علموني المشكله فيني او في زوجي انا ابيه وهو مايبيني

السلام عليكم

بدخل في الموضوع على طول انا متزوجه من تسع سنين ومعي بنتين وزوجي ظروفه جداً صعبه وانا متحمله هالوضع القاسي واحيانا ما انكر اني اتذمر قدامه

المشكله

زوجي دايماً مشغول وبره البيت وانا لوحدي وساكنه في منطقه بعيده عن اهلي واهله ومالي احد غيره وهو حنون لكنه عصبي متسلط مدري كيف 

دايما على جواله او التلفزيون او الكمبيوتر هذي حياته ودايما مشااااكل على هالسالفه اكلمه بهدوء بهواش مافي فايده ومسالة اني اطننننش مااااااا اقدر لاني ماعندي شي ثاني اطفش من الجلسه لوحدي ابي اسولف اتكلم احد يسمعني 
مايهتم في بناته ولا فيني ولا كاني موجوه مسؤليات البيت والبنات وكل شي علي انا هو ماله سغل فينا ومع ربعه والناس تعالوا شوفوا كيف السوالف والضحك والترحيب واحنا ياحسره والله اموت قهر

اليوم طلعنا نتمشى وقلت له بنروح نقضي للبيت وهو عارف هالشي من قبل نطلع واحنا كل شهر نقضي بعد الراتب وهو مضغوط كالعاده لكن اتفقنا نقضي الاشياء الاساسيه فقط وبمبلغ محدود جداً 
انا بس قلت له ودنا السوبر ماركت انقلبت الوانه وتغير وعفس وجهه بالسياره وصار يعصب وكانه ماله خلق وقال وين ورقة المقاضي طلعيها بسرعه وحددي الضروري وطلعت ومسحت بعض الاشياء وقالي هذا اللي قدرتي عليه انا ضحكت وبنتي كاتبه طلبات لها جانبيه ومنها اندومي شافه مسحه بقوه وصرخ عليها مافيه اندومي ومستحيل اشتريه لك و و و تبي والا بصيحك قدام الناس هناك طبعا انا ما رضى بالاندوني بعد لكن مو بهالاسلوب وهو دايم اسلوبه معها كذا في كل شي انا انقهر ماقدر على عيالي حرام هالمعامله اصلا بنتي ماتنام بالليل كل تجلس خايفه ومتاكده انه بسبب تعامله عمرها الحين ثمان سنوات تقريبا قبل ماكانت كذا وشفت دموعها بعيونها وحبيتها وضميتها وهو دقيته بيده انه يشوفها قام قالها انا اسف بابا وخلاص سامحتك ومدري ايش كل مره يصرخ عليها وبعدين يراضيها اسلوب سخيف من البدايه خلك حازم ومنطقي

ولما رحنا السوبر ماركت الوان العصبيه والمشاكل على بناتي لاتاخذوا هذا ولا تشتروا واذا اخذتي هذا برجع الثاني وباسلوب صراخ يكسروا خاطري اذا ابوهم ماشرى لهم مين يشتري لهم قلت له ودي اصورك فيديو وانت تعاملهم وارسله وعصب وتبوا والا نرجع البيت عادي عندي

وبنتي ضاعت علي وقعدت ادورها وهو بعد وهي خوافه وانا اركض وخايفه ولما شافها هو قبلي قعد يصرخ عليها حرجتينا وفشلتينا لانه كلهم يقولوا بيبي هناك وياشروا وهي كانت تصيح ورحت لها ميته خوف وتصيح وترتجف ضميتها بقوه ورحمتها مسكينه كانت رايحه تجيب شي ورجعت ماحصلتنا 

شقول والله المواقف كثيره وسردتها لكم عسان تعرفوا حياتي معه ولما جينا كل اكلمه وهو يصد او مايرد او يقوم ع الكنبيوتر احس تعبت مليت ليش يعاملني كذا يحاول يلطف الجو معنا وبسرعه يعصب ويصرخ ويرجع يتكهرب الجو وفوق هذا كله يبي اطفال وانا رافضه لانه مايستاهل اجيب عيال وهو يعقدهم وظروفه ماتسمح 

طبعا فيه مشايخ قالوا معي انا سحر لكن اشوفه منعكس عليه هو اكثر صاير يكرهنا ويكره الجلسه معنا ومعاملته مع بناتي سيئه 

ابي اشكي لامي بس هي تعبانه وماتتحمل اخاف ازيدها ودي ابوي يكلمه او اي احد انا تعبت وماعندي حل ولا يسمع مني 

ارجوكم ساعدوني وانصحوني 

ادري طولت عليكم بس والله مقهوره