om salih :

كيفكم؟ والله يا بنات ما مشيت وصلوحي في الحضانة ما خليتو في البيت ما انو كان نايم وراجلي قال لي خليهو مع البت بس خفت يصحي يبكي وهو بيحب الحضانة موت لانو بيحب اللعب كان نايم وصحي في الطريق واول ما شاف الحضانة ما بيصدق نفسه من الفرحة واليوم كمان واحشاهو عشان امس ما مشي بس انا قلقانة عليهو عشان عيان مع انه اليوم احسن من شوية غمضت عيني هنا في الشغل وبدون ما احس اخدتني نومة ( سهر شديد ) حلمت حلم يضحك :hahaha: قال انا في بيتنا في السودان ومعاي صلوحي ما عارفة كيف المهم انا قاعدة وحواليني ناس بيتنا جا صلوحي ماشي وانا قلت ليهم شوفو صلوحي مشي ( يعني اول خطوات ) قلت اجيب الكميرا اوره بس قعد ياشر لي تعالي مشيت وراهو وهو كل شوية يسرع زيادة شاف حمامات في الحوش جري وراهم وانا في الحلم ما عايزاهو يجري عشان يادوب اول مرة مشي المهم الحمامات جروا وهو جري وراهم لمن حصل واحدة اتعلق في ديلها وقامات طارت بيهو ( في الحلم حجمه مناسب معاها ) طارت فوق وانا رافعة راسي بعاين ليهم جات خالتي قالت لي وينه قلت ليها طارت بيهو الحمامة اتخلعت وقالت لي حتوقعه ممكن يفك يده ويقع المهم لسا ما كملت كلامهما جات الحمامة ونزله وكانت غيرت الوضع وماسكاهو بمنقارها من هدومه وفي الحلم قلت يا سلام عليها عشان ما يقع حلم يضحك لقيتوها كيف الرسوم المتحركة؟؟؟؟؟ :22:

كيفكم؟ والله يا بنات ما مشيت وصلوحي في الحضانة ما خليتو في البيت ما انو كان نايم وراجلي قال لي...