الله يرزقك بالذرية الصالحه ويقومك بالسلامه

شوفي أكبر غلطه في حياتي يوم نشرت حملي ماتميت بعدها إسبوع الا وانا يتحمدون لي

بالسلامه سقطت الله يحفظ لك بس لا تخبرين أحد الا بعد الخامس تمنياتي لك بالتوفيق

جزاكم الله خير واعظم لكن المثوبه على مشورتكن وانا فعلا سويت كذا بعد ماعرفت بالحمل على طول بشرت اخواتي كلهن وام زوجي وثنتين من خواته لان خالتي قالت لاتقولين لاحد الان قلتله الا بناتك فلانه وفلانه وهكذا تم وباركلي هالثنتين وبعدها باسبوع تقريبا لقيت حماتي زوجة اخو زوجي تباركلي بالجوال وقلت اكيد خالتي بشرتهم وفعلا رديت عليها اتشكرها وفي ختامها سالتها من بشرك قالت حد سسسسسسسي قلت وشلون قالت شايفه فيك حلم وفسره الشيخ انه حمل قلتلها طيب جزاك الله خير لايدري اي احد الان لاني كنت بلحيل تعبانه من الوحم وخايفه وكل شئ تدرون وش قالت لي قالت الخبر واصل مدى بعيد يعني الكل داري تقصد قلت الحمدلله معروف امه وابوه وعاتبتني لاني مابشرتها بنفسي وهي الي كانت تدعي لي دائما وانا متاكده ان كل خوات زوجي الكبار عارفين الخبر من خالتي وغيرهم كثير وحاز جدا بنفسي انهم ماباركولي ولاسالوا عن صحتي الا من بعيد لبعيد لان حنا وحمولتي عندنا دوريه كل اسبوعين مره وتغيبت كثير بسبب الوحم والتعب وانا متاكده انهم عارفين كل شي بس كل وحده تسوي روحه ماتدري عن شي وحماتي هاذي تقول الكل يخاف يباركلي لانه مابشرت احد بحملي شفتوا النكته يبونن امشي وابشر عشان يقولون ياحول فرحت ماصدقت بالحمل ولاشفت وحده منهن لما اتحمل تبشرني بنفسه الا ادري من غيرها ثم اباركلها ولا اعاتبها واسئ الظن فيها واقول متبي احد يدري ؟؟؟صح ولا لا ؟؟المهم فيه صديقه لي غاليه علي جدا ونحن على اتصال بالهاتف فقط وانا الان في بداية الخامس ولا خبرتها وعندي تانيب ضمير تجاه ذلك وهي بتولد بعد شهر انشالله واكيد بزورها انشالله وبتشوف كرشتي قدامي ماشالله واكيد بتعرف اني من كم شهر حامل ولا خبرتها وانا ناويه اعلمها اليوم اوبكرا وش رايكن ؟ وعندي زوجة اخوي من ابوي وجنبي في السكن وكانت بنت الحلال دايم تدعيلي بالحمل الله يجزاها خير وكنت دايم ازورهم وانقطعت فترة الوحم عنهم واتصلت علي وقالت وش فيك انا اقول انك حامل ليش ماتجين عندنا زي اول وانا ارد عليها بقول الله يسمع منك ويرزقني وانا ماعلمتها في البدايه لاني من زمان ماحملت وتعبت جدا في هاي الفتره وخفت على روحي وقلت اصبر حتى اكمل الرابع وخصوصا ان زوجة اخوي على طول تدري عن شي تنشره بسرعة البرق وكذلك ودي اعلمها هاليومين ونفس تخوفي من صديقتي اذا علمتها وشافت بعد كذا كرشتي بتعرف اني خبيتي عنها فتره وش رايكن ؟؟؟وبعد عندنا استراحه يوم الجمعه مع حمولتي وابطلع انشالله معهم بعد غيبه قصيره بسبب الوحم وانا بديت اتضايق فعلا من لبس التنوره ودكتورتي تقول البسي ملابس الحمل من اللحين عادي وانا بلحيل مستتتتتتتتتتتحيه وخصوصا ان اكثرهم صامت ماادري يدري عن حملي او مايدري والله محتاره وش رايكن واحيانا اقول اتصل على خالتي واسالها اذا خبرت كل بناته وحماتي الثانيه ولا لا عشان اكون مرتاحه اكثر لاني بصراحه اخاف احد يتفاجا بحملي وبسم الله علي يجيني شي لا سمح الله ..

ربي يتمملك على خير

الحمل بعد الشهر الرابع ما يتخبى خلالالالالاص

انتي اقري على نفسك و تعوذي و اتكلي على رب العالمين

ربنا هو الحامي .. لا تجلسين تفكرين وتحطين اعذار للناس ..

شوفي اختي

اذا احد سالك انت حامل قولي نعم
زالا ما يسال على راحته
واذا راح يعاتبك قولي ما سالتني وقلت لك لا
من سال عني قلت له
انا امي قالت لي كذا من سالك قولي له وما راح يسالك الا اللي يحبك ويتمنى لك الخير