مشكوووره اختي موطني السوداان ..

الله يتمم لكم الزوااج على خيير ..

بس بصرااحه حلوووه حركه القيصه ..

وتقاليييييدكم :)

فليم ازيك
امبارح لفلت في السوق
والله لقيت جلابيات خليجية حلوة

شكلي كدة حارجع للخليجي ها ها ها

بالنسبة للمكياج حاعملو انشالله عند هند

وامبارح عملت اوردر للبوكية اللي حاشيلو في الزفاف
انتي طلبتي حقك ولا لسة ؟؟ قلت ازكرك.....
لو حتعمليهو طبيعي كلمي ناس فريش فلورز من بدري

ما شفتي الحصل علي السنة الفاتت في عقدي
كنت طالبة بوكية كبير للكوشة وحاجزاهو
لمن مشيت ليهم ناس فرش فلورز
قالو لي الورد خلص عشان جو ناس شالوه للكريسماس
غايتو ربنا سهلها ومشينا لتمارا

عشان كدة للزفاف جبت صناعي لكن شكله كأنو طبيعي

بالنسبة للكوشة بقيت على امل رضوان لانها عملت لي كوشة العقد وكانت حلوة

لو بقيتي على الهندي
هنا الاكسسوارات كتيييييييييييييييييييييييرة
ممكن تكلمي خالتك
في سوق النجار
بالاشكال والالوان


بالنسبة للرقيص
عادة بيكون في كم اغنية في الرقصة الواحدة ؟؟
لانه انا حالبس لبستين وبعد الجرتك عاملة حفلة
عشان كدة برنامج الرقيص ما دايراهو طويل شديددددددددد

والله الرقيص دة اصعب حاجة في العرس ههها ها
مجهود بالجد ...ربنا يهون بس

حسي الحمدلله الفنسة اتصلحت
لكن الترترة لسة ددايرة ليها شغل خخخخخ

وطنى السودان كيفك ياعسل؟؟بالنسبة للرقيص كل فستان 15 اغنية و ممكن 20 لكن 15 مناسبة غايتو علشان ما تتعبى.
البوكيه عملتى ليه اوردر من وين..الورود انا دايراها لونا دهبى شفت قبل كده عروس عاملة بوكيه دهبى بيجنن بس لكن ماعارفة اجيبوا من وين.زالطبيعى عموما ما باحبه لانى دايرة احتفظ بالبوكيه للذكرى ان شاء الله.
بخصوص الهندى كلمت خطيبى يشوفوا لى من الدوحة اساسا حماتى نفسها تشترى لى اى شى و هى ذوقها حلو قلت يلا ادهيها فرصة و كده حاضمن برضو انو السارى حيعجبها لانو حيكون على ذوقها مش؟
بخصوص هند حمدتو اتصلت بيها و حامشى ليها الاسبوع الجاى لو ربنا سهل انت جربتى المكياج بتاعها قبل كده؟؟انا دايرة اشوفها للعقد و احتمال للعرس لو اقنعتنى.
امبارح طبعا مشينا النادى الدبلوماسى بالليل قلت اشوف الحفلة و الزينة و النظام كيف كان فيه عرس بى ابوعركى البخيت..بس ياهو دخلنا اتفرجنا على الحفلة و القعدة و لقينا المسوؤل عن النادى و جينا راجعين..الليلة برضو احتمال امشى لانو العاملين الحفلة الليلة ناس الخيام اللى انا حاجزة معاهم سوقلت امشى اشوف حاجاتهم كيف.
الجلابيات الخليجية لو لقيتى ليها اكسسورات حلوة يبقى مكسب يابت ابقى عليها و ورينى البيحصل معاك ياعسل.على فكرة جاية السودان متين انتى؟؟؟

جيلا حبيبتى كل سنة و انتى طيبة ياعسل و السنة الجاية على امانيك...بخصوص السارى مالاقية حاجة تانية غيرو لو عندك اى اقترحات تانية افيدنى بيها ..انا حنة ما حاعمل و قلت السارى حيكون تغيير.انتى اخبارك شنو يابت و كيف مع الشغل الجديد؟؟؟

فليم ازيك
انا انشاء الله باجي السودان اول 12
بالنسبة للبوكية عملات ليهو اوردر من محل اسمه جنتي في جدة
اخترت اشكال الورود ومفروض استلمو بكرة

ممكن تطلبي من خالتك تجيبو ليكي معاها
صراحة عندهم ورود روعة
بس انتي ما عليك الا ترسلي ليها شكل وصورة البوكية

ولو عايزة في السودان ناس فرش فلورز بيبخوا الورد دهبي
لكن المشكلة انه ورد طبيعي
بس حلو

بالنسبة للخليجي غالبا حالبس معاهو طقم دهب ما اكسسوار ..نوع من التغيير

الهندي رهيب ابقي عليهوو بيطلع حلو لو ظبطتي الاكسسوار
معاهو

انا عملت المكياج عند هند حافظ ما حمدتو
لكن سمعت انه هند حمدتو شغلها حلو

يلا تيك كير يا عسل ووريني الشمارات