حياكم الله يالغوالي..
بداية..
أبي أقولكم أني كنت ناويه انزل لكم موضوع غير هذا لكن ذاك الموضوع كانت ولادته متعسره ثلاث مرات وانا أحاول انزل فيه مره ينمسح مره اقفل مره يجمد جهازي عموماً اتمنى أنه يعجبكم وأقسم لكم بالله مافيه يوم كنت بحاجة لتشجيعكم مثل هاليوم انرفع ضغطي :44: وتعبني ثلاث محاولات دبلوماسيه ولانفعت>> ماتدري وش الدبلوماسيه .
وبعدها قررت أغير موضوعي هذاك وابدله بهذا واتمنى يعجبكم..
والموضوع ومافيه:
اني يوم السبت سويت شغلة في أهلي ونكبت أختي نكبه مب صاحية وكله يرجع طبعاً لطفاقتي :
فا أختكم في الله إلى هي أنا كنت نايمه نومه ولا أحلى منها ويوم طلع الصبح:41: مت مفزوعه:32: مفزوعة بعد ماشفت النور لأني مابعد صليت الفجر وأقوم بكل سرعة وأشوف ساعتي>>> هذي عادتي المهم أني شفت الساعة إلا وهي طاقة10 الصبح والله أني خفت لأني تأخرت على الصلاة المهم طقيتها استغفار لين صليت المهم وأنا على سجادتي إلا أختي توها مصطبحة ومنزلة معها بلوزتها وتنورتها تبغى تكويها عشان تروح للجامعة >>> تقولون وش هالكسل كان جهزت ملابسها من الليل >> هذا السؤال حق الناس الرايقه بس..
المهم يوم شفتها أنا لا وأبقق عيوني فيها :o وأقولها صح النوووم يالغلا تدرين كم الساعة؟ :time: هي أعدى مني ماتدري كم الوقت ؟؟ كمممممممممممم ؟؟:32: لها 10 وانتي توك تفزعين للجامعة لا توها تجهز وبتنتظر الباص بعد كخخخخخخ قلت لها ماعليش ياوخيتي استخلفي الله في محاضرات اليوم وارجعي لفراشك قسم بالله نكدت عليها لأن محاضرتها إذا فوتتها راح تحرم منها لأنها ماتسطل بالغياب إلا يوم السبت المهم أختي رجعت للغرفة مكسورة الخاطر إلا تجي بعدها أمي الله يسعدها توها تفزع تصحي أخوي إلى بالصف3ابتدائى إلا رايحه تجهز الفطور كخخخ فطور كخخخخخ المهم اني قلت خل الفطور يزين واكل منه بعدين اعلمها عن الوقت لمان يصحى اخوي ويوم اني شفتها رايحة لأخوي واروح افرملها وميمتي تدرين كم الساعة ؟ هي كم؟ قلت 10 يالغلا قالت يالساتر وش هالنوم فينا اليوم قالت الله يهدي اختك ماصحتنا قبل ماتروح للجامعة قلت لها اختي بفريشها حالها حال ولدك وحال بنتك الداجه إلى هي أنا قالت امي خيرة ورجعت نجلس معي إلا فجأه صوت بيب بيييييب أمي قالت وش هالصوت مب كنه صوت باص أختك قلت تحلمين وش هالباص إلى يجي بها الوقت والله لوها بنت معالي الوزير المهم ان الباص ضرب كم بوري وتوكل على الله وبعده بشوي صوت باص أخوي بيب بيببب ياأبرااااااااهيم >>>صوت المصري إلى يسوق الباص يصوت على أخوي (كخخخ انا بققت عيوني وش قصة هالباصات اليوم جايين لأخواني بها الوقت)؟ المهم ان أمي نزلت تكلم راعي الباص وقالت وش عندك جاي هالوقت ؟؟ المصري تنح وش هالسؤال ؟
طلع أن هالمصري وسواق باص أختي جايين على الوقت المناسب وحنا لسه في الصبح وساعتي مخرفة وغيبت اخواني من المدرسة في ذاك اليوم كخخخخخخخخخخخ والله ولا احلى نكته وأنا وساعتي المخرفة ..
بس اخوي طبعاً مبسوووووط لأني سويت فيه خير ..
أما أختي ودها تذبحني وحلفت أنها ماعاد تمشي على توقيت ساعتي ابد حتى اني قلتها يوم الأربعاء تراي صلحت ساعتي قالت والله ثم والله لو تكونين مثبتتها على جرينتش والله ماأمشي وراك ماني ناقصة حرمااااااان من الجامعة كخخخخ..:23:
اما أنا طبعاً رجعت انام بكل برووووووود ..
:23: عاد وش رأيكم فيني استاهل تكفيخ صح كخخخخ..
اذكر مره من المرات أيام المتوسطه كنت أروح باص المدرسة وكان راعي الباص مجننا وذالنا بشكل فضيع والله مايمدي الشمس تشرق إلا وحنا هوووب في المدرسة.. المهم انه كان مهبل بأغلب البنات وأنا أولهم ودائماً أغيب لأنه يفوتني ومره من المرات عشان تشوفون بس قد آيش كان مرعب قلوبنا المهم أني بعد مار جعت من المدرسة استسلمت لنومه كالعادة صحيت منها والساعة جنبي على 6المغرب تو الشمس ما بعد غربت أنا طوالي شفت الساعة ست إلا وهوبا على الدولاب اللبس المر يول وادهر في نفسي واللبس عباتي وانزل عند اللباب بشنطتي كخخخخخخ خايفة لايفوتني الباص وأي باص باص في المغرب هههههه قسم بالله شكلي كان يفشل مرتزه عند الباب أنتظر الباص من الخلفه ومن الخوف لايفوتني الباص أمي فقدتني وجلست تصوت علي إلا أنا أقولها وأنا عند الدرج وش تبغين يمه بسرعة وأنا ما أقدر أرقى لك شوي ويجي لي الباص ههههه أمي خافت لا يكون متحلمه ونازلة لشارع ماعلي عباتي إلا وهي تطامر على الدرج تبغى تلحقني ويوم شافتني ماتت علي ضحك وقالت لي ارقي الله يفشلك الساعة 6المغرب كخخخخخخ وكان يوم ما ينسى .
وتحياتي لكم جميع ..
ذكرتيني بما مضى
>>> الأخت لها سوابق