كيفك وطنى السودان؟؟
و انت طيبة حبيبتى و السنة الجاية على امانيك ياعسل.
والله الرقيص انا على كده ماشة احسن منك اتعلمت ال 15 الاوائل و العلامة جايانى 3 يوم فى العيد غايتو ربنا يسهل بس و الرقيص حاعملوا فى البيت ان شاء الله ياعسل.
اللون الكبدى حلو للجرتق انا لكن باموت فى الاحمر ما كان ممكن افوت فرصة الجرتق و ما البس احمر:D .
شهر العسل و الله مصر حلوة انا المشكلة انو خطيبى درس الجامعة هناك و قال زهجان منها مع انى جد باموت فيها و بالذات شرم الشيخ دنيا تانية لكن اوعى ما تمشوا اسنكدرية لانها فى الشتاء بالذات رائعة و رأس السنة فى مصر بهناك كمان الحفلات .و البرامج جد دنيا تانية.
انا بالنسبة لى مفكرين فى يا ماليزيا و معها جزيرة بوكيت فى تايلاند.يا اما اسبانيا...خطيبى داير ماليزيا و تايلاند ..و انا عاجبانى اسبانيا لكن بيقول لى برد..كويس طيب الما قلت ليه النمسا كان جاتو نفسيات مش؟؟
دبى ماواردة لانى كنت عايشة هناك و دايرين نمشى مكان جديد لكن احتمال نقعد يوم بس نشترى شوية حاجات.
تونس و المغرب حلويين لكن ماعارفة البرامج كيف بهناك.بعد العرس بتكون احلى من انو نمشيها شهر عسل زى ماقلتى.
اها ورونى رايكم فى اسبانيا شنو؟؟قالوا فى الشتاء رهيبة و ممكن نمشى جزر الكنارى بتكون دافية و الجو حلو.طبعا تايلاند دى اضفتها للبرنامج انا قلت ليه لو حنمشى ماليزيا تودينى اشوف بوكيت و اشوف الجزيرة الصور فيها ليوناردو دى كابريو فيلم الشاطى و برضو قالوا صورو فيها فيلمين لى جيمس بوند .غايتو لغاية اسى ماف شى واضح ورونى رايكم شنو انا ان شاء الله دايرهو يكون شهر عسل حلو وانا و خطيبى نكون مرتاحين اهم شى و البلد يكون نضيف و فيه طلعات حلوة و اهم شى يكون بلد فوتوجينيك بيطلع حلو فى الصور..ماعارفة لى صور ماليزيا كلها حلوة لكن صور اسبانيا فيه صور مضلمة كده:( .يلا شدوا الهمة معاى و انا مستنياكم.فى امان الله...:26:

جيلا وين بس مختفية كده؟؟
مشتاقة ليك و لكلامك جد و الله...خلاص رمضان انتهى ياحليلو دايرينك تانى كل يوم حبيبتى.
وطنى السودان و رندوية تعالوا بسألكم بديتوا دخان و لا لسه؟؟و لو ما حتتدخنوا حتعملوا شنو؟؟؟لو عندكم خلطات او كريمات او اى شى قولوا لى اوكيز.
انا الدخان ماجادة فيه اتدخن يوم و 10 لا و الصراحة زهجت منو بس ارضاء لماما حاتدخن تانى اسبوع و اوقفوا و انادى الخالة بتاعة الخلطات و الدلكة تشتغل معايا.
يلا فى امان الله.

فليم - وطني السودان - هدوية - ريحانة - رندة كلو سنة وانتو طيبين..

وطني السودان وفليم بنصحكم بماليزيا البلد حلوة شديد .. ناسها طيبين وطبيعة جذابة .. فيها حتة حلوة شديد اسمها Genting Highlands هي تلال بين السحاب فيها فنادق - ملاعب غولف ومدينة ملاهي .. بس حتتعبوا هناك لانو غالبية اكلهم الاكل البحري ..

يلا اشوفكم على خير..

دعواتكم لي الله يسهل اموري ويحقق الفي بالي..

السلام عليكم و رحمة الله
انا مغربية :27: لكن اردت ان القي السلام على اخواتي السودانيات بعد ان قمت بجولة خفيفة على الصفحات السابقة.
سلامي لكل الاخوات بدءا من العروسة جيلا الى flame4me و كل السودانيات.
حبيت اسألكم سؤال سريع و الجواب اكيد عندكم.
انا طبعا سبق لي و زرت السودان الشقيق من 8 سنوات و كنت عروسة(( بالحنا)).
و مرة حبيت اعمل نقش لليدين لأنه كانت هناك مناسبة فحبيت اني اروح اخر شياكة و لياقة. :16:
و لكن لم اكن اعرف اروح فين بالضبط فزوجي اخبرني انه مرة و هو في طريقه للعمل شاف مركز اسمه((مركز الحميراء للتجميل)).و فعلا رحت له و عملت نقش على ايدي و حبيت اني اخد دورات تعليمية في كل ما يخص التجميل بنفس المركز و المديرة اذكر انها طلبت مني 250 دولار للدورة. و الاخوات بالمركز نبهوني ان المبلغ كثيير. فلم استمر.
لكن لم التحق بسبب الحمل و الوحم و ما يتبعه.
المهم :انا شفت طريقة حلوة في المركز يستعملونها لتقشير الوجه و هي ب موس الحلاقة.
و الشيء الاخر الذي لفت انتباهي و جبنا سيرته احنا المغربيات مرة لما كنا مجتمعين بالنادي الالماني((تعرفووه؟؟؟)).بصراحة كلهم شكروا السودانيات على نظافتهن و اسلوب اهتمامهن بجمالهن.
و انا اموت و اعرف كيف تشيلوا القشرة بموس الحلاقة؟مع انها كانت طريقة امنة و الوجه بيطلع بعد التقشير يجنن.و كنت اشوف عن قرب كيف تطلع القشرة من الوجه.
و عيدكم مبروك مسبقا يا بنات. :27:
و سلامي لاهل الخرطوم.
ابشروا :)

كل سنة و انتوا طيبين ياحلوين...
جيلا حبيبتى ان شاء الله الفى بالك يتحقق و ربنا يكتب ليك الفيهو خير و يسهل ليك امورك كلها...قولوا امين كلكم...:26:
على فكرة شكلنا كده بقينا على ماليزيا و تايلاند ان شاء الله خطيبى:16: طلع فيزا تايلاند انا و الله لغاية اسى بافكر فى اسبانيا و قصيدة نزار قبانى بتعرفوها بتاعة لو كنا فى مدريد فى راس السنة.....دقيقة اسى اجيبها ليكم علشان تحسوا بى شوية..وتعرفوا انا وهم و كرور و بتاعة حركات كييييف :D
لو كنت في مدريد

لو كنت في مدريد في رأس السنة...
كنا سهرنا وحدنا...
كنا اخترعنا ربما-جزيرة...
أحجارها من الذهب...
أشجارها من الذهب...
تتوجين فيها اميرة...
لو كنت في مدريد في رأس السنة...
كنا راينا كيف في اسبانيا...
أيتهاالصديقة الاثيرة...
تشتعل الحرائق الكبيرة...
في الاعين الكبيرة...
كيف تنام الوردة الحمراء في الضفيرة...
كنا عرفنا لذة الضياع في الشوارع...
وجوهنا تحت المطر...
ثيابنا تحت المطر...
كنا رأينا في مغارات الغجر...
كيف يكون الهمس بالاصابع...
والبوح والعتاب بالمشاعر...
وكيف للحب هنا طعم البهار اللاذع...
لو كنت في مدريد في رأس السنة...
كنا حملنا شمعنا وزيتنا...
بيد السلام والمحبة...
كنا شكونا حزننا اليه....
كنا ارحنا رأسنا لديه...
لعله في السنة الجديدة...
ايتها الحبيبة البعيدة...
يجمعني اليك بعد غربة...
في منزل جدرانه محبة...
وخبزه محبة...
لو كنت في مدريد في رأس السنة...
كنا ملأنا المدخنة...
عرائسا ملونة...
لطفلة دافئة العيون...
نعيش ياحبيبي بوهمها...
من قبل ان تكون...
نبحث ياحبيبتي عن اسمها ...
من قبل ان تكون...
كنا صنعنا تختها الصغير من ظنون...
تختا من الاحلام ..والقطيفة الملونة...
تنام فيها ربما بعد سنة...
لو كنت في مدريد في رأس السنة
ااااااااااه يا اسبانيا....متين ياربى امشى اسبانيا و مدريد و ملقا و الكنارى...و اتجدع فى قصر الحمراء و امشى سان سبستيان و ازور قرطبة..انا ماعارفة مالى لكن اى شى يخش فيه اسبانى بحبو طوالى..و بأتأثر.ز و اقعد ابكى..:icon33: .تقول فينى عرق اسبانى و انا ماعارفة:39: ....يلا بريتكم ساى...