بنات موضوعنا وصل لخمسين صفحة خايفة يقفلوه زي ما قفلوا الاول رغم الاول قفلوه في 62 صفحة

احححححلى بنات
مشتاقين شديد
الملف بقى رهيب مش كده؟
يلا انا ساكنه في الخرطوم - حي الصفا- مقابل ميمات الشهيره يا ماريا وريحانه
والبجي السودان وما اشوفو تعب معاي خخخخ
طبعا يا ماريا راجلي مسميني ساطور خخخخخخ انا اكره ما اكره المجامله وما بدورك ده فيييي عينك ولسان الحال بقول فكنا ياخ كرهتنا والله ابدا ما بجامل لو تكون منو ما تكون والحكمة تهبشني ما السودان كلو بحجز وفي النهايه بجيبو البوليس!!!!!!!!عارفه في مسألة الحقاره بس زي الجنوبيين لايوقه وشكاله وشبكه خلاص!!! لكن والله وبالرغم من كده قلبي ابيض خلاص وبسررررعه بنسى مشكلتي في الدنيا دي اني فلفليه حاااااره..وزمان كنت فظيعه لكن بعد ما اتزوجت بقيت كتيييير بحاول اكسر الطبع ده عشان الحياه تمشي وعشان عين تكرم مدينه..
يااااااااااا بنات الزواج ماهو احلام ورديه ولا بيبي حلووووو وكلبوش ولا حنه ودخان بالمناسبه دي احلى حاجات في العرس.. لكن في حاجات انتو ما بتفكرو فيها ودي الغالبه لانها دي المحك الحقيقي..المسؤوليه..المطبخ..العزايم..النسايب..المجاملات..سوء التفاهم مع الزوج..التحكم..التقييد..باختصار حياتك بتبقى ما ملكك..
اجمل ما في الزواج الايام الاولى وبعداك بتعيشي على ذكراها باقي عمرك!!!خصوصا هنا في السودان!
رايكم شنو نعيد الذكريات للمتزوجات يعني كل وحده تقول عرسها كان وين والفنان منو واكتر يوم استمتعت بيهو والمكان واجمل موقف وكده.... وللما متزوجات تقولي اجمل يوم في عمرك كان متين..
حابدا بي نفسي:
العقد 8/10/2005 في البيت في الجنينه..ده اروع يوم..كان بي موسيقى الجيش وبعداك الفرقه الاثيوبيه كانت مبااااااالغه والناس اتبسطو شديد وبعداك سد المال بي هاجر كباشي
ده كان اجمل يوم وحصل اجمل موقف لي زوجي عارفين بدلتو بتاعة العقد كانت في دولاب اخوهو محمد وطبعا الناس عندنا في البيت مع الفرقه الاثيوبيه وزوووووول جاهو مافي في النهايه اضطر انو يكسر دولاب اخوهو عشان يلبس خخخخخخ مسكين قعد يفتش في حديده ومفك وما كان عندو عربيه فمشى يجيب عربية الزفه بي تكسي خخخخخخخخخ
بعداك سافرت الامارات عشان اجهز
حنة زوجي كانت 30/12/05 بي وليد الاهليه في بيتهم
العرس كان 31/12/05 في الصاله المغلقه نادي الضباط وكان بي اللحو ابيخ عرس انا حضرتو في حياتي زحححححححمه موووووووووت والفنان بيييييييض مسلوق وحاله صعبه خلاص
حنتي كانت 1/1/2006 في بيت ناس جدو واكيد بتسألو ليه الحنه بعد العرس والاجابه انو الفنان مقلبنا وسافر اليمن!! كانت بي فرقه شايقيه وكانت حللللوة وفكرته غريبه والصفاقين المع عبد الرحيم البركل عملو جو حلوو لانهم رقاصين شديد
الصبحيه كانت يوم 2/1/2006 بي قسمه وفي صالة المؤتمرات رقم 3 في نادي الضباط كانت منظمة والدخول بي كروت ومافي اطفال عشان كده طلعت حلوة بس انا كنت فترانه وتعبانه شديد
في نفي اليوم بالليل مشينا الفندق وقعدنا يومين وبعدين سافرنا شهر العسل القاهرة وبسسسسسسسسس ما حكمل خخخخخخخخخخ
يلا في انتظاركم

هلا يابنات كيفكم الليلة جد مشتاقين......
رنو ياعسل امبارح مشيت ليك المحلات الوصفوها لي وطلعت بايخة وملايتها السنجل ماحلوة لكن الدبل لذيذة.....غايتو راجلي قال لي الا نشوف المولات يمكن نلاقي حاجات لذيذة وستايل واهو لسه باشوف....وياستي جد مافيها تعب اصلا انا ماعندي مشكلة في مشية السوق بس بيعتمد على راجلي خصوصا في السماء لانو هو البيوديني...الحمدلله امبارح جاني رايق ولذيذ قمت استغليتوا ومشينا السوق.....:26:ثانكس جد يابت على الدعوة الحلوة دي وجد ادعي لي كتير انا وكريم انو ربنا يحلنا بالسلامة....
ماريا يا طيوبة عارفة اسمك عاجبني جد؟؟؟؟لو جبت بت كنت ناوية ليها يابماريا يا ريتا....يلا الحمدلله طلع كرومي....الله يجيبه بالسلامة يارب..تامي ومعافي على قولة البت رنوية...بخصوص الابهات....انا طبعا حبيبة ابوي ودلوعته ومابيقدر يقول لي لا....عارفة لو اي زول داير شي في البيت بيقولوا لي كلميه انتي...بيقولوا البت حبيبة ابوها وصاحبة امها....انا والله حبيبة بابا وماما وجد الله يخليهم لي واقدر اسعدهم زي ما اسعدوني........بالذات اني البت الكبيرة....بابا طوالي بيقول لي انتي خط دفاعي الاول في الدنيا دي وولدي الكبير...يلا يابت ما تبكين تذكريني اهلي اسي واقعد تاني ابكي....بخصوص النتيجة ماتشيلي هم...الله كريم وبتطلع كويسة ان شاءالله بس طمنينا عليها..والف الف الف الف مبروك وعقبال المليون سنة ياعسل..عارفة حركتك دي طوالي باعملها لراجلي...باقول ليه عاين...نفسي تشتري لي هدية...في ريحة حلوة عاجبني جيبها لي....وباقول ليه اسمها....طبعا انا نقناقة بافضل انق لغاية مايجيبها لي......والصراحة بافرح..

فليموووووو كيفك يا عسل كويس يعني برمجتي امبارح؟ زبط يا زوله عموما ما تجهدي نفسك زي ما قلت ليك وانا بحاول اعرف المصدر وبديكي خبر بس خلي البت ترجع من القاهره.. وبالله كريم ده خليهو ينوم كويس عشان راجياهو دنيا بي طوله وعرضها حيعيشه..لاحق على الشقاوة..
ويلا تعليقاتكم على الموضوع الفتحتو..
ام صالح وين يا بنات؟ مختفيه ليها يومين؟

رنوية انا عقدي كان يوم 16-12-2005...كان بي فنان كده من مدني غناي والله جابوا لي ودخالتي....بيقلد طه حسين....طبعا العقد كان بابو العريس بس...العريس ماجاء...كان برضوا في بيتنا وعملنا برنامج كبير وعزمنا كل الاهل والاحباب ومشيت لغادة شرفي....العرس كان يوم 11-1-2006 في النادي الدبلوماسي.....الفنان حيدر بورسودان مع الدي جي ...الصبحية كانت يوم 12-1-2006 في صالة الضفاف ورقصتني هنودة....بعد داك عملوا لينا حفلة في بيتنا ما متذكرة متين بالظبط لانو قعدنا زي اربعة ايام بعد العرس في السودان وبعد داك سافرنا ماليزيا يوم 16-1-2006
احلي المواقف يوم راجلي جاءمن السفر....جاء يوم 9-1-2006 وجاني في البيت كانت بس خالتي الصغيرونة في ومشغولة مع اولادها قمت طلعت معاهو طوالي قال شنو ماشة اختار اغاني الزفة والسلو.....لما ناس ماما عرفوا كل شوية يتصلوا يابت انتي وين,,قلت ليهم انا مع راجلي وماراجعة اشوفكم يوم العرس تعالي شوفي الجرس..عارفني مجنونة وباعملها..المهم مشينا اخترنا الاغاني ولفينا كم لفة واتعشينا ورجعنا...احلي المواقف كمان يوم الصبحية وانا فساتيني لسه نصها عند مدام خلود والرقصة الرابعة ماحفظتها كويس....كنت عند غادة شرفي بالبس قفلت على باب اوضة اللبس وشغلت الشريط وهاك ياتعليم...وكل شوية انادي واحدة من بنات غادة تعلمني حركة..في النهاية لغيت الفستان الرابع ورقصت بتلاتة بس.....
احلي المواقف كمان......يوم الزفاف....مفروض ارجع مع ناس بيتنا طبعا...قلت ليهم خلاص نطلع من النادي وباجيكم بعدين..ماشافوني الا تاني يوم في صالة الرقيص طبعا..شهر العسل كان حلو جد زي الاحلام.....عموما العرس حلو..انا بس التاعبني بعدي عن اهلي وانو حصل شوية مشاكل بين اهلى ونسابتي....علشان كده بس لغاية اسي ماقادرة اتعامل معاهم كويس...سوء التفاهم بيني وبين راجلي بيحصل كتير بالذات اول فترة...لكن اسي الامور اهدا كتير الحمدلله..بقيت اعرف البيزعلوا وهو بيعرف البيزعلني....نحنا اتزوجنا عن حب خمسة سنين....وعرسني بعد ما اتخرج بسنة واحدة بس وكل الناس شايفة انو لسه صغار على العرس..ده كلوا باختوا في بالي وبحاول دايما اكبر عقلي..وباقول هو اتحمل ده كلوا علشاني وعرسني رغم انو حتي اهلوا شايفنو صغير على العرس لسه..مامعقول اجي انا اقيف ليه على الواحدة.....وزي ماقال الرسول الف صلاة وسلام عليه بمامعناه انو زوجك جنتك ونارك....فانا باستحمل وافوت واحتسب عند ربنا حتي اهلوا باعمل العلي والواجب والحب والمحنة دي من عند ربنا......وسبحان الله الامور بقت اهدا كتير....
.....رنوية انا طبعا لاحنة ولادخان...والصراحة راجلي ماعندو مزاج في الحاجات دي....فمريحني.....لكن ناوية الاسبوع ده اتدخن واعمل دلكة...المشكلة مابحب لون الدخان ده...لو اتدلكت بعده اللون بيبقي احلي مش؟