flame4me
•
يابنات صحى بسالكم الاندرويرز البتلبسيها يوم العرس مفروض يكون لونها ابيض مش؟؟؟و ال bra بتكون سترابلس عادية و لا بتكون عاملة كيف؟؟؟؟لانو فى السايت بتاع فيكتوريا لقيت كم واحدة عاملين زى الكورسيه البتصغر الخصر ديك و جد محتارة ماعارفة اجيب شنو؟؟؟؟و عندكم فكرة الحاجات دى بلقاها هنا و لا الا اعمل ليها اوردر؟؟؟
flame4me
•
ريحانة ياعسل انا تمام بس ادعى لى اليومين ديل مشغولة جد اها انت المذاكرة كيف؟؟؟و اقترحى لينا اغانى للزفة ياعسل و افكار جديدة.
هلاا هدوية اخبارك و سلامة الماما و الله يسهل ليك ... فليم الصراحة أنا في أمور الزفة و أغانيها ما ناقشة شي كان نفسي أساعدك سامحيني ... و اخباركم كيف عاملين بكرة إمتحان دين الله يسهل و رندة و جيلا و وطني كيف تمام ؟؟؟ مضطرة أطلع في أمان الله ..
الصفحة الأخيرة
يابت انا نسيت اقول ليك ولا شنو ايوه اتصلت بى امل رضوان و شكلها فعلا زولة زوق شديد و اتونست معاها شوية و وصفت لى البيت و ان شاء الله حامشى ليها الاسبوع الجاى بس اخلص برنامج الحجوزات بتاعة النادى و قاعة الرقيص و امشى ليها مرة واحدة لانها قالت لى كمان بتعمل حاجات الجرتق.
اها ماقلتى لى الجلابيات بتاعة العريس جبتيهم من وين و العمم برضو طرزتيهم وين.و المكياج ناوية تعمليه عند منو؟؟؟
الاغانى الحلوة بتاعة الزفة اللقيتها شنو و شنو؟؟و حتعملى شباين و لا لأ؟؟رندو شاركينا فى الموضوع ده برضو.
انا كمان كنت مفكرة اعمل كليب قصير فيه صورى و صور خطيبى مع اغنية حلوة و يتعرض قبل ما نجى يعنى قبل الزفة و ممكن فى الفواصل رأيكم شنو حتكون فكرة حلوة و لا و التورتة حتعملوها وين ؟؟؟
انا دايرة اخلص من اى شى بدرى ان شاء الله و اخر شهر اكون رايقة و ما ورايا شى.غايتو ربنا يسهل لينا كلنا و يبعد عننا العوارض بس.