البارحه كنت محتارة وش أسوي للعشاء وجا على بالي البروستد قلت ليش ما أصلحه على الأقل أصح من أكل المطاعم والطعم تقريباً نفسه بس اللي يختلف ان طبخنا طازج والمطاعم غالباً بايت
ولما صلحت البروستد وأعجبني حبيت الجميع يستفيدون وهذي هي الطريقة بالصور:
أول خطوه غسلت الدجاج وقطعته
ثاني خطوه وضعت عليه التتبيلة وهي عباره عن بصل وثوم مهروس وملح وفلفل أسود مطحون وبهارات وفلفل بارد وفنجان عصير ليمون وتركته ساعه
بعد الساعة حطيت الدجاج بكيس وحطيت عليه تقريباً ثلث كأس دقيق أبيض وحركته لمدة 30 ثانيه عشان أضمن أنه وصل لجميع الأماكن
بعدين حطيت عليه البيض ثم البقسماط وقليته بس اعذروني على تنسيق الطبق لأني ما صورت الا بعد ما بدينا ناكل لأني نسيت أصور
وقدمت معاه الحلى (أخذته من هذا المنتدى)
والبطاطس المقلية مع البقسماط (أشهى من البطاطس المقلية العادية)
وسلطة الزبادي بالثوم والخيار
حبيت تشاركوني لو بالصور
ونرتاح شوي من أكل المطاعم
وأرجو أن تعم الفائدة للجميع:)
اممممممممم جوعتيني ..