سبحان الله يا فليم النسابه ديل مصيبه وما بعرف اي مرة في الدنيا بتحب اهل زوجها قصدي يعني من قلبها سبحان الله انا ما عندي اي مشكله مع امو لكن عندو اخوات يا سااااااتر مشكله كبيره لكن على قولك الزول بعمل العليهو وبس عشان خاطر زوجي وتعرفي فكرة انك بره السودان دي ريحتك من مشاكل لا ليها اول لا ليها اخر مساكين نحن البنعاني ونتمزق وابشرك شفتي لو كسرتي رقبتك وخدمتيهم بعيونك ما حيعتبروك وحدة منهم ولا حتكون في محنه قدر ده بينكم ودي تجربة اي مره في الكون من اي جنسيه عشان كده ما تجتهدي شديد عادي اعملي البتقدري عليهو وبس..
الدخان بالعكس حلو يا فليم لكن اذا ما بتحبي لونو ما تتدخني بي شاف لانو بشيل اللون الاصفر او الاحمر ..اعملي طلح بس ويا حبذا لو طلح القضارف او تنقسي.. واخر حاجة قبل ما تقومي بي 10 دقايق ارمي في الحفره او الرحالة بخور حلو وبعداك اتريحي بي عطر قوي وغالي واقعدي 5 دقايق بس وقومي وشوفي الريحه حتمسك فيكي كيف وادعي لي..بس الكلام ده يوم الخميس لانو لو مشيتي بيهو المكتب حتكوني شااااااااذه شديد! بالمناسبه ما تعملي خمرة بعد الدخان مباشرة لانو ريحته حتكون كريهه ممكن صندليه.. او تكتفي بالعطر الباريسي كفايه جدا..
الدلكه ما الا مع الدخان.. اتدلكي يوم بعد يوم خصوصا لو بشرتك جافه ريحته حلوة وبتنعم الجسم..
وبالمناسبه الحنة ما للراجل!!! الحنه للمجتمع!! كلام بايخ مش؟ لكن دي الحقيقه..اوعك يا فليم تمشي لي اهلو وانتي ما 100% عشان مافي زول يلقى فيكي فرقه .. شفتي النسابه البلقى فرقه طوالي بدخل ورقه!!!!!!! اعملي حسابك وعامليهم بحذر عشان الاذى الجسيم بس!
بالمناسبه بعد ما تولدي لاااااااااااااااااازم تتدخني دخان تقيل امانه يا فليم وبعد ما تجي بيتك اتدخني اقل حاجة مرتين في الاسبوع اماااااااانه وما توري راجلك ليه بس اتحججي انك بتتكيفي لي ريحتو..امانه حبيبتي ولو ما عارفه ليه برسل ليكي على الخاص..
طبعا لقيتك مجنوووونه وامك مسكينه تعرفي دي لة امي كانت مشت فتحت فينا بلاغ! خخخخخخخ
ايااااام رهيييييبه يحليله اهئ اهئ

رنوية رسلي لي ايميلك على الخاص حبيبة...

رسلتو يا فليمو
الباقين وين تجاربكم؟

رنوية المشلكة النسابة معايا هنا في البلد دي.... لوحكيت ليك افلام وافلام ومابتصدقي..ياحليلي مش؟؟؟؟ضحكتيني جد بانو اهللك كانوا فتحوا فيك بلاغ دي....طبعا انا راجلي حيكون في وشي الاربعين كلوا اتخيلي..مافي طريقة اعمل رايحة او كريم او اي شي..اصلا اسي مامديني طريقة ولانفس في وشي اليوم كلوا لانو بنرجع سوا...عارفة باستني بس متين يطلع علشان الف شعري.....لكن ممكن اتدخن كتير اصلا حيكون شتاء ان شاءالله لكن وريني السبب ليه على الخاص..الحنة والله بس مافي وقت..كمان بحب الاظافرين النظيفة اسي خلاص باقي بس حتة فيها اثر الحنة....بيني وبينك لمن اشوف ساعات واحدة محننة بتجيني نفسيات...لكن اصلا مابعرف اختها زي العالم والناس.....احلي شي ايام النفاس ممكن اعمل الدايراهو لمن يكون في الدوام....فكرة مش....:26:

ريحانة ماتشيلي هم السودان لذيذ...انا ذاتي لمن اهلي رجعوا نهائي ماكنت دايراهم يرجعوا لكن جات معايا مكسب..بالعكس اتفسحت اكتر منما كنا في الامارات, زمان الاجازات كلها السودان يالسعودية لكن بعد مارجعنا السودان بقيت اسافر بلدان لذيذة وحلوة...وجد اهللك معاك دي بالدنيا حبيبة....