ريحانة ما تزعلى ياعسل البنات بس بيكونوا مشغولات شديد و ما انتبهوا اعذريهم بس اوكيز انا ساعات كتير بالقى نفسى ناسية ارد على حاجة زول سأل منها ما تاخدى فى بالك و اخدى ليهم عذر.
اها كيفكم.......؟؟هدوية جد مسجلة اختفاء غريب ياريت جد تطمنا عليها و على البيبى...و جلجل واحشتنا برضو..يابنات انا قلت ليكم عاوزة اعمل فى الزفة شنو لى ما اديتونى رايكم او افكار جديدة..يلا ردوا على بليز....

ريحانة الحياة
ماتزعلي كدة
روقي اعصابك


فليم الزفة دي موضوع
في موقع قبل فترة وانا باقلب في النت لقيت فيهو اغاني حلوة
والله انا زاتي محتارة اعمل شنو ؟!!!
ما قلتي لي
كلمتي امل رضوان ولا لسة
والحاصل على الكوشة شنو

أنا ما زعلت بس حبيت انبه و عادي المهم إنتبهوا إلى وجودي و عادي ما بزعل و لا بهيّج أعصابي و مااااا مشكلة معذورين ...المهم كيف عاملين ؟؟؟ تمام ...دي مرورة سريعة عشان أسأل منكم و أعرف أخباركم يلا في أمان الله...

اول حاجه كل سنه وانتو طيبين ورمضان كريم ويارب يحقق امانيكم والسنه الجايه الصايم في بيتو صايم والفي الجامعه احسن ليه من زره الممطبخ والبيت والله جد مشتاقه ليكم جيلا وفليم وريحانتنا اللذيذه ورنده برضو وكل الناس الجديده المعانا انا حالتي تصعب على الكافر نعبانه وعيانه والوحم عامل عمايله والحمد له على كل حال وماما كانت عيانه راقده مستشفى ونفسياتي ماتمام عشان كدا والله لكن قلبي معاااااااكم اها فليم تجهيزاتك ماشه كيف يارب تكون تمام حاولي استمتعي بالحاجات لانها ذكره حلوه شديد وصوري شيلتك برضو ذكرى انا حارجع ليكم تاني الله مايحرمني منكم بالجد سؤالكم عني برفع معنوياتي وبحس انو انا لسه عندي صحبات زي زمان واالله انا عندي نفسياااااااات ماعارفه مالي انا زاتي عليكم الله اسالو مني وبرجع ليكم

اذيكم...
هدوية حبيبتى نورتينا و الحمدلله انك كويسة ما تتصورى قلقنا عليك كيف..المهم انك كويسة و الف سلامة على ماما ان شاء الله اسى تكون بقت كويسة و تمام التمام طمنينا عليها بليز...و الوحم اصلوا سغيل و الناس بتتعب منو لكن ياستى كلوا يهون علشان النونو الجاى ويابت قالوا بعد الشهر الرابع كلوا ده بيختفى اهم شى ترتاحى خالصو ما تتعبى نفسك.
التجهيزات اهو ماشى الحال اخيرا حددنا يوم و حجزنا النادى لكن باقى تجهيزات كتيرة و فكرة حلوة انى اصور الشيلة حتكون ذكرى حلوة و كمان اوريها لخطيبى عارفة سبحان الله امبارح قال لى اصورها.