اختي ام فارس

الاخوات ماقصروا معك الله يجزاهم كل خير
بس صدق صدق لو تسكرت كل الابواب بوجك ترى باب ربي مفتووووووووووح للكل احسني ظنك فيه وثقي بقدرته وادعيه واني متيقنه ومتاكده من استجابته لك ولا تيأسي ابد من رحمه الله تراها وااااااااااسعه لكن بني ادم مايصبررر
ثقي بالله واكثري الدعاء باوقات الاستجابة خاصه تذللي له واستشعري بقوته وتذللي له بضعفك وعجزك وثقي انه بيرزقك لانه رب كريم مايرد عبد طلبه تخيلي رب العزة والجلال يستحي يرد عبد رفع يدينه يطلبه وهذا هو رب الخلق سبحاااااانه
شوفي انا اذكر معيده في الجامعه الله يجزاها خير عطتنا دعاء وقالت انا مااقوله الا والحمدلله ربي مستجيب لي
هي صلاه وبعطيك صفتها تصلين عادي 4 ركعات وباخر سجود لك قول ( اللهم ياودود ياذا العرش المجيد يافعال لما تريد اللهم اسالك بعزك الذي لايرام وبملكك الذي لايضام وبنور وجهك الذي ملأ واضاء اركان عرشك ان .... وتقولين اللي تبينه ) وتكررين هالدعء في سجودك 3 مرات وباذن الله باذن مايخيبك ربي لكن ادعي بصدق وخشوع وحضور القلب وثقي برررررربك ..

والله يرزقك بالذريه الصالحه وكل محروم اااااااااااامين

انا تقريبا كنت مثلك كل شئ سويته كان سليم الا المبيض كان عندي ضعيف شوي والله تعبت من الفحوصات الطبيب لغاية تقريبا سنتين شلت كل شئ من تفكيري وبدات ادعو الله في كل الاوقات وبالذات في اوقات الدعاء المستجاب وتوكلت عليه والحمد لله الان عندي ولد مثل القمر الله يحفظه لي وماتعبت في الحمل ولا الولادة الحمد لله
ادعي الله كثيرا وبنية صادقة الحي في الدعاء وتوكلي عليه اكيد راح يرزقك ولو طالت المدة
اللهم ارزقها الذرية الصالحة امين:24:

شوفي حبيبتي

انا قصتي غير من قصتك ...

انا تزوجت من 9 سنوات ... في بداية زواجي ما صار عندي حمل بسرعه .. بعدين انا ما كنت مستعجله فما رحت للدكتور... المهم بعد السنه ... صار الكلام كثير علي ليه ما حملت ايش فيها ... وغيره وغيره ... قلت خليني اروح للدكتوره واشوف ايش الخبر ...

رحت للدكتوره .. قالت لي عندك المبايض يبغيها تنشيط ... وفعلا نشطت عندي المبايض لدرجة اني ما كنت اقدر اجلس من الالم اللي اسفل البطن وحتى لما كان يصير جماع كنت اتألم كثير ... لان المبايض كانت كبيره حيل

المهم الحمد لله حملت في هذاك الشهر ... واستمريت اروح عند الدكتوره في عيادتها الخاصة لمدة ثمان شهور .. ورحت لها مع بداية الشهر 9 ... قالتلي كل شي اوكيه ننتظر الولاده ...
عطتني موعد اني اشوفها بعد 3 اسابيع ...

المهم بعد يومين ... صابني نزيف .. وانا توني اول حمل لي كنت غشيمه في هالامور ... وكان زوجي في منطقه ثانيه تبعد ساعتين ... قمت اتصلت على اهلي الناس نايمين محد يرد على التليفون وهم بعد بعيدين عني ساعه طريق
ما كان عندي غير صديقتي الله يعطيها كل ما في قلبها ... اتصلت عليها وقلت لها انتوا تقولون ان من اشارات الولاده انك بتلاقي شوية دم ينزل وماي ... لكن انا الحمام غرقان من الدم ... صرخت وقالت انتي فيكي نزيف ... لازم تروحين الان للمستشفى .. رحت للمستششفى واول ما شافوني سوولي فحص بالسونار ... واتضح





ان الجنين مات .... كانت بنوته مثل القمر

انصدمت وبكيت بحرقة شديده الله يعلم فيها ... وتأزمت نفسيتي ... صرت دائمة البكاء... ومزاجي كله معكر

وزوجي دايم متضايق علي ليه صار حالي كذا ...


مرت على وفاة بنتي 3 سنوات وانا من دكتوره لين دكتوره ... منشطات وادوية وخرابيط الله يعلم فيها

بس كانت تقولي يا فلانه ترى بهذي النفسيه انتي عمرك ما بتحملي ... لازم تهدي ولا زم تساعدي نفسك انك تطلعي من هالازمة ...

وفعلا بعد ما رجعت للبيت ... تسبحت وصليت وبديت اقرى قرآن وادعي لله انه يرزقني بالخلف الصالح ...


وجاني حمودي فديت عيونه ...( محمد )

والان عمره 3 سنوات عيوني وتوه رايح للمدرسه ... بس ما صار عندي حمل بعدها لكن انا احمد الله انه عطاني واحد وبرد قلبي ... الله يعطي اللي ما عنده يا رب

بس صدقينيي يا اختي اني انا مثلك سويت كل شي ولكن ما كنت مواظبه على قراءة القران ... ومن بديت اقرى واستعيذ بالله من وسواس الشيطان الحمد لله ما خيبني ربي .. كريم

اهم شي النفسيه ... لازم تهدى نفسيتك ... ولا تفكري ان هالشهر بيصير حمل ولا لا ... خليها على الله

والله يعطيج ويعطي كل من يبغي وانا معاهم

امين يا رب العالمين

القصه طويله صدعتكم بس هذا اللي بغيت اقوله

مع السلامه

هلا وغلا عيوني ام أفنان .....
مادخلت موضوعك من بعد ذيك الخبطه :35:
والله يوفقك ويرزقك عاجلا غير اجلا ....:26:

ام فارس......

--------------------------------------------------
مرحبا ايام العمر:والله كلكم ماقصرتوا والله يجزاكم الجنة,,
وانتي بعد اختي ماقصرتي ,,
وجزاك الله خير على الدعاء:26:

ام فارس......

--------------------------------------------------
امين وجزاك الله خيرا ,, أختي رشيده :)
وشكرا على مرورك...

ام فارس......

--------------------------------------------------
هلا حبيبتي " كلبوزه" وشكرا لمرورك ,, والله يخليلك" محمد"
وابو محمد ويرزقك بأخت لمحمد,,:27:
والله ايام ادعي ربي لويعطيني واحد.. ومن جد ماني طماعة.. بس لو فرحة وحدة تكفيني الدنيا ومافيها..

وأنا راح أحاول أنسى الموضوع والله يصبرني ويصبر كل محرومة:26:

ام فارس......

--------------------------------------------------

( اللهم ارحم كل من دعى لي وتقبل منهم, وجازهم في الدنيا والآخرة خيرجزاء, وافتح لهم من ابواب جنانك،

واتمنى يكون كل اللي دخلو الموضوع دعولي بالخلف الصالح"""""""""

{{{{{{{{{ رب هب لي من لدنك ذرية طيبة إنك سميع الدعاء }}}}}}}}} :26: :26: :26: