]| علمته الرمــاية .. فلما اشتد رمـــاني !! " موقف " |[

بسم الله الرحمن الرحيم ..
تذكرت اليوم موقف حلو

حدث في جامعة متشيغان الأمريكية ..
من أرقى الجامعات عندنا ..
في الشتاء الماضي اشتد البرد بدرجة قصوى ..
والثلج في كل مكان ..
ما كان في أي طريقة لاستكمال الدروس ..
فأقرت الجامعة أن توقف هذا اليوم الدراسي ..
وأن يبقى الطلاب في بيوتهم منعاً من حصول الحوادث والإزدحامات المرورية ..

اللي حصل بعدها بفترة بسيطة ..
أن طلاب كلية القانون Law رفعوا قضية على الجامعة !!!
يبغون الجامعة تعوضهم باليوم الدراسي الي فقدوه !!!
والأخس من جذي الطلبة ربحوا القضية والجامعة خسرتها !!!
( جوفوا الفرق بينهم وبين شبابنا اللي 24 عفدة من فوق سور المدرسة وشردة !! )

المهم اللي ضحكني يوم تذكرت المثل اللي يقول :

" علمته الرماية .. فلما اشتد رماني " !!

يعني طلاب كلية القانون بعد ما درسوا في الجامعة وتلعموا قاموا رفعوا قضية على جامعتهم ..
واحد من ربعي علق ساخراً :
" الحين الجامعة بترد عليهم : أوكي ربحتوا القضية ولازم نعوضكم بيوم آخر ..
بس بنجوف منو منكم بيطلع من الجامعة هذه السنة !! "

منقول للمتعه ..