((( عصافير الفراشه الماسيه...قصص الولاده والنفاس)))

اسمحوا لي ابدا بقصة ولادتي

كان يا ما كان
كان بقديم الزمان
كان

كان يوم الجمعه وكنت طفشانه وكان العصر قلت لزوجي طلعني امشي بس فمكان وااااااااااسع
كلمنا ام زوجي وطلعنا للبر وجلست امشي وامشي وامشي
وصار المغرب وحسيت بالبرد فقلتلهم خلينا نروح وفعلا طلعنا ورحنا البيت وقلت لام زوجي خلينا نتعشى مع بعض ونزلنا لبيتي وراح زوجي عنده شغل خلصه وجاب لنا عشاء وتعشينا واثناء ما كنت جالسه اتعشى حسيت بمغص قلت عادي لانه من اول التاسع وهو يجني بين كل فتره وفتره مغص((طلق كاذب))
خلصنا عشا وشربنا شاي حسيت اني تعباااانه ومرهقه ومو مصدقه وخالتي تروح عشان ارتاح وراحت خالتي رحت انسدحت بس ما قدرت انام ورجع المغص
وصار يجي ويروح كل فتره ولما زاد عن المعتاد قلت هذا اكيد برد لاني بردت بالبر(( بكريه وعلى نياتي))

ولما صارت الساعه11 تقريبا زاد الالم قلت الموضوع في انه صرت اراقب كل كم يجي واذا الزمن بين كل طلقه وطلقه متساوي معناه طلق جد
وطلع فعلا يجي كل ثلث ساعه
بس انا ما اقتنعت لانه كان باقي على ولادتي اسبوعين وانا بكريه
ولافي مويه ولا علامه ولا دم
فقلت مستحيييييييل يكون طلق

وزاد الالم وانا اروح واجي وانسدح على السرير واجلس على الكنب
واروح الحمام اشوف اذا في اي علامه وما القى شي
قلت لزوجي شكلي بولد ضحك وقال تو الناس والساعه 1 راح نام وجلست افرك بالصاله لحالي واضرب اخماس باسداس ماني عارفه ايش السالفه
دخلت النت ولقيت حنين قطر واماني
وشرحتلهم حالتي بس للاسف حنين قطر مثلي بكريه واماني كل ولادتها قيصريه فما يعرفوا مثلي
بس والله الله يجزاهم خير
ما قصروا جلسوا يسولفوا معي ويطمنوني واقترحوا علي اروح واشرب قرفه يا يروح المغص اذا ما كان طلق واذا كان طلق يقوى
وفعلا رحت وشربت قرفه


**الحين مضطره اروح اكملكم بعد شوي**

الحمدلله على سلامتس :)

اقول فراشة يالله كممممممممممممممملي تراي تحمست :16:

كملي علشان نقولك قصصنا والحمدلله على السلامه ويتربى في عزكم

بكمل

الجزء الثاني

قبل نسيت اقولاخذت مويه زمزم وجلست اقرأ عليها قران وشربت منها ومسحت بطني

وصار الطلق كل عشر دقايق بعدين كل 8 بعدين كل 6
وصارت الساعه تقريبا 5 فجرا قلت بصحي زوجي الساعه6 تكون طلعت الشمس لاني كنت ميته برررد ومشغله كل اجهزه التدفئه الي عندي ومافي فايده صارت الساعه خمسه ونص وماعاد استحمل الالم قومت زوجي قلتله اكيييييييد ولاده وماني قادره اقوف على حيلي قام لبس وصلى على اقل من مهله لانه ما كان مصدق انها ولاده
ونزلنا وركبنا السياره وانا ركبت السياره من هنا وصار الالم مريع من هنا وصارت كل 5 دقائق وبرررررررررررررررررررررررررررررررررررررررد
وصلت الساعه6 طلعوني على طول قسم الولاده وهنا بدأ الررررررررررررعب
طولي جهاز التخطيط الي يشوف في طلق والا لا
وما السرير صغيييييير والكلرشه كبيره وما كنت مرتاحه بالوضعيه الي اخذتها عشان يضبط الجهاز
وبرررردانه وخايفه وجلست حول ربع ساعه على هالحال واقول للممرضه برد تجيب بطانيه وتغطيني بس مافي فايده دخل زوجي علي جلس على كرسي جنبي فجأه بكيت وقلت له رجعني البيت هو انخرع قااال ليش
هذي اللحظه حسيت فيها اني ضععععععععععععععععععععععيفه ومنكسره ومالي حيله
صراحه كانت لحظه حزينه جدايضيييق صدري يوم اتذكرها

وبعد ثلث ساعه جت الطبيبه وفحصتني طلع عندي توسع 6 سم
انا انفجعت ما كنت متوقعه
سألت كم قوة الطلق قالت 40
وكم لازم يصير عالولاده
قالت 100
يوم قالت 100 انا بغى يغمى علي كل هالالم و40

اخذوني غرفه ثانيه اول ما طالعت طالعت السرير لقيته واسع لانه انسكر ظهري من الاول
وكان فيها حول 4 او 5 ممرضات وكلهم جالسين يجهزوني للولاده الي تحط المغذي والي تحط الجهاز على بطني والي اتجهز الادوات والي تغطيني واالي ووو
بعدين كلهم طلعوا بقت وحده جنبي ما تركتني ولا لحظه وانا واعطوني الحبيب الغالي الاكسجين مع المخدر
يااااااااااااااااااازينه اغيييب وارجع وع الطلق افتح عيني القى زوجي جنبي ارجع اغييب افتح عيني مره ثانيه القى اختي
قلت بسم الله ايش حول زوجي الاختي
- انا ما كنت ابغى احد يدري اني بولد ومعلمه زوجي بكذا بس هو انخرع ودق على اهلي وجت اختي-
وما كنت اصرخ كنت يوم تجي الطلقه اقوا لاااااااااااااا اله الا الله بس بصوت عاااالي وختي تقول لا تخافي عادي عادي وانا اطالعها بحقد بس مو قادر ارد عليا باقولها وشو العادي وشو

المهم جت فحصتني الدكتوره على الساعه7 ونص _على فكره يوم تاخين المخدر تصيرين ما تشوفين بالغرفه الا الساعه_
قالت توسع 7 باقيلك ساعه وتولدين
وفعلا الساعه 8 و10 بدا الدفع ووجلست اوفع وادفع بس من كثر ماني مرهقه قوتي راحت وسمعت الدكتور تقول ادفعي البيبي طالع راسه اذا ما دفعتي قوه بيختنق خفت على البيبي طبعا ودفعت بكل ما اوتيت من قوه والحمد الله طلعت بنوتي بالسلامه واطالعا وهم يسحبوها اقول ما شاء الله بنتي طووووووووووويله بعدين اكتشفت انه هذا الي اطالع الحبل السري مو البنت
وجاء دور الخياط نص ساعه وهم يخيطون فيني مت موت وارتفع ضغطي وجلسةنس تحت المراقبه حول ساعه الى ان ضبط الضغط علما اني ما كنت اشكى من الضغط وطول 5 ايام بعد الولاده كان معي هبوط بالضغط!!- لله في خلقه شؤؤن_

هذي قصتي وبقص عليكم بعدين بلاوي النفاس ان شاء الله
وتوته توته خلصت الحتوته

ياحبي لك يالفراشه اسلوبك مرررررررررررة يجنن يالله حمدالله على سلامتك وتتربى بنتك بعزك وعز ابوها وهالله هالله بسوالف النفاس علشان نستفيد منكم انا اللحين بالخامس وقاعده اجمع معلومات عن النفاس بس والله دار راسي ولا عرفت وش الزين ووش المظر من كثر سوالف الحريم بالمنتدى بس غير لاصرتي تتكلمين عن نفسك فانا متأمله اني استفيد منكم واخذ الزبده واسويها بنفاسي