يحليلك يا فيلم.................................................................
يل ربي كيفك؟

ده شنو؟ وينكم يا بنات؟

هيه ده شنو ؟؟؟ خمس صفحات نفس الردود ..؟؟ انا قلت البنات نشيطات شديد لا المنتدى معليش مرات بعاكس كده شوية .. رنو .. انا ما أخترت الطب إلا و انا مفكرة كوووييييييييييس بعدين انا ما دايرة اكون جراحة لا اخترت دكتورة اطفال لانهم عسل جد عسلز و كمان انا عارفة الطب و مراحله ما عندي بروب لكن الحالتو زيك بيشرط هدوموا و كده و بيمشي البوليس ده يقنع من شي اسموا طب انا من حكاية الدم و الخوف ما عندي قلبي جامد إذا كان انا بقيف مع الضباح و بتفرج على كل جزء ها و ما بخاف و بقعد بسألوا ده شنو و دي شنو ... و عادي لغاية ما يمشي .. قنعتي و لا لسه اني مختارة الطب ما ساي و بعدين انا حابة الطب و بشوفوا حاجة كده كووووول إذا الواحد قلبوا قوي و ما عندوا شي خلاص و النية بس كلو بيتوقف على النسبة ادعوووووووووولي ... فليم طمنينا الله يستر مالك ..؟؟ سلامتك طمنينا ...

فليم برضو ما ظهرت..بديكم خبرها بعد شويه..بس خلو الواطه تصبح..
ريحانه يا جامده!! لقيتك راجله شديد!! ذكرتيني بي موقف حصل لي ابوي عارفه في ولادة حسن اخوي في لندن طبعا كانو براهم وبابا لسه كان طالب ماجستير فدخلوهو مع ماما غرفة الولاده..هو كان عامل فيها بقرا وكده وقاعد جمب ماما وهي بتكورك حلبيه جرسه مايفوتك يا زوله لما بدت فكرة الولاده والدم والقرف قوم يا بابا على حيلك وامشي ليك كم خطوة كده اتجاه الباب وررررررررب اغمر خخخخخخخخ طوالي خموهو ورقدوهو في طربيزة الولاده التانيه خخخخخخخ فاحسن الزول ما يتشبك في حاجات ما قدرها..ياخ انا الحيين عندي معاهم مشاكل البشربكني مع الميتين شنو؟
امبارح طلعنا ومرينا على المقابر لقينا ليك داك يا المجنون راقد فوق سور المقابر وبتفرج بي متعه كده وبغني بس قلت سبحان الله المجانين ديل هم العايشنها صح!!
قال ليك شايقي مر جمب المقابر قام وقف العربيه وشغل بي اعلى صزت في المسجل: حبيبي الدنيا ما احلاها!! خخخخخخخخخ ولي عوده

باح الخير حبيباتي...كيفكم الليلة...اناالحمد لله احسن الليلة من امبارح..على الاقل نمت لي اربعة ساعات متواصلة...غايتو جد الله يعين لكن ده من اسغل الحاجات المريت بيها...الحمدلله
رنو وام صلوجي وريحانة وباقي البنات كيفكم حبيباتي .....والله ياعسل مشيت ماخليت لا طوارئ للدكتورة الخاصة البتابع معاها..ادوني الادوية وقالوا لي بس اخديها واستني..واشربي سوائل علشان تعوضي....المشكلة اشرب كيف اذ اول ما اشرب باستفرغ..وانا جد كلوا هين الا الاستفراغ بيتعبني....كمان امبارح وجع ظهر فظيع...ماقادرة اقوم من السرير...غايتو راجلي مشي جابلي دواء لوجع الظهر واسي احين جد......دعواتكم بس يابنات اخف..السفر مفروض بعد 3 يايام..يوم الجمعة الجاية وجد نفسي ابقي تمام قبل كده ان شاء الله.....