهوله ويسر..

فكلنا يعلم ان المشكله ليست في الغربه فكلها بلد واحد(يارب لك الحمد)
لكن فراق الاهل هو الاصعب خصوصا لغير المتزوجه والمرتبطه بأهلها ارتباطا قويا..

هنا..نريد ان نسأل عن احوالنا واحوال معيشتنا ..
عن همومنا وامالنا..
اوقاتنا ..
عباداتنا...وهذا الذي اتمنى ان نسلط عليه الضوء
ففي الغربه او البعد عن الاهل
الفراغ يزداد..لذلك لابد من تكثيف واستغلال الوقت بالعبادة على اي شكل كان
سواء صلاة ام دعاء ام ذكر واستغفار..

وهذه فرصه لابد من شكر الله عليها واستغلالها بما يعود علينا بالنفع دنيا واخره

والان ..اترك المجال لكن اخواتي ..

(لاتتركين شي في خاطرك..قولي اي شي..اي كلمة..عندك نصيحه..جدول يومي كل ينفعنا )

في امان الله وحفظه ورعايته
14
6K

يلزم عليك تسجيل الدخول أولًا لكتابة تعليق.

تسجيل دخول

وجدان الامورة
وعليكم السلام ورحمة الله وبركاتة
انا نفس الحال بعيد بس مو لدرجة الغربة حدود ساعتين المشوار بس اروح وارجع البيت
الصعوبة بالطريق والجمال
لكن الحمدلله على التعيين بعد اربع سنوات انتظار
بالطريق اخلي القران شغال وادعية الصباح شريط وكمان اقراها واجلس اقراء بالدروس اما بالظهر اشغل قران واكون مكسلة اصلح شئ
يمكن انتي قصدك اللي عايشين بسكن بس حبيت اشارك
دنيا العجب
دنيا العجب
تسلمين ياعزيزتي

انتي كويس ترجعين لاهلك

غيرنا بنات مايشوفون اهلهم الا بالاجازات
انا ساكنه عند خالتي
واساسا من الرياض انا رايحه للقصيم

والنفسييياااات متأزمة مررره

بس دايما اردد ( كلا إن معي ربي سيهدين )

الله يعينا على الدنيا

ننتظر مشاركات اكثر
RAIN TASTE
RAIN TASTE
اختي دنيا العجب ماشاء الله عليك وعلى ارتباطك بالله سبحانه وتعالى وثقي ثقه تامه انه فعلا راح يسهل امرك ويردك لاهلك ولا يحرمك منهم فعلا الغربه صعبه انا جربتها يوم كنت ادرس الجامعه والله وبالله يابنات اني كنت اعظ اصابع الندم لانها كانت باختياري بس الحمدلله خلصتها وافتكيت بعد ماطلعت روحي .................. ههههههههههه
بس الحمدلله الحين اموري تيسرت بس ادعي ربي اني الاقي وظيفه حكوميه وانشاء الله ربي بيسهل الامور بس عندي استفسار انتي مقدمه وين بالاشراف التربوي اللي بالرياض ولا الاشراف التربوي اللي بالقصيم وكم المده الى ان تم قبولك والله يفرج همومك وهموم كل مسلم قولي امين ..
دنيا العجب
دنيا العجب
حياك الله عزيزتي RAIN TASTE
اسال الله ان يجعلنا من عباده المخلصين..اتمنى اني اكون كما ذكرتي عني ..والامل بالله كبير سبحانه لولاه لما عشنا هذه الحياة ولولا تلك الامور الصعيبه لما احسسنا بطعم البركه والرزق من الله سبحانه..رضينا بما قسم لنا ونطمع بالمزيد ونساله ان يرضى عنا وعنكم اجمعين

بالنسبه لي انا قدمت على وظائف ديوان الخدمة المدنيه بالرياض وكنت حاطة من خياراتي القصيم والمدينه الي ابيها وسبحان الله الحي القيوم
طلع اسمي فيها ..وكنت رافضه الذهاب مع ان لي اهل فيها بس خفت الغربه مهما كان..
اما بالنسبه للمدة فما اذكر لكن من شهر 7 هجري الى يمكن 3 اسبوع داومنا فيه اول الترم

الله يكتب لك اللي فيه الخير ولي ولكل المسلمين

واسال الله ان يعجل بنقلي للرياض وهو اعلم بالنوايا سبحانه
RAIN TASTE
RAIN TASTE
الله يحييك ويسلمك ... انا سالتك لان في وحده اعرفها تقولي روحي قدمي بمركز الاشراف التربوي اللي في القويعيه وحبيت اتاكد علشان مااضرب مشوار ويطلع بلوشي