حبيت الموضوع ❤️

هلابك ملوكة
تقصد متفائله اعتب عليك انك لعنتي في وصفك للطبخه )) لأن اللعانين لايكونون شفعاء ولاشهداء يوم القيامه فقط..
بالنسبه لي >> موضوعك جميل🥰🥰
افضّل العجن بـ (فيتا)
فالجبنيه بدال التشدر او الكرفت يعطيها نكهة جميله
الحشوات تضيفين لها منكهات مثل الكاري يعطيها طعم رائع ومختلف
💖🌷

مساء الجوري والكادي 💜
لعبتي اسرار الطبخ😉
الكبسه اسويها بأكثر من شكل
بس الشي الاساسي
انقع الرز بمويه حار مدة ساعه او اقل بشوي
اسلق الرز بشوية مويه مع ملح وزيت
وعود قرفه وحبتين هيل وحبتين قرنفل.
سلق فقط.
اضبط كشنه اللي هي
بصله كبيررره واكشنها مع الزيت
وحبتين ثوم. وحركها معهم
وفلفل بارد حلقات. اصفر واخضر واحمر
او على حسب الموجود وحرك الكشنه
لماً يوصل يتكرمل البصل
بعده اضيف البهارات
وحبة قرفه
وحبة ليمون اسود بس انتبهي ماتكون مفتوحه
وحبتين قرنفل +حبتين هيل
وثلاث حبات فلفل حار ورشة ملح
احركه شويه وخلاص اكون مقصره النار
على الرز المسلوق
اضيف الكشنه هذي فوق الرز وهو مقصر عليه
واغطي القدر واتركه عادي
لو مااغرف إلا بعد وقت عادي مقصر عليه
قوووووه. الرز بيسحب ريحة الكشنه لكل الرز
ويطلع الطعم رووووووعه
اذا قربت اغرفه احرك الاطراف بالملعقه
واخلي الكشنه تتوزع بالرز كله ،،
كثير كثير قالوا لي رزك روعه يشبه طبخ
مطابخ المناسبات الكبيره ☺️
وهذا هو السر.
السر بطبخي ماحب المويه بالاكل
يعني الخضار اقطعها ناعم واقلقلها بزيت
بعده اضيف عليه البصل والبهارات.
الكشنه ماحب اسويها بداية اي طبخه
جربي طريقتي بالرز واحكمي 😘

موضوع اكثر من رائع تسلمي ع الطرح
خلطه الباشميل احط معها نص ملعقه سكر او اقل يعطي نكهه جنان
رغوة الكابتشينو اعملها في علبه موية الصحه ملعقتين قهوة نسكافيه وربع فنجان مويه وارجها وتصير رغوه
البطاطس اغسله تمام وانقعه بمويه بارده وخل لو ربع ساعه يصير مقرمش
الدجاج اغسله بدقيق وملح بعدها بشويه مويه وخل كل الزفره تروح
لنكهه افضل في اكثر بصل مع اللحم اوالدجاج
البهارات استخدم الفلفل الاسود والبابريكا يعطوا نكهه جنان واحيانا كزبره وكمون
اطحن كميه من الرز طحن خشن عشان يستوي اسرع اذا جيت بسوي رز بالحليب وعشان لااحط نشا

عشان يطلع الرز نكهه كثري حمسة البصل


عشان يطلع الرز الابيض طعم حطي ملعقه صغيره ماجي ابيض اسمه اجي
حطي مع الباميه كزره بعد ماتستوي وطفي عليها
اليمون الاسود يطلع نكهه مع الرز والكشنه