عزيمتكم عندي الليلة ( تفضلن)

السلام عليكم
مساء الخير بنات
انا الحين انا جالسة عند ترمس قهوة وشاي ودي انكن عندي مشان نسولف شوي
ربي كتب لنا اننا نقابل هالنت




اقول








عندي







سالفه











تدرون وشي
اسمعوا
كنت في يوم من الايام معزومه عند جارتنا وجارتنا فيها ثقل دم وخباله شوي مو كثير لكنها عزيزة علي وعندها ورعان الله لايوريكم مثل النمل (ماشاء الله تبارك الله) ومزعجين ووسخين
عزمت حريم واجد ذاك اليوم
وكان بيتها شوي وسخ
قلت لها وانا اول الحاضرات ليش ما كنستي البيت ورعانك وسخوه وانت الحين تنتظرين حريم
قالت ما يهمك تعرفين ليه
قلت ليه قالت اصبري خليهن يجن
ضحكت شوي لما شفت البيت وسخ فيه قطع خبز متناثرة و حبات رمل صغيرة وحصا صغير داخل المجلس
قلت في نفسي والله انها خبله هالحين لو جو الحريم وشافوا البيت والله لا يضحكن عليها
سكت وكتمت
جن الحريم وانا والله منفشله وهي عادي عندها
دخلن الحريم وجلسن في المجلس وبدت السواليف والحش (مثل منتم عارفين ) واثناء السواليف كل وحدة من الحريم منسجمة وحاطة يدها على السجادة وتلقط (تجمع الحصا ) عن غير قصد وهي ما تدري
وبعد لحظات قالت المعزبة (جارتنا الخبله) يا فلانه وهي تدعي وحدة التلفون يبغاك قامت ذيك الحرمة وقالت لي عاواطف اجلسي مكانها فقمت وجلست مكانها رجعت الحرمة وجلست مكاني بعد المكالمة وحطت يديها على السجاد وجمعت قطع الخبز المتناثرة وهي ما تدري (منسجمة مع السواليف)
جلسنا فترة
وبعدين راحن الحريم
جات جارتنا الخبلة وقالت عواطف قلت هلا قالت ما لاحظتي شي بالغرفة
ناظرت واذا بكومة من الخبز المتجمعه في زاوية واخرى في زاويه والحصا متجمع في زاوية
استغربت قلت
قبل ما يجن الحريم كان المجلس وسخ والحين نظيف
قالت الخبلة ايه وفرن على عنا التنظيف
ضحكت عليها وقلت على اساس كذا كنتي تجمعينهن للسواليف مشان ينسجمن ويلقطن الحبوب وهن ما يدرن
قالت هي هي هي هي هي هذه فايده عزيمتي لهن
انتهت السالفه


وعلى فكرة ترا البدويات دايمن كذا مع احترامنا لهن وانا اول البدويات
شكرا
وانتظر الردود الجميله