السلام عليكم حوائيات
انا عضوة معكم هنا من عام 2005 و مضيعة ايميلي القديم و اسم معرفي فجيتكم بشكل جديد ..
طبعا متابعة للنخاااااع. لمواضيع عالم حواء و هالمنتدى بالذات .. كنت ارد كثير على مشاركات البنات هنا
مالكم بالطويلة بدخل في الموضوع سيدا..
لي فترة طويلة يا بنات افكر بالطلاق .. احس اذا تطلقت برتااااااح كثييييير من المسؤوليات و الهم. و حطوا تحت الهم ثلاث خطوط اذا مو عشرة...
من اول ما تزوجت ما كانت البوادر تبشر بخير .. كان عندي احساس ان زواجي مجاملة و مظاهر قدام الاهل..
سبحان الله متزوجة لي 10 سنين و داخله عال11 سنة و ما احس بحب لزوجي ابدا ابدا ابدا.. عشرة و عمر بس مع بعض يعني تقدروا تقولوا تعود فقط لا غير ..
و الله حتى من بداية زواجي ما حسيت في لحظة اني احبه من قلب .. كان كل همي اني اظهر بمظهر الزوجة المطيعة و ان اهله توفقوا فيني و انه ربي كتب له الخير يوم تزوجني ..
و الله يا بنات اني عمري ما شكيت لاحد الا مؤخرا وصلت لأقصاي في هالعلاقة الزوجية..
من بداية زواجنا (من اول اسبوعين زواج و هو عنيف و غبي في العلاقة ال... و كل شوي يقولي حقي و حقي الشرعي لغاية ما كرهته..
مرة قالي في شهر العسل كمان انه اذا جاتنا بنت يبي يسميها ..... على اسم ممثلة مصرية لانه معجب بها ... كرهته و كرهت الممثلة .. حسسني اني و لا شي
و مرة لقيته في غرفة اخوانه كمان في شهر العسل قاعد عالتشات مع وحدة من جنسية عربية على غزل و مرقعة.. كمان حسسني اني حمارة بنمرة و استمارة
و مرة تعبانة يا عيني في المطبخ الفجر بعد الفطور بعد شهر العسل اجهز للغدا و اخرج الاقيه في الصالة يتفرج قنوات اباحية.. قسم بالله كرهته من قلب و كرهت الساعة اللي اتقدم فيها و الساعة اللي اهلي وافقوا عليه.
كرهت اهلي بزيادة و للحين في قلبي غصة منهم انهم زوجوني له بدون ما يسألوا عنه او يشوفوا وضعه بالضبط .. وافقوا عليه بكل بساطة بسمعة ابوه الطيبة و بلغوني ياخذون رأيي و انا من غفالتي و غبائي و قلة خبرتي قلتلهم بستخير و اشوف .. ما الله الهمني اني اسألهم عنه لاني كنت جدا مستحية و هم اعطوا شبه موافقه لأبوه.
بعد الزواج اكتشفت انه يشتغل في محلات كبائع و انا من عايلة كبيرة لها منصبها. انصدمت! . و اكتشفت انه ثانوي بس ما كمل جامعة .. اختلط مع ناس مو تمام و اكتسب منهم خبرات غير جيدة. بإختصار غير راقي.
حاولت اتعايش مع الوضع و ضعف الراتب و قلة الوازع الديني و كنت وقتها ملتززمة كثير بديني ..
الصراحة تغير كثير عن قبل الان من ناحية الاخلاق و التعليم تحسن اخذ بكالوريوس انتساب بتشجيع مني لكن سوء المادية لازال يلازمه و من سيء لأسوأ .. انا الحمد لله ربي اكرمني بوظيفة مرموقة و راتب حلو يا ربي لك الحمد و اشتغلت على تعليمي كثير كملت ماستر و دكتوراه و هو بعده يصارع في هالحياة على لقمة العيش .. راتبي طيب لكن لسوء احواله و كثرة ديونه و سوء تخطيطه صرفت عليه كثير و على مشاريعه اللي ما يكملها و يقطعها من اولها كثير ..
المهم ما عاد بقى لي شي .. الراتب ما يتجمع بسبب قلة ماديته و انا اغطي المصاريف .. و البيت مافي ملك و هو وظيفة ماش.. تعبت !
مدري حاسة اشياء كثيرة بكتبها لكن من كثرها ما اجمعها ..
الخلاصة انا مؤخرا ديني قل قل قل كله سخط من الوضع اللي انا فيه، و سخط من اهلي ، و سخط من كل شي في الحياة... جاني شعور غرررررريب اني ما عاد ابيه و لا عاد ابي اتحمل مسؤولية الاولاد و لا عاد ابي احد مرة .. ابي اعيش لوحدي بس.
احس اني لو تطلقت برتاااااااااااح و صارت كلمة الطلاق على لساني على طول .. و هو ما يبي خايف منها لانه ساعتها بيكون فشل في كل شي فأنا اخر قشة يتمسك فيها قدام الناس و انه نجح عالاقل في شي في حياته.
ما احبه و لا في يوم حبيته .. اسأل نفسي كثير ليش اسوي في نفسي كذا و ليش معذبة نفسي و مضيعة حياتي معه. هو صحيح ما عمره مد يده و لا رفع صوته لان شخصيتي شوي قوية قدامه.
كرهت حياتي معه كلها شقى و تعب و هم فلوس و تخبطات و عدم استقرار .. انا اشتغل في منطقة غير مكان منطقتنا و هو في منطقة ثانية يكد و يتعب يجمع قرش ما يوفي! الولاد معي و طول الوقت مسؤوليات و تعب و قرف . على ايش؟ انا اصرف و اربي و اهتم بالبيت و اطبخ و اوجب الناس و اكمل الناقص و اتقضى للبيت و اغير اثاث ... تعبببببببببت بموت من تعبي.
صرت اطالع اللي حولي و احدد مكاني من بينهم ! اشوف هذي اللي اصغر مني و ما تشتغل افضل مني بمليون مرة من لبس و طلبات مجابة و زوج محب ، و اطالع هذيك اللي اقل مني اخذت واحد مهنيها و مسعدها و كل سنة مغير لها اثاث، و اشوف اللي تتشكى بدون سبب و اقول ياليت همي همك و تشيلين عني همي ، و هذيك اللي تقول ما اشتغل في البيت لازم معي شغالة و انا مكروفة على راسي و ما تكلمت. عمري ما كنت اطالع للناس صرت اطالع .. مرة بغيت ابكي و انا اشوف اخوه كيف مأثث بيته لزوجته و اتحسر على نصيبي .. احس انه كائن طفيلي عايش علي و احس انه حمل على ظهرة ابي ارميه في اي مكان و امشي و احس انه نقطة سوداء في حياتي ما ابيه يكون جزء من حياتي الجاية ابدا ..
سامحوني طويل البوست بس و الله من قهري و غبني و تراكمات سنين ..
Nothingness @nothingness
عضوة جديدة
يلزم عليك تسجيل الدخول أولًا لكتابة تعليق.
لارا@ :
الله يكتب لك اللي فيه الخير. بعد هالسنين كلها .. هل في ايجابيات عنده ولا مافي نهائي ؟ اذا اتطلقتي ناوية تتزوجي غيره ؟ اذا لا فايش يفيدك الطلاق؟الله يكتب لك اللي فيه الخير. بعد هالسنين كلها .. هل في ايجابيات عنده ولا مافي نهائي ؟ اذا...
فيه عنده ايجابيات ..
يحبني على كلامه بس ما صرت اصدق احد .. احس انه يخاف يفقدني لأني اخر نجاح بالنسبة له..
ما عمره رفع صوته و لا ضرب
يحترم اهلي
بس مو قد مسؤولية الزواج تخيلي اهله زوجوه و هو راتبه 2000 ريال بس! لو دريت ما تزوجته .. ما يقدر ياخذ قرارات بعيد عن اهله و اخوانه.. فرق كبير بيني و بينه من ناحية التفكير و تحمل المسوولية و التعليم و المادية و المستوى الاجتماعي بين اهلي و اهله .. و لكن الحق لله كلهم طيبين .. بس تعبت من فقره و تعبت من حياته المعثرة ما ابيه جزء من حياتي الجاية ..
اذا تطلقت ما ابي اتزوج غيره .. عفت كل الرجال .. ايش يفيدني الطلاق؟ اتحرر احسه عبء علي كأنه راكب على ظهري و الله حرفيا زي ما اقولك .. احسه شي ثقيل ابي اتخلص منه .. ما عدت ابي احد حولي لا اولادي و لا زوجي و لا اهلي و لا حد!
يحبني على كلامه بس ما صرت اصدق احد .. احس انه يخاف يفقدني لأني اخر نجاح بالنسبة له..
ما عمره رفع صوته و لا ضرب
يحترم اهلي
بس مو قد مسؤولية الزواج تخيلي اهله زوجوه و هو راتبه 2000 ريال بس! لو دريت ما تزوجته .. ما يقدر ياخذ قرارات بعيد عن اهله و اخوانه.. فرق كبير بيني و بينه من ناحية التفكير و تحمل المسوولية و التعليم و المادية و المستوى الاجتماعي بين اهلي و اهله .. و لكن الحق لله كلهم طيبين .. بس تعبت من فقره و تعبت من حياته المعثرة ما ابيه جزء من حياتي الجاية ..
اذا تطلقت ما ابي اتزوج غيره .. عفت كل الرجال .. ايش يفيدني الطلاق؟ اتحرر احسه عبء علي كأنه راكب على ظهري و الله حرفيا زي ما اقولك .. احسه شي ثقيل ابي اتخلص منه .. ما عدت ابي احد حولي لا اولادي و لا زوجي و لا اهلي و لا حد!
ومن قال لك بترتاحين بعد الطلاق؟ ولا راح اتكلم عن الاولاد ومصيرهم ولا اي كلام ثاني معروف مسبقا ...بس بقلك انتي فين مشكلتك....انتي مستكثره نفسك عليه وحاسه انه مايستاهلك ...صح؟ ليش ماتريحين نفسك وتجيبين شغاله وهو اعتبريه غير موجود ليش تفكرين فيه وبقوه...مركزه عليه ليه؟ عيشي حياتك من غير طلاق وخراب بيوت ...كأنه غير موجود..عندك حياتك ووظيفتك وصديقاتك...هو طنشيه وانسي اللي قدمتيه له..وليش حمل على ظهرك تحمله الارض ولا عليك منه ابدا..انسيه بس فكرت الطلاق من انسان غير مدمن ولا مريض نفسي ولا يضرب ويهين احسها مالها داعي...كملي مشوارك معه الى ان يشاء الله وزي ماقلت لك انسي كل شي قدمتيه له وانسيه هو شخصيا ولا تشغلين بالك فيه ابدا...
الصفحة الأخيرة
بعد هالسنين كلها .. هل في ايجابيات عنده ولا مافي نهائي ؟
اذا اتطلقتي ناوية تتزوجي غيره ؟ اذا لا فايش يفيدك الطلاق؟