عـنـدمـا تـبرأ آهلي مني >> تهئ

الترفيه والتسلية

سـالخيـر
وش اخباركم وش انتم مسوين
ان شالله بخيرات


مانيب مطوله بذا المقدمات اللي مدري وش تبي
وعلى قوله المثل : هات ماعندك وورنا عرض اكتافك --> يازينتس ساكتة


---------------------------------------------------

في احد ايام البرد القارص وبالتحديد يوم الجمعه الجاي
ذلك اليوم كان يوماً ماهو بصاحي
كان يوما لازالت احداثه تهفهف في ذاكرتي
لم ولن اداة جزم ونصب هع :biggrin:
لن ولم انساه مهما حييت

كنت حينها متلحفة وخامده عالمطارح بالمقلط وجالسه احلم اني اكل بعير عالفحم
وبينما انا اكل واكل فجأة شبعت
وتحلف علي امي اكل الكبده ويوم اني اكلها واغص باللقمه واقعد اكح واكح واكح واكح
واكح واكح واكح -- علق الشريط -- واكح واكح واكح --> اخلصي

وفجأه --> ياكثر المفاجات

صحيت من النوم وانا اكح واناظر كذا إلانص المخده مختفي وبفمي كومة قطن
اثرا هذي هي كبده البعير
صحيت وانا لا اخفي عليكم اني ميته من الجوع وبطني داخل بظهري وصايره كني مسطره
والسعابيل ناشفه على خدي اليمين

جلست واناظر الساعه الا وهي ثلاث وربع العصر وانط اروح للمغسله اغسل وجهي إلا الماء بارد
بس قلت مافي داعي اغسل وجهي اصلا هو نظيف --> ماتغسل وجهها الا كل عيد



المهم اني طلعت الصاله اناادي امي

انا : يماااااااااااااااااااااااااااااه الصدى : يمااااااااااااااااااااااااه
انا : يماااااااااااااااااااه الصدى : يماااااااااااااااااااااااااااه
انا : يماااااااااااااااااااااااه الصدى : يماااااااااااااااااااه
انا : وينننننننننننننننننك الصدى : بالسسسسسسسطح ح ح ح ح

واروح ارقى للسطح
على فكره انا والصدى صداقه من خمس سنين
المهم مالكم باطويله دخلت السطح اثراهم فارشين والشاي والقهوه والحلا

وأجي اجلس معهم وامسك براد الشاي واصب لي بس طلع مخلص
فصبيت لي قهوه واجلس اشرب فنجان اثنين ثلاثه عشره خلص البراد
ونجيب ثاني وثالث ورابع ابتدائي هع :freak6:

وتقول امي : ميرندا انا وابوتس نبغاتس بكلمه راس
انا : ابتسمت ابتسامه تقول من خاطبني
ويقومون اخواني ويطلعون برا السطح
تسان امي وابوي يناظروني
وانا مسويه فيها مستحيه يعني وكني مادري وش السالفه

تسان يقول ابوي : مرندا انا منيب ابوتس
انا : ( صوره واحد يحك راسه بأصبع رجله الكبير )
امي : ولا انا منيب امتس
انا : افا بذا السهوله تبريتو مني
ابوي : اسمعي طال شعرتس . قبل ثمن طعش سنه طلعت مع امتس شهر العسل للثمامه
وفرشنا تحت شجره .. وجالسين نتبادل الحديث ونتسامر ونتضحوك وننكت ونشرب الشاهي والقهوه
انا : ورا ماتخلص
ابوي : سمي طال عمرتس . بختصار تسذا سمعنا صوت بزر يصيح وندور وندور ونلقى شئ داخل خيشه
انا : اكيد بصل
ابوي :لا وانتي الصادزه لقيناتس انتي.. وناخذتس ونربيتس لين كبرتي
انا : ( وجه يقول كثر لي منها يابو الشباب )
امي : وعيالي اللي هم ماهم اخوانتس كبرو ولازم تتغطين عنهم
ابوي : عشان كذا قررنا نرجعتس مكان مالقيناتس .. وان كان اهلتس يبغونتس يجون ياخذونتس

انا : وان كان مايبغوني اصير جيفه تأكلها الذئاب في صحاري المملكه
طيب ودوني ذاك مدري وش اسمه حق اليتامى ودوني اي مكان لاكن البر لا والف لاااااا
وامي وابوي مصرين على رأيهم
غيّر .. بدل ... ابداً.... ولاتحاولين


ياللهول

ماذا جرى

ماذا حدث ---> تكفين ارحمينا تأثرنا بالمره

لماذا فعلو امي وابي هكذا

لماذا

ماذا حصل بالدنيا

آآآه

(( ثم انبطحت على الارض وبدأت الجماهير تصفق بقوه لهذا المقطع المؤثر ))

وانا اللي من اليوم اتابع مسلسل اللقيطه وآكل اظافر رجولي
كان حاس قلبي ان في شئ مشترك بيني وبينها ....








يـــتـبـعٍ ــعٍ ــعٍ
17
3K

يلزم عليك تسجيل الدخول أولًا لكتابة تعليق.

تسجيل دخول

الصالحات
الصالحات
ههههههههههههههههههههه

الله يرجك

صار((دروب ريمي))
ميرند1 فر1وله
ميرند1 فر1وله

بــأإأإأك


وماهي الا دقايق ونركب السياره متجهين لمكان قريب من الثمامه
مكان حول المصلخ القديم اللي تخبرونه --> ايه خلاص عرفتوه

وفجأه تنزل امي وتفتح علي الباب وانا متمسكه بالحزام --> على طاري الحزام طول عمري اسميه حزام " الامال " :hahaha: -->والله من الدلاخه

المهم واقول * لاااااااا يا امي تكفييين الرحمه
* والله اني احبتس في الله
وهي تسحب وانا متمسكه وتسحب لين انشق البرقع

* يابنت الحلال من صدقتس بترميني في البر --> انا ادري عنتس انتي وذا السالفه

وهي لازالت تسحب --> اخلصي تكفين

وتسحب

وتسحب

الين نزلت برضاي --> كثري منها بالله

وحطوني جمب جحر ضب

طلع الضب يناظرني كان يقول : وش جايبك هنا
قلت : اللي جايبك :cool:
قال : وخري بعيد عن بيتي كنك بنت قلوبه انتي وبرقعتس وخرري لا اسطرك
قلت : تسانك ابن امك تجي جمبي
ويوم انه يقرب واعطيه كف ويعطيني بوقس وادعس على عكرته ويدعس على طرف عباتي وصارت معركه حاميه :024:

انتهت بإنتصار أحد الخصمين--> باللهي
واجمع ماتبقى من شحاطتي وشيلتي وحوستي واروح اتظلل تحت شجره

واغمض عيوني واجلس استعيد الذكريات الماضيه يوم كنت ببيت اهلي سابقا

اتذكر كيف كنت اسطر اخواني يوم ياكلون ليز بالجبن اللي جايبته من المدرسه وبخليه لبكرا

كيف كنت بعز الظهر احط فيري بالحوش واتزحلق عليه ويدخل ابوي من الشارع ويتزحلق على راسه
ويصير به ارتجاج

كيف كنت اخض الببسي وافتح بوجه الخدامه يدخل بخشمها ويطلع من اذانيها

آآآآآآآآآآآه يادنيا :icon36:
الان لايوجد سوى الذكريات تغطيها رمال الربع الخالي الذهبيه

وصرت اررد :crap:

الا ليت الشباب يعود يوماً
تجري الرياح من ورا خشومنا


=====================================================

بعد مرور ــــــــــــــ 60 عام ـــــــــــــــــــــ

هذي هي ميرندا ترعى الغنم :icon32:
تعيش في خيمه شعر متواضعه بها قليل من خبز التنور والهت دوغ
لديها 25 رأس غنم وناقه تتنقل عليها
تعشق التزلج على الجليد
وهي تعيش حياة هادئه وهنيئه لايعكر صفوها ابن امه
على فكره لايزال لهذه العجيّز امل انها تعرس
-----------------------------


مايستفاد :-
* نام بكير واصحى بكير وشوف الصحه كيف بتصير

* دراسه جديده تقول ان القهوه مفيده للبشره

* ترا اسمه حزام الامان ماهوب الامال

* عندنا استراحه للبيع بالثمامه للجادين ارسال رساله خاصه




سي يووو
cassandra
cassandra
بــأإأإأك وماهي الا دقايق ونركب السياره متجهين لمكان قريب من الثمامه مكان حول المصلخ القديم اللي تخبرونه --> ايه خلاص عرفتوه وفجأه تنزل امي وتفتح علي الباب وانا متمسكه بالحزام --> على طاري الحزام طول عمري اسميه حزام " الامال " :hahaha: -->والله من الدلاخه المهم واقول * لاااااااا يا امي تكفييين الرحمه * والله اني احبتس في الله وهي تسحب وانا متمسكه وتسحب لين انشق البرقع * يابنت الحلال من صدقتس بترميني في البر --> انا ادري عنتس انتي وذا السالفه وهي لازالت تسحب --> اخلصي تكفين وتسحب وتسحب الين نزلت برضاي --> كثري منها بالله وحطوني جمب جحر ضب طلع الضب يناظرني كان يقول : وش جايبك هنا قلت : اللي جايبك :cool: قال : وخري بعيد عن بيتي كنك بنت قلوبه انتي وبرقعتس وخرري لا اسطرك قلت : تسانك ابن امك تجي جمبي ويوم انه يقرب واعطيه كف ويعطيني بوقس وادعس على عكرته ويدعس على طرف عباتي وصارت معركه حاميه :024: انتهت بإنتصار أحد الخصمين--> باللهي واجمع ماتبقى من شحاطتي وشيلتي وحوستي واروح اتظلل تحت شجره واغمض عيوني واجلس استعيد الذكريات الماضيه يوم كنت ببيت اهلي سابقا اتذكر كيف كنت اسطر اخواني يوم ياكلون ليز بالجبن اللي جايبته من المدرسه وبخليه لبكرا كيف كنت بعز الظهر احط فيري بالحوش واتزحلق عليه ويدخل ابوي من الشارع ويتزحلق على راسه ويصير به ارتجاج كيف كنت اخض الببسي وافتح بوجه الخدامه يدخل بخشمها ويطلع من اذانيها آآآآآآآآآآآه يادنيا :icon36: الان لايوجد سوى الذكريات تغطيها رمال الربع الخالي الذهبيه وصرت اررد :crap: الا ليت الشباب يعود يوماً تجري الرياح من ورا خشومنا ===================================================== بعد مرور ــــــــــــــ 60 عام ـــــــــــــــــــــ هذي هي ميرندا ترعى الغنم :icon32: تعيش في خيمه شعر متواضعه بها قليل من خبز التنور والهت دوغ لديها 25 رأس غنم وناقه تتنقل عليها تعشق التزلج على الجليد وهي تعيش حياة هادئه وهنيئه لايعكر صفوها ابن امه على فكره لايزال لهذه العجيّز امل انها تعرس ----------------------------- مايستفاد :- * نام بكير واصحى بكير وشوف الصحه كيف بتصير * دراسه جديده تقول ان القهوه مفيده للبشره * ترا اسمه حزام الامان ماهوب الامال * عندنا استراحه للبيع بالثمامه للجادين ارسال رساله خاصه سي يووو
بــأإأإأك وماهي الا دقايق ونركب السياره متجهين لمكان قريب من الثمامه مكان حول المصلخ...
هههههههههههههههههههههههههه الله يرج عدوتس :42:

والله اني مت الضحك :hahaha:

وسعتي صدري الله يوسع صدرك بالعافيه

:26:
عهود الصغيره
عهود الصغيره
هههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههه
دموعى نزلت من الضحك
بــراءة طفل
بــراءة طفل
ههههههههههههههههههههههههههههههههههه