وطنى السودان و جيلا كل سنة و انتو طيبين و السنة الجاية على امانيكم يا رب.... و آآآآآآآآآآآآآمينننننننننن كبيرة لدعوتك يا وطنى السودان....
فليم شفته الحلقة بتاعت اوبرا و جاتنى نفسيات عديل كده :S_45: ... واااااااااااااوووووووووووو :icon810: ... دى شنو دى ... انتى شفتى نفسه كان قايم كيف... انتىشفتى صحبتنا اول وحدة بقت عاملة كيف كل كوم و العمود كوم تانى :icon32: .... يا جماعة ما نشترك و لا رايكم شنو :22:
طبعا من اول يوم فى رمضان قلت ابدى برنامج بتاع لخوخات و كده ... و قالوا لى اعملى الحلو مر كويس شديد للجسم بفتح و بنعم .... الله لا يوريكم جنس ريحة :11retcher حاجة ما معقولة باللهى عملتوا امبارح و استحميت 3 مرات :44: لحد هسع شامه ريحة الحلبه ... دى حاجة صعبة شديد :icon33: تانى ما هكرره :09:
انا عادة بعمل حمام مغربى و يوكو سبا ريحتوا حلوة شديد....و الحاجات دى سهلة و ما بتاخد وقت و اهم حاجة الرييييييييييحة :01:

اذيكم يا حلوين؟؟؟كيف مع رمضان و الصيام..؟؟؟؟
انا الحمد لله امبارح تعبت جد لكن الليلة فل الفل و كلوا تمام....
وطنى السودان و جلجل و رندوية و انتوا طيبين و امين لدعواتكم كلكم....
رندوا البت جابت لى نفسيات مفكرة جديا اعمل اوردر للشرايط حقتها و ابقى انثى مع الانثيات؟؟؟؟الانثيات دى صاح و لا غلط....؟؟؟؟ولا الاناث الصاح؟؟؟معليش الصيام ياجماعة.المهم انو قررت اتعلم الدلع بتاع البنات ديل لانو جد مابينفع راجلى يشوف ديل و يقبل يلقى زكية زكريا جنبو بتجيه نفسيات:icon33: .
المهم اسى انى اشتريت دفتر و اس من دربى ده ماشة قسم الطبيخ و كل يوم حاعمل طبخة جديدة :cook: و اكتبها علشان اتعلم :27: ..لقيتونى كيف وانا باتعلم :D .
يلا دايراكم ترتبوا معايا يومى لانو عندى مليون شى..دايرة اقرا قران و اصلى التراويح و اتدخن و اتعلم الرقيص و اتعلم الطبيخ و انوم بدرى لانى بصحى الساعة 8 و اها شوفوا لى جدول كويس.

يلا مع السلامة اسى و باجيكم بعدين.

رندو اعملى الابرى بس لو بتطلعى اسى لانو رهيب و جد بينضف..الحلبة انا كان بديت اشربها لانو سمعت انها رهيبة للون و الصحة العامة وكنت باغليها مع الحليب لكن لى فترة ما عملتها اسى ان شاء الله بارجع ليها....اليوكو سبا ده منو فايدة ؟؟؟انا غايتو ماعمل لى شى , كنت باعمل سنفرة بالملح و الليمون و زيت الزيتون و حسيت بيها مفيدة اكتر منو.الحمام المغربى بتستحمى بيه و لا بتعمليه بالبخار؟؟؟انا كنت باستحمى بيه و كان ماشى حاله لكن جبنا غرفة البخار و عملتوا معاها عارفة انو بتشوفى القشرة بتطلع من جسمك كانك عاملة دلكة...لكن كالعادة ما استمريت فيهو لكن اختى ماشاء الله بتعملوا كل اسبوع و جد بقت نضيفة ولونها رايق انا بعد ما اوقف دخان حارجع ليها برضو ان شاء الله.

و الله دى فكرة مع المنافسة الشديدة دى الوحدة مفروض تعمل كده :D
الصيام تمام لحد هسع ... لسه هيظهر جد اخر ايام ... عشان كده لازم الوحدة تعوض بانها تشرب مويه كتير بعد الفطور...
انا عندى مشكلة انو وزنى بزيد فى رمضان عشان بتسحر و برجع انوم :10_8_10: ... و ما بقدر اخلى السحور .... عشان كده هشترك فى نادى بتاع رياضة بعد الفطور المشكلة المواعيد بتجى مع صلاة التراويح ... و الله محتارة اعمل شنو... و الرياضة حقت البيت ما كفاية ....
و بالنسبة للجدول ممكن الرقيص و الطبيخ و القرآن (تقرى بعد كل صلاة شوية) يكونوا قبل الفطور و بعد الفطور التراويح و الدخان... دى اقتراحى ربنا يعينك ... المشكلة فى رمضان الوقت بجرى سريع ...

فليم يا عسل انا اليوكو نفع معاى شديد ... انا بستعمله كل يوم و بالنسبة للحمام المغربى بعملوا بالبخار، بسخن المويه و بفتح الماسورة لحد ما البخار يملا الحمام ...
و معليش على السؤال مش الابرى هوا نفسو الحلو مر ... صح ... انا مشكلتى ريحتو قوية ما بتطلع بسهولة ...