عشاء صحي و مفيد و طبعاً ســـــريــع (مـصّور) السلام عليكم .... اليوم عندي لكم وصفة سريعة و ما يبيلها مجهود وما تاخذ وقت ... لما تكونين جوعانةتاكلين اكل مفيد و بسعرات حرارية أقل مالك إلا هالوجبة ...
المقادير:
- قطعة همبرجر أو فيليه دجـاج
- شريحة جبن سلايز قليل الدسم
- خضروات متنوعة ( زهرة - جزر - بصل أبيض - كوسا - بروكلي ) و أي نوع تحبينه بس ابتعدي عن البطاط لان يمتن
- ملعقة صغيرة أوريغانو (زعتر البيتزا).
- ملعقة صغيرة نعناع مجفف.
- ملح
الطريقة:
1- في البداية تقطعين الخضروات.
2- إذا كان عندج قدر البخار صفي الخضروات فيه ... و اذا قدرج خربان نفس قدرنا ... صفي الخضروات في مشخال مسطح شوي .. و رشي عليهم الملح و الأوريغانو و النعناع .
3- حطي بالقدر شويه ماي و خليه يغلي و حطي فوقه المشخال اللي فيه الخضروات و غطيه.
4- اشوي الهمبرغر أو الفيليه على شواية أو مقلى من غير زيت مع التقليب إلى أن ينضج و بعد ما ينضج تحطين شريحة جبن السلايز على الهمبرغر و تخلينها تذوب .
5- بعدها تحطين الخضار في صحن مع قطعة الهمبرغر ... وانا لاني مو حيل متينه سويت لي بطاط مهروس مع صلصة كريمة.
و عليـــكم بألف عـــافية
-----------------------------------
منقول