a7la 7ayat

a7la 7ayat @a7la_7ayat

عضوة جديدة

عطوني شي ينحف ساااعدوني

علاج السمنة والنحافة

:26:

مرحبااااا
كيف الحال يابنات
والله مادري منين أبداااا
كرهت نفسي تقولون وحده عندها 10 ورعان
والله اللي مخلفين مو مثلي
أنا طال أعماركم وزني 87 إلى 90
يعني إذا نحفت مره 87 ويرجع ل 90 مو بسرعه بس انه يرجع
طولي 167
مشكلتي مو في الأكل هذا اللي اكتشفته من بعد بحث وتمحيص شديدين
مع اني ما أقصر بس اني ماني شرهه جدا
بس اني مااااحب اتحرك أبد ... جامعتنا كبيرتن جدن جدن وأمشي كثير من فوق خشمي
بس مااانحفت بعد ..
سويت رجيم قبل سنه تقريبا لمدة شهر وكنت أخفف جدا من الاكل وأرقص كل يوم
وامشي أحيانا في الحوش وأمشي عالسير وعالدراجه الثابته
نحفت بس مانزل وزني كثير يعني وصلت 87 ووقفت وطبعا تحطمت وكرهت أممممم الرجيمات
يمكن تقولون أهم شي الشكل بس أنا مو مشكلتي في خصري مشكلتي في أردافي
بس راحت الكرش والخصر كل شي نحف الا أردافي كرهتها
جسمي مره ما كأني بنت أحيانا يواسوني يقولون أنتي طويله مو واضح عليك السمنه جسمك مرتب
بس لاااااا أنا من بين البنات اللي حولي مو ماخذه راحتي في اللبس
ودي أكشخ واذا جيت البس شي قصير ولا بنطلون ضيق شوي
قاااالت أمي افصخييييه :eek: والله ملابسي كلها تنانير طوال وفساتين طوااال
صرت أمشي مع البنات مو يكفي اني اطول منهم لااااا طالعه كاني امهم
أدري ان قرقي واااجد بس من الحره ودي أفضفض
لا والمصيبه اذا ابي اوريهم اني سنعه قمت دخلت قسم الطبخ وماااخليت شي
احب اطبخ وطبيخه من قلب >>ماشالله علي لا اصك عمري بعين
بس وش ابيييييبه الطبخ مابيه ابي انحف أنا مابي اطبخ
أمي وخواتي بيذبحوني أصغرهم وأسمنهم
مره وحده من الحريم ماشافتنا من زمان
قامت قالت ام فلان شلونتس قصدها اكبر خواتي ومن حقها والله جسمي تقولون أم خواتي مو أختهم الصغيره
مااادري شسوي بعمري مو قادره أمشي على نظام أبدا حتى امي نحفت مع ان معها غدد وسكر وارتفاع في الكوليستول وموسهل تنحف بس انها نحفت وصار وزنها اصغر من وزني
والله مو قادره اتهنى باكل ولا تمشيه حتى في السوق يقولون ياخاله ولا يامدام
وفي السياره كنت مع اخوي راكبه وقال السكيورتي دخل الوالده من هنا واااااااء مو قادره أم التحطيم والله
مع كذا نفسي عنيده مو قادره اسوي رياضه ولا رجيم
بالله سامحوني على كثر القرق بس مااااقدر لازم أحد يفهمني
أبي حل عطوني شي مو نظام لان صعب علي
اي حل نفع معكم علموني وبالله كيف اشد الهمه وانحف
عرس اخوي في الصيف الجاي ولازم انحف قبله بأي طريقه

الله يسعدكم وينحفكم للي تبي تنحف ويسمن اللي تبي تسمن
وسامحوني مره ثانيه على كثر القرق

:26::26::26:
9
6K

يلزم عليك تسجيل الدخول أولًا لكتابة تعليق.

تسجيل دخول

أمـــاسي
أمـــاسي
الله يساعدك حبيبتي اشربي الشاي الاخضر يوميا مجرب

في وحده معنا صار زمان ماشفتها واستغربت لما شفتها اخر مرة ضعفت كثير والسبب الشاي الاخضر واتوقع مفعولة سريع الله يساعدك
وفاء25
وفاء25
أختي الكريمة ما في شئ مستحيل مع الارادة والاتكال على الله اهم شئ راجعي دكتورة حتى تتاكدي ما فيه كسل بالغدة الدرقية لا سمح الله لأنها تسبب السمنة وباذن الله ما يكون فيه سبب صحي ساعتها عليك بالرياضة وتخفيف كمية الطعام وابتعدي عن الحلويات والدهون والسكريات وقللي من النشويات واعتمدي على الخضروات والبروتينات النباتية واستبدلي الفواكه بدلا من الحلويات واشربي ماء وتحركي دائما ولازم تمارسي رياضة لمدة نصف ساعة يوميا بس طبعا ابتدي بالبداية بربع ساعة ثم زيديهم شيئا فشيئا وباذن الله هتلاقي الدهون والوزن بينزل بسهولة وعن تجربة انا نزل وزني بهذه الطريقة بمجرد اني خففت طعامي وتحركت وعمري ما أخذت لا خلطات ولا دواء ولا كريمات فقط الاهتمام بكمية الطعام ونوعيته وصدقيني هتحسي بشعور جميل جدا بالرشاقة وفعلا هتحسي انك بتباني أصغر ودائما تخيلي نفسك وانت رشيقة وكم ستستمتعين بالصحة واللبس والرشاقة والحركة الخفيفة وهيكون دافع معنوي لك ولكن المهم حتى لو في فترة من الريجيم لم تضعفي لا تيأسي استمري اعتبريه نظام حياة وربنا يوفقك ويقوي ارادتك ويعينك
جموله القلب
جموله القلب
الله يعينك ابشري زنجبيل طازج وحطيه ف ثلاجه وصبي عليه مويه حااااره واشربيها طوال اليوم يمدحوووونه
lola ola
lola ola
حبيبتي جربي رجيم دشتي مره حلو وتقدري تاكلي الحاجت الي انتي تحبيها بس يبغالوا شويه صبر
الله ينحفك وينحفني من غير شر
a7la 7ayat
a7la 7ayat
الله يسعدكم يارب
والله يوم سويت رجيم قبل سويت زي ما قلتي ياوفاء وقلتلك مانحفت كثير
ورجيم دشتي صعب ما أقدر عليه
والشاي الأخضر بعد ماينحفني ابدا لأني أحبه وأشربه دائما بس مانفع معي
والزنجبيل يخرع بصراحه في وحده من قرايبنا سوى فيها الهوايل
كانت تشربه ونحفها لكن سوى مشكله في أرحامها صار عندها زي النزيف
الدم مايوقف الا بحبوب صرفتها لها الدكتوره يعني الدورة مستمره عندها ياحياتي
شفتوا كيف من جميع النواحي مقفوووله يارب فرجها علي
وعلى اللي مثلي يارب