السلام عليكم ورحمة الله وبركاته صراحه انا وزوجي من عشاق الآكل الحجازي وبالأخص المنتو
و من زمان حابه اجربه في البيت
واليوم الصباح طقت في راسي آسويه ع الغدا ,,
وآتحمس وأعجن العجينه عالصباح وحالتي صعبة << برد وتعجن
وشوي الا يتصل علي زوجي ويقول لاتسوين غدا ابجيب معاي
وآتحطم دام هذه بدايتها أجل ينعاف تاليها
المهم وآدخل عجينتي الثلاجه
وجا الليل واقول لزوجي وش نفسك فيه الليله ,,؟؟
جاوبني كالعادة بكيفك ,, كل شي الا المرقوق والسليق << عدوو الآكلات اللي على قولتة خبيصه:hahaha:
وأقوله وش رايك أسوي لك منتو ...!! صار وجهه كذا:D
وأطلع العجينه من الثلاجه وأسوي الحشوه حقت المنتو ,,
وآبتدي آفرد العجين تكسرت يديني وانا آفرد جااا راعي الفزعات وقال هاتي انتي وش عرفك فالطبخ وقام يعجن ويقطع هههههههههه شكله والله يضحك وانا ماسكة الكاميرا واصور ,,
وهذه شكل العجين بعد التقطيع
وأبتدينا نحشي المنتو وحاولت قدر الإمكان اني أسويها نفس الشكل اللي متعوده عليه ماقدرت بس سويت شكل قريب منه ,,
وابو الشباب كان يقولي سوي اي شكل مايهم اهم شي منتوو <<الجووع ومايسووي ,,
وبعد ماخلصنا من الحشي ,,
أبتديت اجهزه للطبخ ,,
طبعا انا ماعندي قدر المنتو آو قدر البخار
فـ وش سويت الحاجه ام الإختراع ,,
جبت الصينيه حقت الشوي وآخذت الطبقه اللي فوق كانت فيها فتحات من تحت ودهنتها بزبدة وصفيت قطع المنتو عليها ,,
وآرش على المنتو شوية كمون وشوية فلفل آسود وشوية ملح
وأبتدا البخار يتصاعد <<متعووب عليها
وابتدا المنتو يستوي ,,
غطيت المنتو بقطعة قصدير وخليته ينكتم وخفضت النار وخليته يطبخ على اقل مهله
بعدين سويت الكشنة حقت المنتو
سويت مقادير من راسي وطلعت تجنن
بعد ساعه تقريبا وعلى نار هادئه ,,
آستوى المنتو وجا وقت التقديم
وهذه الصور تتكلم