عطوني حل!! بنتي مو راضيه تاخذ الرضاعه!!

ترى الاطفال كلهم كذا أول ما تجربي تعطيهم شي يرفوضه اول مرة
أنا تعبت كثير عشان أعطي بنتي الرضاعة الصناعي
بس حاولي تجوعيها ( يعني ساعتين لا تعطيها الحليب الطبيعي ) وبعدين أعطيها صناعي
وأبدأي شوية شوية يعني مثلاً أول مرة 50 مل وهكذا وكمليها طبعا بالرضاعة الطبيعي مو تسبييها جيعانة خخخخخخ
واستمري على نوع حليب واحد ( اعتقد سيميلاك هوا أحسن نوع اذا كنتي من السعودية )
بالنسبة للرضاعة مفروض تكون كل ساعتين لكن الاطفال المواليد يكونوا لسه نفسهم ضعيف ويتعبوا بسرعة فيناموا
افتكر بنتي كانت تبكي كل خمس دقايق تبغى ترضع
لكن مع مرور الوقت تبدأ فترات الرضاعة تتباعد
طبعاً حاولي تتطقسي جميع لاسباب لكونها تبكي ممكن تحتاج لغيار أو ممغوصة.......... الخ
كان الله في عونك وعوننا إن شاء الله

حاولي معاها ولا تيأسي غيري الحلمات حاولي تاخذي لها حلمة مشابهة لحلمة الأم وجوعيها زي ما قالت الأخت sweet-noni وبعدين أعطيها
وبالنسبة للرضاعة الطبيعية طالما انها ما ترضع الا خمس دقايق الله يعينك كل ما صحت رضعيها لأنه طبيعي حتكون جيعانه
المفروض الطفل يرضع ربع ساعة من كل ثدي وهذا ممكن تنظمين معه الرضاعة وتخليها كل ساعتين أو ثلاث
وبالتوفيق .

السلام عليكم..

أخت Suger
عن تجربه..
خلي حد ثاني يعطيها الرضعه.. يعني مثلا امك او اختك.. او حتى زوجك اذا اتشجع..
و السبب انها تشم ريحتج فتفضل انها ترضع طبيعي..
بس بعد ما تتعود عليها عادي انت اعطيها..

طبعا هي راح ترفضها.. و تسوي حركه كانها بتقص.. بس انا امي كانت تنطش و ترجع تعطي ولدي الرضعه..

وترى كل ما زاد وقت الرضاعه الطبيعي يصعب تعويدهم على الصناعي..

و بالنسبه للطبيعي..
انت ادرى ببنتك.. يعني الرضعه الي فاتت شبعتها و لا,, شو كانت مدتها.. و هل نامت بعدها على طول دون بكاء.. يعني شبعانه.. و يمكن تبكي لسبب ثاني,,
و ترى عادي ترضع خمس دقايق و تنام .. يعني شبعت..

و الله الموفق..

غاليتي Sugar الله يكون في عونك والله حاسه فيكي لأن نفس المشكلة صادتني وتعذبت كثير لأني بعد شهرين من ولادتها اضطريت أتركها وأروح الدوام وكانوا في البيت يتصلوا فيني إنها ما تشرب الرضاعة فأضطر أطلع أرضعها وأرجع وبين الدوام والبيت تقريباً أكثر من 20 كيلو
بس ما يأست بدلت لها الحليب وبدلت لها الحلمات والله أشكال وأنواع واللحين دخلت الشهر الخامس وبعدها ما تتقبلها زين بس أحسن من الأول الحمد لله
المهم حبيبتي أنتي لا تيأسي ومثل ما قلت لك حاولي تبدلي لها الحليب والحلمات لين تتقبل وادعي عسى الله يهديها وتشرب الرضاعة
أنا أولادي الأول والثاني ما تعبوني ابدا في مسألة الرضاعة بس هذي الثالثة مطلعة عيوني (ربي يخليها ان شاء الله)
عسى ما اكون طولت بس تراني نسيت نفسي :27:

الغالية......................... انا مثلج حاولت اعطي ابني الرضاعة بعد الالربعين ما رضا وكان كله يرجعه وكل مره احاول مايرضى ويزوع وايد حتى مرة رقد بالمستشفى من كثر الترجيع والحين ماشاء الله عمره سنة ومهلكني مااقدر ارقد بالليل كل حين يقوم يرضع مسونه مصاصة وكل مايشوفني وقت النهار يبغى يرضع رغم انه مب جوعان نصيحتي حاولي ولاااااااااااااااااااااااااااااااااااااااااااا تياسي لانه بيستويلج مثلي :24: