اذيكمم يا احلى بنات..عارفة نفسى مقصرة معاكم لكن اعذرونى زهج و كج غريب اليومين ديل:( ....الحمدلله بس..ربنا يكفينا شر العوارض...طبعا جاتنى حساسية :icon33: .اخر مرة شكلى خليت الحفرة تسخن شديد و جاتنى حساسية...غايتو اخدت ليها حبوب حساسية و باعمل مرهم برضو وحاوقف الدخان لغاية ما ابقى كويسة و ربنا يسهل....دعواتكم معايا لانى جد نفسى اتدخن تانى......
بخصوص العلامة....ياحليلها جات و علمتنى الرقصة الاولى البدخل بيها..كلوا كويس بس عندى مشكلة فى الترترة...واااااااااى الرقيص ده عبيط جد و اهبل....فكرت جد انى اسيبوا لكن اخواتى و ماما مصرين و قالوا لى ما معقول تلغيه بعد ماجهزتى ده كلوا....على العموم..الرقاصة سجلت لى ال10 اغانى الاولى بكاميرا الفيديو...تعالو يلا شوفو الكج الحصل..الليلة جيت انقل الشريط اول شى الفيديو ما اشتغل...بعد شوية الكاميرا وقعت و ابت تشتغل...بعد شوية الرسيفر حقى برضو وقف....بس من الزعل قعدت ابكى...قلت الله يدينا خير اليوم ده بس....بكرة ان شاء الله اطلع من بدرى مع ماما اشوف لى فنى شاطر اصلح الحاجات دى كلها و اجى لانى جد حاسة انى مشردة..اسى استلفت رسيفر اخوى الصغير و كل شوية يجى يقول لى الكورة و داير رسيفرى:( ....بخصوص العلامة مفروض بعد ما اتدرب على ال10 رقصات تجى تشوفنى و تصلحنى لو فى حركة غلط....يلا يابنات شجعونى لانى جد حاسة انو الرقيص ده صعب و انا ما حاقدر عليه..كنت فاكرة الحكاية فساتين و جدل طلع دايرة ليها دراسة و تدريب....ربنا يسهل بس....و جد ادعوا لى ربنا يسهل على...و الكج ده يقيف:27: .
اذيكمم يا احلى بنات..عارفة نفسى مقصرة معاكم لكن اعذرونى زهج و كج غريب اليومين ديل:( ....الحمدلله...
ويا فليم زيت الزيتزن والملح والليمون دة طريقتو كيف
وعندكم وصفة فعالة للركب والاكواع ؟ ها ها ها
فليم يومك حيكون حافل شديد
لكن الرقيص والدخان لازم بعد التراويح لانه مع الصيام صعبة شوية
وقبل الفترة راحة وقران وصلاة
يلا سلام