الله يحفظ لك خطوبي.... اذا لقيتي حل علميني :) واذا انا لقيت حل علمتك :26:

تلقين حلمات شبيهه بحلمة الأم وطرية موقاسية ماركة play tex ان شاء الله ما غلط في كتابة الأسم وحاولي ولا تيأسي أفتكرت نفسي لمن كنت في الغربة ولا أحد يساعدني جاني اكتئاب استغفر الله .

:27: اهلين يا سكر .. شوفي انا صار فيني مثلك بس انا ولدي كان 4 شهور يعني اكبر وكان الموضوع اصعب لانه له اربع شهور ما ياخذ الا طبيعي بس جا وقت وكنا مسافرين فكان لازم اعوده على الصناعي عشان يريحني في السفر لانه صعب كل شوي ارضعه قدام الناس .. اول شي عطيته حليب وما رضي يتقلبل حتى المصاصة بدون ما يذوق طعم الحليب .. بعدين ماني عارفة اذا هو ماحب الحليب ولا المصاصة فذوقته الحليب بالملعقة وماعجبه وكان مرة جوعان يعني المفروض ياخذ اي شي.. وغيرت المصاصات جبت نوع بيجون ولونها بني شبيه بحلمة الام جدا وطرية اهم شي والحمدلله تقبلها بس حطيت فيها حليبي عشان ابغاه يتعود في الاول على المصاصة.. بعد ما حسيته اتعود على المصاصة رحت غيرت الحليب وجبت نوع ثاني وجربته بالملعقة تقبله شوية لكن بالرضعة لا ما يتقبله
وكاني اعطيه سم لالاسف.. بعدين صرت اتركه جوعان مرررررررررررررررررة واعطيه شوية صدري واخرج منه صدري واحطه الرضعة على طووووووووووووووويل عشان لا يحس.. في البداية عذاب بعدين خلاص سلم امره يمكن قعدت 3 اسابيع
بالتعويد ترى يسلمو امرهم صدقيني .. بس لا تعطيه كتير يعني بعد ما يتعود على الرضعة كفاية مرة وحدة باللاسبوع لانه الواحد بيعمل كدا في اسواء الظروف لا سمح الله االانسان ما يعرف شو حيصيرله انا حايلا مرة وحدة بالاسبوع بس عشان لا ينسى الطعم وان شاء الله اكون قدرت اساعدك

عزيزتي .. عن تجربه

انا حاولت اعطي ولدي سيميلاك إلين ما كمل خمس شهور والله كان ياخذه ويرجع .. وايد كنت أحاول ابدا ما كان ياخذه
والله كنت أعاني ..

أخر شي يوم كمل خمس شهور رحت غيرت له الرضاعات .. خذت رضاعات مذركير..



وغيرت له الحليب خذتله Nursi ماركه فرنسيه يديده .. الدكتور قالي انه رهيب ..



وماشالله عليه اللهم لاحسد .. خذ الرضاعه من أول مره شوي .. مره ع مره إلين ما اتعود.. ريحني ..

مرات عزيزتي نوع الحليب .. ومرات الرضاعه نفسها .. غيري إلين ما تلاقين الأنسب ..

بعدين بتنج صغيره اترومين اتعودينه ما تفهم وايد .. وانا ولدي كان خمس شهور .. :26:

بالتوفيق .. وادعيلي :27:

جربي good start ناسب بنتي كثير وما صارت ترجع منه
بالنسبة للرضاعة حتى أنا تعبت كثير حتى تعودت بس أبوها قلبه كبييير وقدر ما شاء الله عليها
لأني ولدت لوحدي وما عندي أحد غير زوجي