وبيوم جلست افكر بموضوع يخصني, واستشرت ابو فهد ..


يومياً ادفع مصاريف تاكسي بمبالغ لو جمعتها ممكن تفيدني ..الصراحه فكرت اشتري لي سياره واتعلم السواقه ..


في البدايه رفض ابو فهد لأنه خاف علي ,,بس مع شوية اصرار مني وافق بشروط من اهمها: اكتم هالموضوع حتى عن امي وابوي ..



ورضيت ..


التحقت بمركز تعليم القياده واتقنتها بأقل من اسبوع ..


وكانت نصيحة ابو فهد لي بسياره صغيره وعلى قدي ..مستعمله بس زينه ..



من مميزات السواقه ..


تخليك حرة نفسك ,ماتتقيدين بأحد ..


تروحين بالوقت اللي انتي تحددينه ,ترجعين براحتك..


وفك الإطارات وتركيبها مافيه اسهل منه ومايحتاج تعليم ..


وقد جربته اكثر من مره ..


كان خبر سعيد لزميلاتي..يمكن حسو اني بديت اتطور ..


اما صديقتي الهام(زوجة احمد)مااكتفت بالمباركه واحتفلنا انا وياها وعيالها بأحد المطاعم بمناسبة شراء السياره..


ماانكر ان وقت الفراغ يسبب لي افكار سلبيه لكني اني اقاومها بشجاعه ..


وانتهت السنه بحلوها ومرها ,وتمت دعوتي لحفله بمناسبة عيدالكرسمس من شخص مجهول..

كان شكل البطاقه راقي جداً..



بصراحه انا بحياتي ماجتني دعوه خاصه ..



من كل عمري اللي بيعزمني على مناسبه يكتب اسم العائله كلها >>>طعوس..



كنت خبله مااعرف وين مكان الحفله الموجود في البطاقه ..




واتصلت بوحده من زميلاتي عشان تقولي وين ..




الحقيقه كنت شايله فكرة الروحه من راسي بس بشوف وينه فيه المكان..




قالت انه حديقه كبيره السهره فيها وناسه ليلة راس السنه ..



وخبرتني ان الشخص اللي دعاني اكيد يدري اني مسلمه ومحجبه لأن هالمكان مافيه رقص ..وراقي جداً..



ذبحني الفضول وقررت اتصل فيهم واسأل عن اسماء اللي حجزو ليلة راس السنه ..





وعرفت من دعاني ..




اطفار دار الأيتام ..





شوي وبطير من الفرحه موب لأني قررت اروح بلعكس ,لأني قدرت أأثر فيهم واخليهم يحبوني ,ويفكرون فيني ..




مالكم بالطويله ..




ليلة راس السنه خبرتني راشيل انهم بيسوون في بيتهم حفله وبيجي اخوهم واصدقاؤهم..وعزمتني لكني رفضت ..




فضلت اقضي هالليله برا البيت بلحالي لين يخلصون حفلتهم ..




كان الشارع كأنه قصر افراح عندنا ..الكل مبسوط وفرحان واصوات الأغاني في كل مكان عاليه ..




كل مكان فيه كميه لابأس فيها من المعاصي ..




صرت اتمشى بالشوارع بسيارتي وافكر بأمور كثيره..





وقفت عند اشاره وقطع الشارع قدامي مصريه مع اطفالها الأربعه ,,كانت بنت عاديه واقل مني جمالاً بعد..




لاشعورياً قلت لنفسي:ياخسارة عمري اللي ضاع ماجبت لي ولد واحد ..

وعرفت من دعاني ..




اطفار دار الأيتام ..





شوي وبطير من الفرحه موب لأني قررت اروح بلعكس ,لأني قدرت أأثر فيهم واخليهم يحبوني ,ويفكرون فيني ..




مالكم بالطويله ..




ليلة راس السنه خبرتني راشيل انهم بيسوون في بيتهم حفله وبيجي اخوهم واصدقاؤهم..وعزمتني لكني رفضت ..




فضلت اقضي هالليله برا البيت بلحالي لين يخلصون حفلتهم ..




كان الشارع كأنه قصر افراح عندنا ..الكل مبسوط وفرحان واصوات الأغاني في كل مكان عاليه ..




كل مكان فيه كميه لابأس فيها من المعاصي ..




صرت اتمشى بالشوارع بسيارتي وافكر بأمور كثيره..





وقفت عند اشاره وقطع الشارع قدامي مصريه مع اطفالها الأربعه ,,كانت بنت عاديه واقل مني جمالاً بعد..




لاشعورياً قلت لنفسي:ياخسارة عمري اللي ضاع ماجبت لي ولد واحد ..



اعترف ان هالموضوع كان شاغلني بقوه ايامها..



وقفت في شارع جانبي وانا اطالع بالساعه واحسب كم باقي وتخلص الحفله عشان ارجع انام ..



4ساعات..



ياربي ,,وش بسوي كل هالوقت ؟



المكتبات مسكره,النادي مااظن يفتح بيوم بمثل هذا ..الأماكن العامه مليانه معاصي ..وش اسوي بس؟




رحت اقرب فندق ومالقيت أي غرف فاضيه ..كل شي فللللللللللللللللللللل..




مشى الوقت بطيء ومافيه أي فكره سلبيه الا وطرت علي ...




رجعت البيت ..
حطيت راسي ونمت ..
الصبح صحيت ولقيت 4مكالمات كلها من ام فهد ..




رجعت دقيت ..




ـ هلا ام فهد ,معليش كنت نايمه..

ـ ياقلبي بس اعذريني ماقدرت اصبر ..

ـ لامهيب مشكله بس قولي..

ـ الف مبروك خطبك ابو سعد ..

ـ ههههههههههههههههههههههه ..ام فهد معليش ازعجتيني على الصبح عشان تقولين لي ابو سعد خطبك..

ـ ايه وش فيه ابو سعد ؟ موب احسنلك من كلام الناس ..
ماتذكرين كلامك يوم كنتي تقولين ابي أي احد اسكت الناس فيه ..


ـ قلتيها بنفسك ..كنت .. كان فعل ماضي ..خلاص.. انتهى موضوع العرس ..مع السلامه..



ـ بكيفك..انتظري مكالمة عمتي, قالت لي اول ماتصحى بتتصل عليك ..

تذكرت حركه قديمه كنت اسويها بجوالي اذا كنت مابي احد يكملني ..


عباره عن خدمه ..اذا دق علي احد يطلع كأن الجوال مغلق وهو عادي مفتوح ان حبيت ارد والالا..


كان شرح الفكره لموظفة الإتصالات شاق جداً..


ويالله فهمت اني ابي هالشي ..وصار اللي ابي الحمدلله..


بعد ماطلعت ارسلت مسج لأم فهد اني طالعه مشوار مع صديقاتي وجوالي خربان ما يكلم..



الحقيقه بعمري ماكان عندي صديقات ..لا في ديرتي ولافي الغربه ..الا سلمى ..


وسلمى خلاص رجعت لأهلها..


والهام تجاملني بس عشان زوجها صديق ابو فهد والا هي اذا ماكلمتها تطنش..


وقررت اطلع مشوار لحالي..


رحت السنما وشفت لي فلمين وتمشيت بالسوق ..


وانا طالعه من السوق كان تركي داخل ..سويت نفسي ماشفته..


وتذكرت سفر سلمى ودعيت من كل قلبي ان ربي يشفيها ..




في البيت كان عندي شغل على الكمبيوتر ..


وفجأه خرب ..



شانت الأخلاق وضاق صدري واكتأبت ..دق تركي ..رديت عليه..



ـ هلا زهره كيفك؟


ـ الحمدلله بخير..


ـ زهره بقولك شي ..شوفي انا مااعرف للمقدمات ..زهره تتزوجيني؟


ماادري كيف حسيت وفكرت ..وبدون شعور..


ـ ايه موافقه..


ـ طيب متى اكلم اهلك ؟


ـ هاه ,موب اللحين بعدين ...(وكـأني بديت استوعب وش قاعده اقول)


صك ..وشوي كنت بذبح نفسي ..واتخلص منها على طول ..


لمت نفسي كثير وسألتها ..معقول اني وصلت لهالمرحله ؟



اتزوج زوج صديقتي؟اخونها؟


تمنيت يكون عندي اخت واشاورها ..كيف اخلص نفسي من هالسالفه ؟ماقدرت..



قضاء وقدر ..
ماقدرت اروح الكليه ثاني يوم من الإحراج..



اصلاً ماادري كيف قلتها ؟



مر اسبوع


وقدمت اجازه اسبوعين..



اتصلت وحجزت على اقرب رحله للسعوديه ..



وكل هالفتره وانا افكر كيف اطلع نفسي من كل القصه ..

متابعه بقوه واتمنى انك ماتتاخربن علينا