رندة حبيبتى انت اختنا و جد لا شكر على واجب ياعسل وتأمرى فى اى وكت...و ماتقولى غبية و لا شى نحنا كلنا فى حاجات كتيرة ما كنا بنعرفها و عرفناها هنا فى المنتدى و من بناته الحبوبات ورينا حتعملوا العرس وين فى السودان ولا الامارات ياعسل و ناوية تعملى رقيص عروسة لأ لأ؟؟؟

العرس فى السودان انشاء الله و بالنسبة للرقيص ما هرقص.... هعمل حنة بس و محنارة البس شنو للحنة كننه مفكرة البس هندى بس البنات كلهم لبسوا هندى عشان كده عايزة اغير و لحد هسع حددته.... اها قولى لى يا زوق العرس متين و شكلكم لسه ما حددتوا المكان .... و بتدخى ليك كم انا مفكرة ابدى شهر 11 انشاء الله و بالنسبة لفستان العرس عملتى شنو هتاجرى و لا تفصلى ... معليش امكن الكلام دى تكونى قلتيه قبل كده ... هتعبك معاى ... بس انا فاتنى كتير كل مرة افتح و اقرى شوية....

لى ماحترقصى يابت..على العموم هو فعلا يا اما حنة يا اما رقيص انا ما حاعمل حنة حاعمل رقيص بس و العرس ياسكرة لسه والله ماحددت اليوم لكن يا اخر 11 يا اول 12 ان شاء الله بس حنحدد اليوم فى الاسبوع الجاى حسب اجازات اهلى البره السودان و اهل خطيبى:27: . الفستان حافصلوا عند مصممة ازياء هنا اسمها مدام خلود..انا كنت مفكرة اجيب واحدة من امريكا او أأجر من غادة شرفى لكن شفت واحدة فستانها كان دهبى بى سكرى و عجبنى فققررت اعمل واحد لونو كده...الدخان بديت لى اربعة ايام و ناوية اتدخن شهرين و اوقفو بعد العيد و اعمل لخوخات و دلكات و كريمات و البرنامج ده و بتدخنى واحدة هى عملت لى البرنامج ده و الدخان حيكون اسبوعين دخان و اسبوع دلكة و تانى اسبوعين دخان و اسبوع دلكة و كده.
على فكرة لو عرسك شهر 1 ابدى من شهر 10 لانو ذاتو الدخان ساعات بيعمل حساسية و بلاوى فلازم تجربيه من بدرى علشان لو عمل اى مشكلة لا قدر الله تتعالج.
ماقلتى لى حتعيشى وين بعد العرس فى السودان و لا الامارات؟؟؟
بالنسبة للحناء شايفة الهندى مكسب لانو بسيط و ما بتفكى شعرك و ما بتتعبى..وفى ناس برضو بتلبس اثيوبى او استايل مغربى...و واحدة برضو عملت استايل غربى بنطلون و بلوزة و جابوا دىجى ما فنانة..و ممكن يابت تلبسى فستان حلو و ناعم و تسرحى تسريحة حلوة و بس...ولو جريئة البسى زى الجلابية بتاعة نانسى عجرم و منديل فيه جنيهات دهب و بتطلعى امورة لكن ماعارفة الناس تستوعب الكلام ده و لا لأ:27: و يابت جد ماف اى تعب و اسألى زى مادايرة ياعسل

إزييييييكم إخباركم كيفينكم أنا لي زمن ما شفتكم ...:32: المهم عاملين شنو وحشتوني و لقيت فرصة و طبعا وشششش و بسرعة المهم الأخبار و المواضيع بتاعت منتدانا حلللللوة و شكلوا هعمل ذكريات حلوة و أذكركم بأيام الثانوية و هو فعلا يا فليم كركبة من الأيام الأولى و جيلا الموقف شكلوا حلو لكن جد جد السودانيات المعاي كويسات و فعلا ما حلو تكوني السودانية الوحيدة في الصف و جربيت الموقف ده لمدة سنة المهم أهو نديكم تفصيلات يوم السبت

يوم السبت:
طبعا إستفتحناها بخطاب من مديرتنا و طبعا خطاب كل يوم copy past إحنا مسمنوا كده و بشرتنا إنو الفسحة بعد الحصة الثالثة إحنا عندنا خمس حصص كل حصة ساعة الدوام من 8:30 لغاية 2:10مساءً
و الفسحة متعودين كل مرة إنها الساعة 10:30 لكن فاجئتنا إنها بعد الحصة الثالثة الساعة 11:30 :44: و لكن نعمل شنو أحسن شي فيها إنو الحصص الباقية بتكون قليلة و القترة لغاية نهاية الدوام لكن الش الماحلو فيها إنو الغنتظار لغاية الفسحة البنات قالوا تعذيييييييب !!!! المهم و بعدين مشينا الحصة الأولى English و المس شرحت قواعد و المشكلة إنها بتختار عشوائي و إختارتني و أنا كنت متلخبطة لكن حليت صح الحمد لله:42: لكن جد موقف عجيب و الحصة الثانية رياضيات ملقبة بمس حديقة السنة الماضية المهم شرحت و بدت تظهر على حقيقتها المتقلبة لكن الشرح ماشي حاله و الحصة الثالثة جيولوجيا عاد الحصة دي من أحلى الحصص و كنت محضرين و هي ما طالبة إننا نحضر و الحصة الصراحة المس شرحها بيدخل العقل يعني لو مشيتي الإمتحان و ما درستي ليهو بتعرفي تحلي الإمتحان و الرابعة أحياء قطعنا 3 مكعبات بطاطس مش بصل:09: و ختينا في 2 منها ملح و الثالثة ما فيها و ختيناها في الموية ووحدة ما في الموية دي تجربة ظاهرة الإنتشار لو تتذكروها هي ظاهرة تنتشر فيها المادة من الاعلى تركيز للأقل تركيز للوصول لحالة التساوي زي لمن نضع قطرة من الحبر في ماء مش بتتساوى لون الماء ما بنلاقي جزء غامق و جزء فاتح صح دي ظاهرة الإنتشار معليش لكن دخلتكم أحياء و برجعكم للماضي:41: المهم و اخيرا فيزياءو المس تقعد و تقوم و تقعد و تقوم تعبتنا معاها لكن هي تعبانة ما بتقدر تقف لأنها حامل:23: و طبعا مبلطين المخ مقفل لكن إستوعبنا شششوووية كويس ؟ لكن المس نصحتنا بإننا نطلب من المربية تغيير الجدول و حنكلمها قريبا

دي يوميات اليوم الأول وما كان عندنا عربي كويس إرتحنا منها لأنها حازمة شديد و صوتها عالي بيصحيكي و ما بتنومي في حصتها لكن الفيزياء بتنوم لأنو صوتها منخفض المهم أعذروني طولت عليكم لكن برجع تاني :rolleyes: قريبا مع اليوميات من أيام الثانوية لكن رندة وينك رحبنا بيك فأين الرد:(

هئ هئ هئ نياه لسه أنا دلوعة المنتدى :04:


يلا في أمان الله الحافظ حتوحشنني حتوحشوني;)

بنات تتذكروا المكوة القلت ليكم عملت ليها اورد من امريكا:3_2_21v: ...وصلتنى اخيرا و جربتها و طلعت مبالغة جد:icon18: بس مشكاتها بتشتغل على كهرباء 110 فولت بس :angry2: انا شغلتها بالمنظم بتاع الكمبيوتر لكن بافكر اسى لو شلتها شهر العسل حالقى فى الاوتيل كهرباء 110 فولت؟؟؟؟خطيبى قال لى اكيد بيكون فى ان شاء الله لكن ما متطمنة و مابحب المفأجأت دى فا حاشوف لى محول حجمو صغير لانو بتاع الكمبيوتر تقيل.

http://www.folica.com/Solia_Tourmalin_d1558.html

وجبت برضو السيلك ابيل بتاعة بروان:232: لكن بجربها بعد ما اخلص اسبوعين الدخان و اقول ليكم لو حلوة ولأ لأ:27: