صباح الخير يابنات.كيفكم حبيباتي....الليلة انا تعبانة شوية..من امبارح حرقان عجيب....والليلة بالصباح استفرغت لمن ماكنت قادرة امشي....قعدت ابكي راجلي كان في الشغل وانا براي في البيت...الله يلعن الشيطان لكن بلد مافيها اهلك دي جد بلد سجمانة...عارفين ماقادرة استني جد لمن اختي تجيني....اشتقت لناس بيتنا شديد....
بخصوص الوزن..انا لغاية اسي وزني زايد 5 كيلو...الدكتورة قبل فترة شاكلتني لكن اخر مرة مشيت ليها قالت وزني ماشي كويس....انا كل ما امشي السيتي بتجيني نفسيات...اي شي خلاص بقي ماقدري ....اعيان للهدوم السمحة واتحسر...يلا مامشكلة ان شاءالله نظبط موضوع المشد ده والرياضة اساسية طبعا ناوية اشتري لوربنا سهل جهاز رياضة كويس قبل ما اولد واخليه جاهز في البيت..
يارب ام صلوحي تدخل علينا الليلة وتطمنا عليه.....

فليمو سلامتك..يحليلك مالك؟اسمعيني: الحرقان ده عادي وعلاجو الوحيد كباية لبن بااااارده طوالي بتطفيهو وكل ما كانت بارده احسن..جربي وادعي لي..ما تستهوني بموضوع الاستفراغ ده..انتي بعد ده في الخامس وما مفروض ترجعي اتصلي بي الدكتورة بتاعتك كلميها وارجعي لينا طمنينا..

رنو سمعت كلامك مشيت السوبرماركت جبت لبن وشربتوا..بارد لمن اسناني وجعتني ان شاءالله بس يفيد...الدكتورة ان شاءالله بكرة ماشة ليها وحاقول ليها على الحاصل كلواواشوف الحل شنو....
بنات بخصوص السراير غيرت رائي من سراير البيت اليوغسلافي وقلت حاجيب اتنين ماليزيات والسلام..اول شي الاوضة لقيتها صغيرة شديد على ديل تاني شي لقيت ديك مع مراتبهم وصلوا للتلاتة الف.....تتتوماش على قطر مش؟؟؟؟انا متبعة سياسة انو الشي اللي ما ينفع اشيلوا معايا من البلد دي لوطلعت منها ما اصرف عليه كتير..وبيني وينكم....شايفة في حاجات اهم..ادوني رايكم بليز.....وتجربتكم مع العفش الماليزي؟؟؟ ماما طبعا مشجعاني على الموضوع شديد لانها من انصار"الواحد عزو في بلدو" لكن انا شوية محتارة...يلا كمان لاقتني السراير البتكون عاملة زي كنبة واسعة كده...فهمتوا قصدي شنو..دي اقل واحد لاقاني بي 1500 لكن جد عجيب....لكن ده لوجبت منو حاجيب منو واحد واتنين شيزلونج صغار علشان الاوضة صغيرونة..يلا اقترحوا لي....
انا طالعة اسي ماشة زيارة لصاحبة امي وباجي بعد ساعتين ان شاء الله..في امان الله

يا فليم رقتي بعد اللبن مش كده؟
يلا اذا اصلك حتولدي في قطر لزومو شنو الصرف؟ يا بت اختصري قدر ما تقدري..بس المهم والباقي انسيهو ان شاء الله البيبي الجاي في السودان تكوني زاتك قدمتي في الشغلانه
والله لو مكانك ما اكتر ولا ابالغ ياخ انتي في نعمه والله اصلا الحيجيكي منو؟ البجي مرة ما بجي التانيه بس حاولي انو السراير شكلها ما يكون مكرر..بت خالتي ولدت في الامارات في سراير ماليزيه يا حلاته وهسه ليها 3 سنين والسراير في كامل جماله..انسي الوهمه يا بت ووفري قريشاتك اتهني بيها في لندن وههججي بيها البيبي من ناحيه لبس وكده والبفيض اعمليهو ان شاء الله غويشه ما بتضرك ابدا..
والله كان تولدي في السودان وتشوفي المبالغ الطائله الراحت ساااااااااي بس شمار في مرق وما كان في اي فائده تذكر!!!!!!! ااااااااااه يا البي لا تحزن

رنو....شمار في مرق دي معناها شنو عليك الله وريني وباحكي ليك قصة حصلت معايا....
والله يابت شكلي حاعمل كده..اصلا سفرة لندن دي شكلها حتخرب بيتي في الوقت ده بالذات لكن يلا خلنا نتفسح ونغير جو...راجلي كمان عندو عشق غريب للاماكن السياحية ناوي يدخلنا اي متحف واي قصر..انا طبعا احسن لي اشتري حاجات بالقروش دي والسياحة في المقام الاول عندي شوبينج لكن نسوي شنو بس..
وطني السودان مارديتي لي بخصوص التياب حبيبة؟...لومابتعرفي المحلات مامشكلة ياعسل...
رنو والله فعلا اسي احسن بكتير اللبن روقني ومشتي لصاحبة ماما اكلت تمام وجيت اسي نشيطة....