بكتب طريقة التمن على بال ما اضبط الصوره
طبعا المقادير مع الطريقه ما اعرف افصل
نوع اللحمه يفضل انه يكون الظهر مع الجنب اللي هي الاضلاع وشوي من لحمة الكتف
لحمه مقطه قطع وسط منظفتها زين مازين ومشوحتها بالقدر بدون اي اضافات لين تطلع مويتها وتكبينها ثم تغسلينها بس بشوي مويه
حاره تخلينها على جنب وبنفس القدر تحطين زيت كثير وعليه بصل مقطع وسط وتحركينه مع شوية بهارات وبعدين تحطين علبة صلصه
اي نص كوب على ما اضن وتحركينهم زين وبعدين الطماط المبشور او المقطع ماتفرق واذا تسبكوا تضيفين اللحمه والفلفل الاخضر والبهارات والكركم (ضررروري الكركم) يعطيها لون حلو
وتخلينهم ع النار وبعدين تصبين فوقها المويه المغليه لين تستوي وتملحينها لا تنسين واذا حبيتي ماجي
اذا استوت لحمتك ترجعين تضيفين مويه مغليه لازم تكون المويه كثير وتضبطين الطعم وتشوفين لو انها تحتاج صلصه او لا واذا تحبين الماجي تحطين مكعبين او ثلاثه وتضيفين الخضار اللي هي كوسه وقرع والفاصوليا حسب نوعها ويفضل تكون مع بداية طبخ اللحم علشان تستوي
ايه نسيت مع بداية الطبخ تغسلين التمن وكوب التمن احسبيه كوبين رز عادي لانه يكثر يعني اللي تشوفونه بالصور كان 3 اكواب ونص
ايه بعد والقدر لازم يكون كبير وواسع علشان ياخذ راحته
نرجع لطريقه
المرق يكون لونه وطعمه نفس مرق الكبسه او المرقوق بعد ماتغلي الخضار مع اللحمه لمده خمس دقايق تضيفين رز التمن
واول مايغلي تقصرين النار عليه وهو لسى باقي فيه مرق كثير وتحركينه كل بين فتره وفتره
لين يشرب مويته ويمكن ياخذ له ساعه
انا وش اسوي اغرف من المرق على جنب واجلس اساقيه فيه علشان اضمن انه يكون مستوي ولين ومخبوووص
في هذا الاثناء
تجهزين الكشنه وهي عباره عن بصله كبيررررره او بصلتين وسط مقطعه صغار وصلصة طماطم بهارات وكركم و فلفل احضر
بالقدر زيت مع اصبع الى اصبعين زبده اذا سخن الزيت تحطين البصل وتخلينه شو ع النار العاليه وبعدين تقصرين عليه النار لمدة ثلث ساعه وبعدها تضيفين الصلصه وتتاكدين انك حركتيها زين واتشربها البصل وبعدها البهارات والهيل والكركم وتخلينها من 5 الى 7 دقايق وتطفين عليها النار
يكون الرز تشرب مويته ترشينه من زيت الكشنه وتظيفين بهاراتك وفلفل احمر بودره>>اهل حايل مايستغنون عن الفلفل
ملاحظه التمن يجب الزيت وكل ماكثرتي الزيت طلع يهبل
وتقطعين فلفل اخضر فوقه وتخلينه لين وقت التقديم ابدا النار ماتضره بس اهم شي يكون لين مو ناشف
وبس وقت التقديم اذا بتغرفينه بصحن ترشين عليه الكشنه واذا بحافظه تخلينها على جنب وانا افضل تكون على جنب
ااه يا يدي لو طبخته وصورته كان اريح ليدي من الكتابه بس كل شي لعيونكم يهون واوعدكم اذا سويته اصوره لكم من طقطق لسلام عليكم والسلام عليكم
وانتظروا مني البرياني السريع
وبعد انتظروا عزيمتي اللي اكبر من هذي بس من جد خساره ما\ عندي لها الا كم صورره
وبعد انتظروا عزيمتي اللي اكبر من هذي بس من جد خساره ما\ عندي لها الا كم صورره
الصفحة الأخيرة
وتسلم ايدينج فعلا ذويقة والترتيب آخر شياااااكة