عطوني عيدي ..صفحة الذكريات...ادخلوا.

كل عام وانتم بخير .
وعطوني عيدي عادة عليكم..
اتمنى من الجميع يذكر لنا ذكرياتة هو والعيد والمعايد أيام الطفولة
وكم كان يجمع في العيد وين يروح بختصار ذكريات العيد بفصولها الجميلة يعني نخليها صفحة الذكريات.
وراح أبدأ أنا بما أني صاحبة الفكرة..
طبيعي أيام العيد حلوة لها مفعولها السحري بداخل نفوس الجميع كبار وصغار..زمااان يوم كنت صغيرة ولمان يقرب العيد كنت اسمع الأهل وهم يقولون بكرة بيجي العيد ..مدري وشلون كان يتخيلي أن العيد انسان وبيزورنافي البت وبسلام علية ومن ذا السوالف ..المهم ينتهي العيد وأنا مزعجة الأهل ليش العيد بعده ماجانا..وليش ماشفته ..ولمان يقولون أنها جاء اقعد ابكي ليش ماصحيتوني عشان اشوفه والسلام عليه:32: يحليلي من صغري وأنا ذكية.:32:
...............
ومن مواقفي في العيد..اذكر أني أول سنة لبست فيها العباية ..كنت متولعة بحاجة أسمها معايد..يعني اروح اعيد على الجيران أخذ كاتبة الله منهم ويوم تغطيت كانو الأهل بيحرموني منهالكن الوالد الله يطول بعمره انشاءالله قال ماعليك فيهم روحي ..وروح بعبايتي والشنطة حقت الصغار معلقة على الكتف الشكل شكل حرمة والعقل عقل بزر:32: وكل ماأطق على أحد من الجيران يستغرب شكلي عاد أنا من فلاحتي أقول أنا بنت آلفلان عشان يعرفوني ..عاد أهم يعطوني عيدية أكثر من اصغار الي معاي "سبع فوائد" والله كانت طرارة على مستوى مهذب:32: أيام حلوه وش رايكم يمديني أسويها اللحين ولا فات على.
..كمان عندي عم جني عصبي دينه ودين الي تطلع بالشارع..المهم رحت مه بنات الحارة أعيد متكشخة وشحليلي..المهم أول يوم سلمت الجره وعيدت صح ..لكن ثاني يوم صادني عمي في الحارة الي جنبنا عاد أنتم خابرين وش الي صار لي بعدها..... آياااااام لاتنسى ولمان الحين وعمي يذكرني بها الموقف مدري وش قصده:32: