عادي اجلسي معاه جلسه روقان وقليله انا عارفه انك متقصر معايا وانا احمد ربي واشكره انك زوجي واديله من هدا الكلام بعدين قوليله ابغاك تديني كل شهر مصروف عاد براحتك تحددي المبلغ او قليله اي مبلغ تديني هو بس اقل من 200 ريال لا قوليها بدلع " ماادري كم بالدينار" طبعا يبدا يقولك مالو داعي وانا مو مقصر معاك قوليله والله عارفه بس حلو لما يكون معايا مصروف امكن ابغ اتصدق  مو حلوه اقولك ابغ فلوس علشان ابغ اتصدق. وامكن يوم  اكون عند اهلي ونسيت اطلب منك فلوس واخواتي يبغو يجيبو عشا من بره  وكلهم يدفعو الا انا اقول ماعندي فلوس بصراحه مي حلوه بحقك.. ونظرت اهلي لك .وتعاليلو من هدا الموال. 
اتمنى اكون افدتك

تصدقون دايم ينزلني السوق ويقولي اشتري الي تين لو اتعدى الاربعه الاف مايقول ولاشي بس اهم شي مايعطيني بيدي ولي فتره طويله متزوجه وقبل شهر رحت عنده وقلتله ابي السوق قالي طيب وبسياره قلت ابي الفلوس قالي لا انا بشتري لك قلت لا معليش الوقت تاخر شوي كانت الساعه 10 الليل لاني طولت شوي كنت اشتري لبنتي اغراض ولما خلصت منها وجا دوري صار الوقت شوي متاخر وقعدة اقرقر على راسه مايمديني عطيني فلوسي وبكمل بكره المهم يبي الفكه من السوق عطاني 500 على طلبي والشهر هذا ناويه اطلب بعد حتى لو مبالغ صغيره مع الوقت بتكبر اهم شي اخشها لليوم الاسود

والله لي 16 سنة زواج وانا اطلب منه مصروف يرفض وادا عملت مشكلة يعطيني شهر ويطنش الباقي وعلى هالموال ليومي هذا الله المستعان ربي يسخر لك زوجك ويهديه

حبيبتي أكيد تقدري تعوديه بس بشوي شوي
أولا لازم تطلبي منو بدلع ووقت مايكون رايق خبريه انو مرة على مرة يديكي مبلغ حتى لو كان بسيط قوليله أحوشو عشان لو بغيت أشتري شي أشتريه ولما يقولك أنا أشتريلك قولو صراحة أنا ما أحب أزعلك بس في وايد أشياء تشتريها مو هي بالضبط قولي انك مومقصر معايا أبدا بس يمكن أحتاجلي غرض وانتا مو موجود وأكيد رح يتعود
الولد زي ما تربيه والزوج زي ما تعودو
المهم لازم تداومي حتى يقتنع بالفكرة

انا نفس الوضع مايعطيني مصروف غير للاعياد
مع العلم انو مايقصر ينزلني السوق ويقول خذي اللي تبغيه بس انا استحي وما اشتري واقول ما ابغى شي وانا والله ناقصتني اشيا 
بس انحرج