لا تعطون عيالكم عسل الا من سنه وفوق:26:

اهلا معتصمة .. شخباركم .. ترى احس اني اعرفك من كثر ما اتابعكم في المغتربات الله يردكم سالمين غانمين يارب ..

شوفي حبيبتي ..
سوي لها علاج طبيعي .. كيف ؟؟

تنيميها على بطنها فوق مخدة بحيث ان راسها ووجها يكونوا تحت شوية يعني المخدة تصير عند صدرها تقريبا وتحاولي ان وجهها يكون على جنب طبعا تحسبا للاختناق ...
سوي ايدي قبضة الملاكمة ..
وابدأي تضربيها على ظهرها وعلى الجنبين منطقة الرئة ضربات متوسطة .. ( مو تكسري ضلوعها )

وتعملي نفسك تكحي علشان تشعيها هي بعد تكح وتطلع البلغم ..

سوي لها مرتين في اليوم ..

وان شاء الله ينفع معاها ..
وحاولي تسويه بعد ما تاخذ حمام دافي علشان الشعب تكون متوسعة وتقدر تطلع البلغم ..

وسلامتها يارب ما تشوف شر

flower2005
شاكرة لك بالنسبة للعسل تعددت المقولات حوله ولاندري أيها الصحيح

أم الجود
وشرف لي معرفتك بي وتعالي شاركينا يا الطيبة في ملتقانا
والله يسلمك لعلي استطعت تنفيذ استشارتك

هلا أختي المعتصمه بالله حبيت اقولج عن وصفه للبلغم انا بس من يومين مجربتنها والحمد لله وايد نفعت بنتي وراح أقولك السالفه من أولها واستحمليني شوي انا لما قريت موضوعك عملت بحث في المنتدى وكنت ناويه ارد لك بس انشغلت لأن بنتي اللي ما كملت الشهرين جاها زكام!! وثاني يوم جتها كحه شديده ومع بغلم وخفت عليها لصغر سنها وعدم تحملها الأدويه المهم نصحتني وحده جزاها الله ألف خير اني اجيب المستكه واطحنها واحط عليها زيت السمسم وادهن صدرها وظهرها وكمان رقبتها ومن أمس وانا أدهن الها والحمد لله رب العالمين البنت تحسنت كثير والكحه خفت حتى البلغم لأنها كانت ترجع الحليب ومعاه بلغم بس الحين لا وانتي جربيها وان شاء الله تفيدك مثل ما فادتني ........وبصراحه ما جاني نوم لين جيت اكتب لك الوصفه لأنك كنت في بالي ..والحين راح أروح اتسحر .......وألف سلامه لبنتك

قولي امين الله يخليها لك ويفرح قلبك بصلاحها على اهتمامك يا الطيبة
المشكلة المستكة ما اعرفها لكن ابحاول ادورها في البقالات العربية
وعسى القاها ويعرفونها بعد