شكرا اختى والله يسعدك ويحقق اللى ببالك...........

صباح الخير
شوفوا الرد هذا للفائده

جزاك الله الف خير اختى و جعله فى ميزان حسناتك.

اذيكم يابنات؟؟كل سنة و انتوا طيبين و العيد مبارك عليكم مقدما و السنة الجاية تامين و لامين و زى مادايرين.
الاخبار شنو و كيف مع استعدادات العيد؟؟؟انا الحمد لله كنت عيانة شوية لكن اسى احسن و طبعا مشغولة مع حاجات العرس و المشاوير و الصراحة لى اسبوعين مهملة فى نفسى و وقفت دخان و اى شى لكن ناوية الليلة الرجع تانى ان شاء الله.
ريحانة العسل امتحاناتك ماشة كيف؟؟؟طمنينى عليك. و جيلا كيف مع الشغل الجديد حبيبتى؟؟و رندة العروس وين مختفية؟ و وطنى السودان عملتى شنو فى فساتين الرقيص..و هدوية يارب تكونى تمام و الحمل ما تاعبك.بنات دايرة رايكم فى موضوع شهر العسل...محتارة و الله نمشى وين ان شاء الله...طبعا العرس شهر واحد ان شاء الله و الجو بيحكمنا فى الفترة دى..يلاادونى اقتراحات كويسة...مستنايكم.

ازيكووووووووووم يا بنات
مشتاقين والله

جيلا هدوية
وريحانة كل سنة وانتو طيبين

فليم كل سنة وانتي طيبة

وسلامتك انشالله حسي تكوني احسن

انا يا ستي
بالنسبة لفساتين الرقيص
الحمدلله لقيت قماش لزيز للاول
لكن لسة ما خيطتو

والجرتك كبدي.... اشتريت فستان جاهز من دبنهامز حلو شديد

حسي بس فاضل لي توب الجرتك

واكمل اكسسوار اللبسة الاولي

اما الرقيص حدث ولا حرج ها ها ها ها
يادوب اتعلمت الفنسة ها ها

غايتو الله يسهل

انشالله قسمة بتجيني اول 12 ...

اما بالنسبة لشهر العسل
فاحنا ناوين شرم الشيخ والغردقة

لانه الجو بيكون بارد

ومفكرين في ماليزيا
لكن 90% مصر انشالله

انتو ممكن تفكروا في المالديف حلوة ورمانسية
او دبي وماليزيا

او ممكن تونس او المغرب انا سمعت انهم حلوييين جدا
انشالله نمشيهم لقدام

يلا وريني بقيتوا ماشين وين

وتحضيراتك ماشة كيف؟؟؟