** (( عــــــــــــالــــــــم الـــــنصــــــب ))**

هلالالالا والله وزايد غلالالالالا

ويالله انك تحييهم

نخش بالموضوع بسرعة قبل ليعلق الجهاز لاني تعقدت كل مااجي برسل الموضوع يعلق

00000000000000000
عالم النصب عالم لايقل اثارة عن عالم الجن >> امحق تشبيه

كلاهما عالم ممتع وغريب ومثير >>>> ماسكة الفصحى معي خخخخخخخخ

ويوم كنا صغار على قولة فيروز ( ترا مالها دخل فيروز بس عشان تدرون اني مثقفه )
كانت الارانب بريئة براءة الطفولة وان اختلفت اشكالها ، أقوى الأرانب كانت قصة حسين اللي طاردوه الدوريات إلى حدود الكويت وضيعهم هناك ورجع ! هذا غير قصته لما عرضوا عليه " الامريكان " يمثل معهم أفلام مطاردات !
الغريبة ان النصبات القوية زي هذي ماعاد نلقا مثلها ..

الظاهر ان اللي كان يطلعها شخص واحد .. ومات

عند بعض الناس الارانب لها طعم مختلف لأن العملية تأخذ عندهم شكل الاحتراف ّ فتجد الحبكة والابداع في الوصف ، ويأخذ كلامه طابع الجدية وخاصة إذا كان مستمعيه أصغر منه سنا بفارق كبير !
هذا غير إن بعضهم عشان تصدقهم يسندون رواياتهم إلى شهود حضروا القصة ويذكرهم بالاسم ولكن الصدفة الغريبة انهم كلهم متوفين الله يرحمهم ويغفر لهم

يالله اللحين بناخذ لنا جوله مع بعض النصبات القووووووووووية بس لاتنسون ربط حزام الامان >>>>> اخاف تطيرن من قوتها ودعوا القياده لنا >>>> حافظته وبكشخ فيه

1 - من أشهرها والظاهر محد ماقال انها صايرتن له ..
قصة الرجل اللي خلص البنزين من وانيته في البر فقعد يتحرى لين شاف له طيارة وصوب عليها بالشوزن وضرب التانكي فلما بدا يخر أخذ طاسة وقعد يلاحق البنزين حتى ملا سيارته ولما مشى بها شوي بدت في الطيران .. شيء طبيعي لانه معبيها بنزين طيارات
************************
لكن من أجملها قصة ذاك الشايب اللي استنكر جحدة الشباب له في المجلس وتضايق من تجاهل سوالفه لانهم مشغولين بمشاهدة برنامج عن الديناصورات فاستغل فرصة للحديث وقال لهم : ( والله ياذالديناصور اللي تشوفونه اننا لاقين بيضته في القويعية و ان الرجاجيل راقين عليها بسلالم وشاقينها من فوق ، وانهم يغرفون منها بسطول فوالله ان الربع ياكلون منها شكشوكة 30 يوم ) الجميل انه كان من بين الوجود شاب يحبه قلبكم اشتهر بالعيارة وسرعة البديهة فقال : ( سبحان الله !! والله اني كنت بزر واذكر اهل ديرتكم جايين عندنا يوم كنا ساكنين في الخرج واشتروا كل الطماط اللي زرعناه ذيك السنه عشان يصلحون الشكشوكة ) .. خخخخخخ

************************

وهذا واحد اول ماطلعت السيارات الاتوماتيك وشرى وحده وبيمدحها عند الشباب
يقول انه كان بيسافر وسهران طول الليل ويوم طلع من الرياض وهو يحط راسه
ويجرها نووووومه وماصحى الا والسياره موقفه قدام باب بيته >>>> توماتيك حتى البيت
تدله خخخخخخخخخ

***********************
<< البطل اسمه جبرتي >>
يقول جبرتي مره طالع للثمامه
كان الجو برد مره وثلج
يقول الثمامه بيضاء من الثلج
قلت مهيب الرياض صارت بيروت
قال بردت انا والشباب قلت لهم ابروح اجمع حطب
يقول طبعاً كنت متلثم من البردواحصل ذيك الجذوع
وانا اقعد اجمع منهن يوم طلع لي
اسد
قلت له اسلم
قال صطرني الاسد كف
قت بقلبي ليته اكلك وفكنا
قال يوم صطرني انفكت اللثمه
وطلع وجهي
عاد الاسدانلخم يوم شاف وجهي
وقال اوووووووووووووه
جبرتي
معليش ما عرفتك
تكفااااء سامحني
يقول يوم شفته يتعذر وحسيت انه ما كان قاصدها
سامحه
قلت لو هوما اعتذر وش كنت تبي تسوي
قال كنت ابجرب به كل الحركات الي شفته بالمصارعه
قلت لا تخلينا يالقوي

*********************

البطل اسمه << خل خل>>

اهم شي يقولك خل وخل مره شاري تيوس
من جده ويبي يروح يبيعهن بسوريا (وأنا اخبره العكس)
أهم شي رطب التريله حقته تيوس وراح لم سوريا
والله يوم دخل سوريا ويناظر
والا قدامه موتر مبنشره
وبالسياره مره
قال ياولد خل اوقف واساعده
والله ويوقف الرجال
قال يوم نزلت
وتنزل هي قلت هه
سميره
قلت انا منهي سميره
قال سميره توفيق
قالت هي هلاااااا والله خل وخل
اخبارك وشلونك وعلومك
قال وينك مبطين ماشفنا طلتك الحلوه بالتلفاز
قلت انا تلفاز ياسيبويه
قالت والله مشاغل
قال خل وخل لسميره فزعه شي
قالت له تسلم والله صباح راحت تجيب البنشري
قال خل وخل والا صباح معك وينه الشحروره مبطين عنه
قالت سميره الحين تجي
يقول اخذنا لنا شوي والا صباح جايه ومعه البنشري
يوم شافتن صباح والله وتقول هلا والله بخل وخل وينك مبطين عنك يالقطوع
عاد قال خل وخل للبنشري رح انا ازين السياره
ويزين الكفر يوم قضاء لزمن عليه انه يتغداء معهن رفض
وقال معي ذا التيوس ودي اوديهن للسوق وابرجع لعنيزه علي الطلعه الليله
قالن له على راحتك ولا تحرمنا من هالطله
قال مالكن هم
يقول واشغل العربجيه وادعس
يوم اخذت لي شوي والله واسمع مرادح بالصندوق
والتفت والقاء التيوس متسدحات الا اثنين
واوقف وانزل
ابشوف وش السالفه
واناظر التيسين الحيات ولهن لابسات كمامات مثل الي يلبسونهن حقين الغطس
قلت بس
شكل ذولي ماتن من السرعه ما يمديهن يلقطن ذرات الاكسجين
قلت مهيب عربجيه
وين ناسا عنك
ناسا للعرابجه الي ما عندهم اي معلومات
حقت الفضاء الامريكيه
يقول وانا احمد الله على كل حال
واركب التيسين معي قدام بالغماره
وارجع ابيعهن بجده وارجع لعنيزه

*********************

يالله نبغى كل وحده تقول لنا نصبه من نصباتها القويه خخخخخخخخ

لالا نبغى كل وحده تقول لنا اقوى نصبه سمعتها

واتمنىىىىىى الموضوع يعجبكم

جمع واعداد :: اموووووووله >>>>>> اطلق من منقول خخخخخخ

بس للامانه القصص نقلتها من مواضيع مختلفه