علشان ما تتفشلين وتعرفين طريقة الاكل في البوفيه المفتوح

السلام عليكم ورحمة الله وبركاته




كيف تتصرفين اذا كان العشاء بنظام البوفيه المفتوح ؟؟؟؟؟؟؟؟؟؟؟؟


** روحي للبوفيه وخذيلك لفه بسيطه على الاطباق الموجوده من غير ما تاخذين معك شيء
.......( يعني تعرفي على الاكلات والاطباق الموجوده ......) .

** روحي لم ركن الشوربات ( الحساء , الايدام , المرقه ) تلقين صحن مخصص ( باديه )
...... اغرفي لك من اللي تبين وخذي لك ما تيسر من الخبيزات :cook:.... ويالله على الطاوله ...
الباديه قدامك .... والله لايهينك فيه على الطاوله منديل كبير افرشيه على فستانك وارفعيه
الين ياصل رقبتك ..( وانت ترفعينه لا ترفرفين به كنك بتنشرين شيله ) :o..... يعني بشويش
... حطيها على صدرك .... وشوفي الملعقه قدامك ( كانها مكفنه هي ويا السكين والشوكه )
ولا اوصيك .. شوي شوي .. وبالراحه وسولفي .... ولا تستعجلين ما فيه شيء بيخلص...

** قومي الله لايهينك وروحي لركن السلطات..... وشوي وشوي خذي اللي تبين ولا تركمين
فوق بعض .... اذا خلص روحي ثاني مره ... يعني ماحد يبي يردك .... أهم شيء خذي اللي
تبين تأكلين ....:31:

** الحين سويتي تحميه للمعده .... خذي عمرك وروحي لركن الاطباق .... وعبي صحنك
... وترى الاطباق المهمه في الآخر ( الاسماك , القمبري , المشويات ....الخ ) ... يعني
انتبهي مهوب الى وصلتيها والى صحنك الله يشيل عمره خلي مكان لهن..... وبعدها روحي
لمكانك .... وبالعافيه....

** ( دائماً اجعلي من البوفيه سهره او متعه يعني على اقل من مهلك في كل شيء وسولفي
وخذي راحتك , واشكري الله على هالنعمه .... تلقين متعه عجيبه )

** والحين روحي لقسم الحلويات
( يعني حلي ) الكيك .. والكريمات ... والفاكهه .. خذي لك صحن وخذي ما يناسبك ..... وبالعافيه ..... واشكري ربك على هالنعمه ..
************:19:** ملاحـــــــــــــــــــظــــــــــــــــــات***:19:***


*** الفوطه شيليها من على صدرك في كل مره .... تروحين تجيبين لك شيء ( لاتفشلينا )
حطيها على المائده ... واذا خلصت بالمره ... حطيها على الكرسي ( يعني لا تصفطينها ) ...
ودفي كرسيك يعني مغادرتك المكان ..
*** حتى لا تقعين في الاحراج دائماً حاولي الا تكوني الاولى اذا لم تكوني متمكنه من
( البروتوكول ) حق الفندق .... يعني خلي قدامك وحده اعرف منك واتبعيها ومثل ما تسوي سوي ( قدم الغشيم والحقه ) وفي كل مره راح تستفيدين شيء..

**************************************************

بالنسبه لبوفيهات الزواجات ( لاينطبق عليه ما ذكر ) خذي لك صحن وعبيه اولاً سلطات
ودوري لك مكان وحطيه ووصي عليه وحده وامسكي لك طريق يوديك لأول البوفيه وخذي
لك صحن ثاني واترسيلك ما لذ وطاب وترى اخر الاطباق هو الاهم ( بأختصار ) يعني ماله

نظام الجيد اللي يلحق على الزين .... ولا تنسين الببسي ... لا يخلص ....:23:
**************************************************

منقووووول