الدعاء ثم الاخذ بالاسباب اذا نفسيتك كويسة اهم شي

يختي انتي مشكلتك تغذذذذذذذية عالجي من داخل يتعالج من الخارج اشربي ب اليوم ست أكواب موية ابعدي عن السكريات و استبدلي السكر ب ملعقة عسل احرصصصصصصي كل الحرص ع الفواكه و الخضار و نصيحة مني لكككككككك داومي على هالمشروب اذا انك مو حامل او مرضع👇🏻(ملعقة صغيرة زنجبيل طازج مبشووور ، ملعقتين كبار بقدونس طازج بدون فرم فقط فككي اوراقه من الغصن نفسه ، و كوب موية ، خليه ع النار و يغلي غلية وحدة فقط لا تخلينه يغلي كثير ) صفي المشروب و اشربيه و لو حبيتي تحلينه استخدمي العسل مو السكر ، و ادعي لي👌🏻اشربيه يوم و يوم لا احرصي ع شرب كوب عصير برتقال و برضو لا تستخدمي السكر بشرتك سوي لها بخار من البيت مو شرط تروحين صالون و في نفس الوقت اللي تسوين فيه البخار اعصري الأماكن اللي فيها الرؤوس السوداء و احرصي انو كلللل يوم قبل النوم اغسلي وجهك ب اي غسول و جففيه زين و ادهنيه ب قطرتين زيت زيتون > وانصحك ب غسول (غارنيه او بوندس او كلين اند كلير ) و خذي اللي يناسب بشرتك اذا حرصتي على ذي كلها بيتغير جسمك و بشرتك و شعرك و ادعي لي 👌🏻✨🌺🌺

بقولك شي مفيد للشعر وفي متناول الجميع زيتي شعرك زين بزيت جوز الهند ( النارجيل ) بعدين حطي فوق الزيت حنا (مويه وحنا =عجينة حنا )اذا كنتي ماتعرفين وخليها في شعرك ست ساعات اقل شي راح ينعم شعرك ويكثر وتروح القشره الحنى ينظف فروة الرأس اظن هذا الشي مو مكلف ::::؛جسمك ادهنيه في الليل كامل بزيت زيتون او زيت لوز سعره ١٥ ريال والصباح اغسليه بصابونة البابايا سعرها سبعه ريال او خمسه مو متذكره قبل تروشين سوي خلطه ملعقة نشا وشوي موية ورد وربع ملعقة عصرة ليمونه اخلطيها وافرديها على كل جسمك خليها ساعه وتروشي يدينك ورجولك دايم رطبيهم بكريم جليسوليد في البقاله سعره ثمان ريال وجهك استعملي له كركم ملعقه مع شوي مويه وخليه نص ساعه واغسليه استعملي الصابونه المغربيه اقل شي في الشهر مره طريقتها موجوده في النت سعرها ١٥ ريال تقشر طبقات الجلد الميت اهتمي بترطيب الركب والاكواع وشيليهم حلاوه لان الحلاوه تنعم الركب وتشيل القشور اهتمي بتفريش اسنانك يوميا مارسي رياضه مشي آكلي اكل صحي برتقال تفاح عموما خضروات وفواكه الموضوع بسيط لو طبقتي اللي قلته على الأقل في الأسبوع مرتين بتشوفين الفرق كل الاشياء اللي قلتها لك رخيصه وموجودة في كل بيتمو لازم عيادات ومصاريف جربي وراح تشوفين الفرق

ماشاء الله البنات ماقصروا الله يجزاهم خير

لازم يكون عندك ثقة بنفسك مهما كان شكلك انظري في المرآة كل يوم وابتسمي، حيث تشير بعض الدراسات إلى ما يسمى ب "نظرية ردود فعل الوجه" أي أن تعبيرات الوجه يمكن أن تؤثر بالفعل على دماغك لتعزيز بعض العواطف ، فالنظر في المرآة والابتسام كل يوم، قد يمنحك ذلك الشعور بالسعادة و الرضى عن نفسك و تزيد ثقتك بنفسك على المدى الطويل واهتمي بنفسك وبتغذيتك استخدمي فيتامينات،خلطات وكريمات،وصدقيني اذا انتي ماتعززين ثقتك بنفسك وتكوني ايجابيه وتبعدي عن النظرة السلبيه لنفسك الكل راح يشوفك بنفس نظرتك ،الله يسعدك ويعطيك اكثر مما تتمنين