علموني كيف احمص واطحن القهوه بالبيت؟؟

مثل ماتفضلتِ البن الهرري أفضل شي طبعاً بعد ماتنقينه وتنظفينه

تحطينه بصينية وتحطين معاه شوية شيبة ومستكة وعالفرن على حرارة متوسطة

وتحركينها من وقت لآخر حتى تاخذ اللون اللي تبينه غامق أو فاتح

بعد ماتبرد تطحنينها عادي بالمولينكس << تقدر عليها ليه ماتقدر

والقهوة اذا طحنتيها ناعمة مانطبخها كثير عالنار يادوب ربع ساعة

واذا الطحن خشن تطبخينها فترة أطول نص ساعه تاخذ لها

8

8

المعلومة هذي خذتها من خبير وصاحب محل قهوة

والفرن الصغير بصراحه ماقد جربنا نحمس فيه البن

هذا مافي جعبتي وان شاء الله البنات يفيدونك أكثر

وتقبلي مروري .......

حبيبتي انا انقي القهوه .واغسلها زين......
اصفيها وعلى طول بصينيه نضيفه وبوسط الفرن ..هذي المعلومه اخذتها من وحده حبشيه ؟؟؟؟لانهم خبره بالقهوه
احط كرسي ؟؟؟واقلبها على طول لينيصير لونها اشقر مايل للبني ..

وفيه مقوله من امهاتنا (الين تسمعين صوت طقطقة القهوه) وتصير لها قشره وبعد ما تبرد تطحنينها ...وحاولي تخصصين لها لاطحانه لوحدها .
وافضل شي انك تطحنين القهوه اول باول كل ما جيتي تسوين .طريقة عملها تحطين ببكرج القهوه او الدله اللي تسوين فيها القهوه مااااتقريبا كاسين ونص ولها فنجالين قهوه مطحونه..تطبخ عشر دقايق مو اكثر ولا راح ىطعم القهوه وتطحنين الهيل وتحطينه بترمس القهوه..وتصبين القهوه فوقه ........ومع الحلى بالف عافيه على ظيوفك .....

هذا كلام كييفت قهوه من الدرجه الاولى

اختي انا رايحة اختصر لك الموضوع طالما انك اول مرة ضروري تستخدمي الفرن العادي او الكهربائي في صينية داخل الفرن

وليس على الغاز في قدر بيكون صعب عليك

طبعا بعد تنقين البن ةالافضل تضعينه لوحدو وقت التحميص بدون اضافات والاضافات حطيها وقت الطبخ او الطحن احسن

والدرجة الي تبينها في لون البن فاتح او غامق والافضل اللون الوسط ولازم ماتبعدين عن الفرت تقلبين باستمرار وتغلقين الفرن شوي
والافضل انك تطحنينو مرة وحدة في المطاحن الخاصة لطحن البن خارج البيت
لان اغلب المكاين في البنت لالالالا تطحن ناعم جدا
طبعا واطبخيها حسب رغبتك مع الاضافات الي تحبيها

طريقتي تختلف عن الاخوات شوي انا عن نفسي احمصها على الغاز يعني فوق على العين

وبالنسبه للبن اشتري بن لقمتي وانا اشوف الفرق دايم في درجة التحميص وكمية البن وكميه الهيل

وطريقة الطبخ

اول شي بعد ماحمصتي البن خليه غامق شوي يكون طعمه الذ بكثير من الشقره ولا تطحنين الا قدر

حاجتك يعني فنجال او اثنين

وضروري وقت الطبخ ما تكونين متعطره تراها تلقط ريحه وتأثر على الطعم وبعد الهيل اذا كان مطحون له

كم يوم يتغير طعمه لازم يكون مطحون على وقته ومن المهم بعد ومن الضروري تكون

مطحنة البن والهيل مخصصه لها فقط عشان الطعم

بالنسبه لي انا كل دله او ترمس له فنجال قهوه من البن المطحون والهيل مقدار ملعقه صغيره

تكفي لا تكثرين منه تراه مشهود للهيل يعور القلب والمعده

والهيل لالالالالايطبخ مع البن لانه يعطي مراره للقهوه

حاليا هذا الي خطر على بالي وتراني راعية قهوه كل يوم ارزها مسيان

واي استفسار انا حاضره راسليني على الخاص

جزاكم الله
بعد مانقيتها ونظتفتها وغسلتها اتركها تنشف ولا احطها بالصينيه وهي رطبه وادخلها الفرن؟؟